Cruxton fyrir 20 árum, 11 mánuðum Fjöldi lestra: 839

Magaveikar Síamskisur...

Síamslæðan mín er komin til ára sinna…enda orðin circa 13ára.

Hún er heilsuhraust, fer út í öllum veðrum og í árlegri skoðun, kattafárssprautu og ormapillu hjá dýralækni fær hún alltaf 100% heilsustimpil.

Hins vegar er hún síælandi, sérstaklega eftir að hafa borðað þurrmat en síður þegar hún borðar kattamat úr dós.

Þetta hefur aukist með tímanum og nú ælir hún oft í viku - útum allt! Mér er alveg sama um að þrífa þetta, en er hræddur um að kisan missi þyngd, styrkur hennar minnki og heilsan bresti.

Einn náungi sem ég þekki átti 2 síamskisur, og þær lentu báðar í þessu að æla öllum mat…þar til þurfti að lóga annari! :(

Dýralæknirinn á Dýraspítalanum í Víðidal ráðlagði mér að kaupa kattamat hjá þeim sem lækningu við kvillanum, en mér fannst hún meira hljóma sem sölumaður frekar en dýralæknir…enda ælir kisan öllum mat, fiski, kattamat í dós, kattakexi….o.sv.fr.

HJÁLP! Hvað get ég gert?
Þetta er eina gæludýrið sem ég hef átt um ævina, og ég lít á þessa skapstyggu læðu sem minn allrabesta vin! :)

“True words are never spoken”

icecat fyrir 20 árum, 11 mánuðum

Sæll, já þetta er leiðinlegur kvilli bæði fyrir þig og kisu að vera síælandi. Það fyrsta sem mér dettur í hug þegar þú segir að hún æli af öllum mat þá myndi ég prófa að kaupa maltextrakt sem hægt er að fá í túbu í apóteki og gefa henni 1 cm. rönd á dag…þú verður að öllum líkindum að pína það ofan í hana hvernig sem þú ferð að því.
Ef það eru hárkúlur í maganum á kisu þá leysir maltið þær upp.
Er hún að kúgast mikið líka ? Eða ælir hún bara og kúgast ekkert á milli ?
Annars mæli ég hiklaust með dýrari mat frá til dæmis Royal Canin, Eukanuba, Techni-cal og fleirum því þar getur þú fengið mat sem hentar aldri kisu.
Mínar kisur fá aðeins svona dýran mat og hann endist miklu lengur og feldurinn er miklu fallegri heldur en af mat úr súpermörkuðum (Whiskas).

Allavega prófaðu þetta með maltið og keyptu einn poka af dýrari kattaþurrfóðri fyrir Senior kisur og endilega láttu vita hverng fer og gangi ykkur kisu sem allra best.

IceCat

Fyrra álit

[Notanda eytt] fyrir 20 árum, 11 mánuðum

dýralæknirinn er að reyna selja þér dýrari kattamat til að kettinum líði betur.

myndiru borða ógeðslega vondan mat ? bara því hann fæst í bónus og kostar lítið ?

eða dýran og góðan mat, líður vel og 4x meiri næring en hann fæst í sérbúð

Fyrra álit

Cruxton fyrir 20 árum, 11 mánuðum

Ætla að prófa annan kattamat.

Hafði ekki hugmynd um að til væri “Senior” kattamatur…en hef rekist á ketlingamat.

Kisan hefur alla ævi verið með slæman kíghósta, þar sem hún stendur í lágri “armbeygju” stellingu, og er dáldið sárt að hlusta á. Gerist samt ekki á sama tíma og hún ælir.

Hefuru prófað sjálf þetta með Malt Extraktið? Er hægt að lauma þessu í mat?

Takk kærlega fyrir !!

P.S. Fást þessar dýrari senior tegundir í Dýraríkinu eða Víðidalsspítalanum?

“True words are never spoken”

Fyrra álit

icecat fyrir 20 árum, 11 mánuðum

Sæll Cruxton, gaman að geta hjálpað þér :)

Þessi Senior kattamatur er þannig gerður að hann er orkuminni til að kisi fitni ekki og gerður sérstaklega fyrir viðkvæma maga eins og þeir verða stundum þegar þeir eldast…þeas magarnir :)

Ég kannast vel við þennan “kíghósta” en hef tengt það við æluna. Ég á eina læðu sem er 10 ára og fyrir nokkrum árum fór hún að taka upp á því að hósta eða kúgast rosalega mikið…mér datt nú helst í hug að hún væri í asmakasti. Svo var hún að æla ca. 1 x á dag án þess þó að ég sæji það, fann bara afurðirnar hér og þar um húsið. Þá var mér bent á af dýralækni að kaupa þetta maltextrakt og gefa kisu 1 sinni til 2 á dag og þetta lagaðist á viku og einnig hóstinn.

Svo hef ég gefið ungum syni mínum maltextract til að lina hjá honum hægðirnar sem voru mjög harðar á tímabili.

Ég prófaði sjálf aldrei að setja þetta í mat heldur setti ég kisu á bakið í fangið á mér og tók um kjálkana og sprauta upp í hana, tók 20 sekúndur og hún sleikti út um í aðrar 20. Best er að fá hjálp hjá öðrum því ekki er auðvelt að halda spriklandi kött niðri hehe :)

Það sem ég fékk hjá dýra var í túbu en það sem ég keypti fyrir soninn var í dollu og er alltof mikið til að kaupa handa kisu.

Allar dýralæknastofur, Blómaval, Garðheimar og allar dýrabúðir eru að selja dýrari mat. Ég kaupi pakkann á ca. 2000 kall og það dugar í mánuð fyrir mínar 2 kisur. Einnig hef ég blandað saman dýru fóðri, annars vegar Senior og svo mat sérstaklega gerður fyrir húð og hár því mín gamla vill stundum verða svolítið mött í feldinum.

Endilega prófaðu þetta og athugaðu hvort “kíghóstinn” lagast ekki í leiðinni !

IceCat

Fyrra álit

Cruxton fyrir 20 árum, 11 mánuðum

IceCat:

“Royal Canin, Eukanuba, Techni-cal”

Eru þetta ekki einungis þurrfóðurstegundir?
Mæliru með einhverjum dósamat?

Takk takk

“True words are never spoken”

Fyrra álit

icecat fyrir 20 árum, 11 mánuðum

Nei ég mæli reyndar ekki með neinum dósamat, bæði finnst mínum köttum hann ekki góður og svo finnst mér ógeðsleg lykt af honum. En það er allt í lagi að gefa dósamat td. frá Whiskas 1x2 í viku sem nammi.
Mínar fá alltaf þurrfóður og til hátíðabrigða túnfiskdós eða fisk. Svo stundum stelst ég til að gefa þeim mjólk þrátt fyrir að þá hrynji hárin af þessarri eldri.

IceCat

Fyrra álit

Cruxton fyrir 20 árum, 11 mánuðum

Vissulega er lyktin dáldið vond af þessum dósamat.

Hins vegar eru kettir jú rándýr = kjötætur en ég hef heyrt að margir kattaeigendur gefi kisunum sínum einungis þurrfóður.

Er það ekki svipað og að við mannfólkið myndum maula mjólkurkex frá frón í öll mál :)

“True words are never spoken”

Fyrra álit

icecat fyrir 20 árum, 11 mánuðum

Hehehe…í þessu þurrfóðri er náttla kjöt, korn og fleira sem kisarnir okkar þarfnast. Allavega líta kisurnar mínar ekki við svona dósamat frá Whiskas og hafa aldrei gert svo ég hef náttla ekkert verið að kaupa hann :)

IceCat

Fyrra álit

Cruxton fyrir 20 árum, 11 mánuðum

Well, ég fór uppí sjopu og keypti dós af MaltExtrakt og neyddi 1/2 lítra uppí hana!

Nei nei, án gríns keypti ég malt-túpuna og senior kexið…og reyndi árangurslaust að pína maltið uppí hana…þannig á endanum setti ég þetta á loppurnar hennar og lét hana um að sleikja þetta af (ráðlegging frá dýralækni).

Takk kærlega IceCat!! :-)

“True words are never spoken”

Fyrra álit

catzwoman fyrir 20 árum, 11 mánuðum

Hæ Cruxton,

Ég á nokkrar kisur og voru þær á tímabili hóstandi og gubbandi hægri og vinstri og ekkert dugði.. maltextraktið dugði ekki.. það sem mér datt svona í hug að væri að gerast væri það að kisurnar mínar væru með einhverjar meltingartruflanir svo ég keypti Metamusil (það er fíber í dollu) í apóteki tók svo þurmatinn, setti hann í plasbox stráði einni matskeið af Metamusil yfir bætti svo vatni þannig að vatnið flæddi aðeins yfir og setti svo lok á boxið og þetta allt í ísskápinn minn tók þetta út c.a. 2 tímum síðar og gaf þeim.. þetta lagaði gubbið hjá mér ég reyni að gefa þeim þetta c.a. 1 x í viku og gubba þær varla núna.. ég hef gefið öðrum þessa ráðleggingu og það svín virkaði hjá þeim líka.. gangi þér svo vel það er svo leiðinlegt að sjá kisurnar sínar þjást svona..

kveðja Catzwoman

Fyrra álit

[Notanda eytt] fyrir 20 árum, 11 mánuðum

Já, Whiskas er algert ógeð

Kisinn minn varð næstum því hringlóttur(fita) af að borða matinn þaðan og fékk illt í magann! :S

Fyrra álit

BlizzarD fyrir 20 árum, 11 mánuðum

Þetta er eina gæludýrið sem ég hef átt um ævina, og ég lít á þessa skapstyggu læðu sem minn allrabesta vin! :)

Fyrra álit

[Notanda eytt] fyrir 20 árum, 10 mánuðum

kisan mín er 10 ára og hún er líka búin að æla óvenjulega mikið uppá síðkastið…:s

Fyrra álit

Kettir

Kettir

Ofurhugar

Stjórnendur

Hverjir eru inni

Greinar

Magaveikar Síamskisur...

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi