Fyrst þú vilt ekki amerískann (sem bjóða uppá marga góða kosti) þá myndi ég mæla með Suzuki Jimny eða Vitara/Sidekick. Þetta eru einfaldir og ódýrir byrjendajeppar sem eru hagkvæmir í rekstri.

Ef amerískir hefðu verið í boði þá hefði Cherokee eða Grand Cherokee komið sterklega til greina.

JHG

RE. spegúlering

Daginn

Þessi þráður er athyglisverður að mörgu leyti og þú ert búinn að fá gommu af fínum svörum en það er ýmislegt sem þú þarft að hafa í huga áður en þú kaupir jeppa og við sem eigum að ráðleggja þér þyrftum að vita til að okkar svör verði hnitmiðuð.

1. Aldur
2. Fjárhagur, hversu dýrann jeppa
3. Geta til að gera við sjálfur og mixa
4. Stærð á jeppa
5. Hversu mikið breyttann


Byrjum á þínum aldri.
Eins og þú hefur svarað geri ég ráð fyrir að þú sért ekki fjölskyldumaður. Það setur þig í þann flokk manna að hafa ekkert við stórann jeppa að gera. Þ.m.t. Patrol, Landcruiser o.s.frv. Eigir þú hinsvegar lítil börn eru pallbílar einstaklega óheppilegir þar sem það er þröngt að ganga um aftursætin, sérstaklega ef um er að ræða börn sem nota bílstóla.

Fjárhagur.
Þetta er eiginlega upphafspungturinn því að ég veit innst inni að þig dreplangar í splunkunýjann Patrol með 4.2 diesel turbo á 49" dekkjum en hann er líklega of dýr. Athugaðu vel hvað þú ert á höttunum eftir því að munurinn á milli bíltegunda endurspeglast í verðinu t.d. sama árgerð af samskonar bíl, annars vegar Nissan Patrol og hinsvegar Landcruiser, reyndar með mun stærri mótor, munar ca milljón í verði. Finnst þér gæðamunurinn vera svo mikill eða geturðu sætt þig við að nota milljónina til að bæta Pattann.
Skjóttu á verð sem þú ert að hugsa um

Geta til að laga.
Önnur veigamikil spurning. Munurinn liggur í því hvort þú þurfir að punga út fimmþúsundkalli á tímann fyrir utan vask til þess að skipta um legur, fóðringar o.s.frv.

Mín reynsla er sú að ef þú kaupir japanskann jeppa eru líkur til að þú finnir ágætis bíl en þeir eru allir þannig að hver einstakur hlutur er framleiddur bara fyrir þennann bíl, t.d. er dana 60 afturhásing undir Isuzu trooper 1998-200og eitthvað en samt er annar rílufjöldi í öxlunum ásamt einhverjum óverulegum breytum sem gera það að verkum að eingöngu genuin Isuzu varahlutir passa. Í þessar hásingar kosta hlutföll morð fjár. Sama á við um fjölda parta í Patrol, ganga eingöngu partar merktir Nissan Patrol og eru óhemju dýrir. Báðir fyrrnefndir bílar eru hinsvegar prýðistæki og eigulegir bílar.

Ef þú velur Amerískan bíl þá eru kominn í annan flokk. Ég stend á þeirri meiningu að t.d. cherokee sé síbilandi og í raun tolli aldrei almennilega í lagi EN það er draumur að kaupa í þá varahluti. 2 stýrisendar og vinna stálsmiðs við að renna gengjur á prikið á milli þeirra, plús múffa til að skrúfa endann á kosta jafnmikið og einn stýrisendi í Trooper. Miðstöðvar viðnám kosta 1/4 af sama búnaði í Patrol og þú færð 4 komplett 318 vélar fyrir sama verð og spíssa og dísur í Isuzu. Maður nennir ekki að smyrja hjöruliðskrossa heldur skiptir um þá á 10.000km fresti en maður er 2 vikur að safna fyrir þeim í japönskum bíl og skiptir ekki um þá fyrr en það er fullreynt með þá.

Þá er ósagt hvaða yfirburði amerísku bílarnir hafa á þekkingu manna á búnaðinum. Að vísu þekkja orðið býsna margir Patrol mjög vel en allflestir jeppamenn sem hafa verið í sportinu 10 ár eða meira eru mjög vel kunnugir hvaða búnaður passasr saman, hvað ekki og þá hvað þarf að gera til að það passi saman. Gott dæmi um slíka kunnáttu er Hrollurinn á Egilsstöðum.

Þá er bara spurning hvað þú ert fær um að gera við sjálfur, hvað þú vilt borga mikið og í hvað þú vilt eyða tíma og peningum í framtíðinnni.

Kv Izan

kostar ekki nema brot af því sem pajero og patrol kosta og er mjög rúmgóður en samt nokkuð léttur, t.d. minn er ekki nema 2 tonn í blautvigt sem er mjög ásættanlegt og eiðslan á honum hjá mér með 2,9 turbo disel vélinni er ekki nem um 11,5 í blönduðum akstri og er hann sjálfskiptur.
mussoin hjá mér er keirður 272500 km og get ég sagt að ég hef ekki lent í neinu teljandi viðhaldi með hann og varhlutirnir eru á mjög góðu verði í þá