LocoDuck fyrir 18 árum, 3 mánuðum Fjöldi lestra: 616

Tuning

Jæja viskubrunnar, Haldiði að það sé erfitt og dýrt að tuna 318 cid mopar 70´s vél sem er um 150 hp orginal!? í um og yfir 200 hp?

Ég er að skoða pallbíla með svona vél eins og kannski sumir vita, veit ekki alveg hvort þessi mótor sé málið… það er mun erfiðara að finna þessa pallbíla með stærri vél en það detta jeppar inn með 360 og síðan 440 big block

Ef maður fer að tuna svona minni vélar, fara þær þá að eyða hlutfallslega meira og eyðileggjast fyrr en ef maður myndi einfaldlega fá sér stærri vél…??

TB

Aesir fyrir 18 árum, 3 mánuðum

Með litlum tilkostnaði er hægt að breyta stock 318 vél þannig að hún verði yfir 200 hp.

T.d með flækjum, heitari kambás, 4 hólfa blöndung og góðu milliheddi og auðvitað loftsíu sem hleypir einhverju lofti í gegn.

Og síðan að passa að kerti og þræðir séu í góðu standi. Mig minnir að stock elektróníska kveikjukerfi hafi verið þrælgott, nærri því eins gott eins og GM HEI kveikjan. En ef vélin er með platínukveikju þá er það svosem í lagi ef þú ert með gott háspennukefli.

Með þessum smávægilegu breytingum er hægt að fá ágætlega öfluga vél fyrir kostnað undir 100 þús.

Og þú þarft ekki að hafa neinar áhyggjur að það komi niður á endingunni, flestar amerískar V8 vélar eru það sterkbyggðar að breytingar upp að ca 400-500 hp hafa lítil áhrif á endinguna enda er maður ekki oft að nota fulla fkasta getu vélarinnar í venjulegum akstri.

Sumar af þessum stock 318 vélum eru reyndar þeim takmörkunum háðar að þjappan er ansi lág á þeim, kannski um 7 eða 7,5:1 og það takmarkar ansi mikið hvað er hægt að ná útur þeim án þess að fari í kostnaðarsamari breytingar.

En upphaflega spurningin er hvort það sé erfitt eða dýrt að breyta 318 og það vil ég ekki meina að sé. Það er reyndar enn ódýrara og auðveldara að breyta Chevy 350. Ég myndi segja að þú fengir +300hp GM vél fyrir 200 þús kall í breytingum en ekki nærri eins öfluga Mopar vél fyrir sama pening.

En það er ekkert gaman ef allir keyrðu eins bíla og endilega haltu áfram á Mopar braut ef þú hefur áhuga á þeim vélum, hörkusleggjur.

More power to you ; )

Chevrolet Corvette

Fyrra álit

LocoDuck fyrir 18 árum, 3 mánuðum

þakka svarið

Fyrra álit

isan fyrir 18 árum, 2 mánuðum

Daginn

Ég stóð reyndar í þeirri meningu að 318 mótorinn sé 220 hö original en með 4 hólfa blöndung sé hún 240 hö.

Annars er alltaf besta aðferðin að auka afl í vélum að fá á hana flækjur. Rétt uppstilltar flækjur bæði auka aflið til muna og minnka eyðslu og bónusinn er flotta brúmm brúmm hljóðið.

Annars er sverara púst alltaf að gera sig og það að tryggja gott loftflæði inn á mótor án þess að draga úr gæðum síunarinnar.

Eins getur þú sett á hana kveikjumagnara, hann tryggir vélinni öruggan og góðan neista.

Með þessu getur þú verið viss um að gera vélinni ekkert illt. Bara ganga úr skugga um að vélin fái nóg af lofti mótstöðulítið og skili úrgangnum mótstöðulítið.

Hiclone er líka fyrirtaks aðferð til að auka afl í vélum og pottþétt að það skemmir ekkert. Það kemur hvirfli á loftið og sér til þess að loft/bensín blandan dreifist í strokknum og brenni bæði betur og hraðar.

Kv Isan

P.s. hafðu þessa vél rétt stillta þá skilar hún því sem þú biður um, í mínum huga er þetta langbesta V8 rellan á þessum aldri hjá þessum minni allavega.

Fyrra álit

kristinnm fyrir 18 árum, 2 mánuðum

Það getur nú varla verið að hún skili 220 hestum með blöndung, það er það sem hún er að skila með multiport innspýtingu!
Síðan má líka deila um ágæti HiClone ;-)

Fyrra álit

SJ413 fyrir 18 árum, 2 mánuðum

Af hverju getur varla verið að hún skili 220hö með blöndung? Ég leifi mér líka að efast um að það hafi verið komin MPI á 318 um ´70

Ford skal það vera

Fyrra álit

kristinnm fyrir 18 árum, 2 mánuðum

Mér finnst það ekki geta verið, þar sem 318 Magnum í Grand Cherokee er að skila 220 hestöflum og sú vél er endurbætt 318 með öðrum heddum og einhverju fleiru.
Ég leitaði aðeins á Google til að fræðast betur um þetta, og Raminn fékk þessa sömu Magnum vél í árgerð 92, og varð þá 230 hestöfl í stað 170 árið áður en þá var hann með blöndung!

Fyrra álit

SJ413 fyrir 18 árum, 2 mánuðum

Það er auðvitað fráleitt að bera saman vélar frá 1970 og 1992. Nú þekki ég mopar vélarnar ekki nógu vel til að geta teki dæmi um þær, svo ég nota fordinn. (en það giltu auðvitað sömu reglur þar). Árið 1972 var 302ci 220hö (og reindar árin á undan líka) þ.e í bronco. ´73 var hún komin niður í 186hö og ´74 174hö. Þetta var útaf hertum mengunar reglum í bna. Þannig að ef þú villt mótor sem skilar orkinal einhverjum hestum, þá eru í góðum málum ef hann er eldri en ´72.

Ford skal það vera

Fyrra álit

kristinnm fyrir 18 árum, 2 mánuðum

Hvers vegna er sá samanburður fráleitur?
'92 mótor með EFI ætti að vera þónokkuð hressari en ‘70’s mótor með tor, og þar sem nýrri mótorinn er 220 hestöfl þá vildi ég bera það saman við þessa tölu um eldri mótorinn. Mér finnst það bara ekki nokkur séns að hann sé jafn öflugur og sá nýrri! (í stock formi þá…)
Það má ekki gleyma því heldur að fyrir 1972 notuðu bandarískir bílaframleiðendur SAE gross hestöfl, sem voru mæld á vél án allra aukahluta. Eftir það voru notuð SAE net hestöfl, en þar var miðað við vél með öllu draslinu utan á (alternator, vatnsdæla, mengunardrasl…)
Þannig að þetta er nú ekki alveg þannig svart á hvítu útaf mengunarreglum sem tölurnar minnkuðu, heldur líka vegna mælingaraðferða!

Fyrra álit

kristinnm fyrir 18 árum, 2 mánuðum

T.d. þá var 1971 Chrysler 426 Hemi 425 hp SAE gross en aðeins 375 SAE net!

Fyrra álit

LocoDuck fyrir 18 árum, 2 mánuðum

Hef þetta í huga, takk

Fyrra álit

isan fyrir 18 árum, 2 mánuðum

Daginn

Málið er drengir mínir að um 1970, þegar umrædd vél var flutt inn ásamt hundruðum annara, voru innflutnings tollar á bílum ákvarðaðir eftir hestaflatölu mótorins en ekki rúmtaki eins og í dag. Rúmtaksmæling er frekar einföld og í raun eru allir bílar í dag metnir eftir rúmtaki vélar og þar af leiðandi mjög áreiðanlegur miðill til að ákveða hversu magnaður bíllinn er.

Hinsvegar reyndist mönnum það mjög auðvelt að segja rangt til um hestaflafjölda mótors þar sem engin almennileg aðferð var til til að mæla það, allavega ekki samhæfð.

Ég veit t.d. um 350 cevy mótor sem var í Pontiac Lemans árg. 1970 skráður 200 hö, sem er ekki nema 30 eða 40 hö minna en v6 pontiac grand an 3,2 fjölskyldubíll

Það segir mér heldur enginn að 318 V8, sem er í raun 5.2 lítrar, mótor sé í raun 10 eða 20 hö aflmeiri en 1.6 corolla með innspýtingu.

Upplýsingarnar mínar fann ég hist og her um internetið, nógu víða til að trúa þeim svona nokkurn veginn.

Kv Isan

Fyrra álit

kristinnm fyrir 18 árum, 2 mánuðum

Mér persónulega finnst það alveg geta verið að þessar vélar hafi ekki skilað fleiri hestöflum en þetta!
Hvar er togið og á hvaða snúning eru þær að skila þessu afli? Er það ekki á heldur lágum snúning þar sem þetta voru nú vinnubílar?

Ég held að tölurnar segi okkur ekki allt ég myndi t.d. vilja sjá hestafla og togkúrfu á þessum vélum.

Subaruinn minn er skráður 115 hestöfl en Wranglerinn 109 hestöfl. Subaruinn er með 2.0 lítra boxer mótor en Wranglerinn með 4.2 lítra línu-sexu sem mér finnst vinna töluvert betur… en aðeins á lágsnúning! (rauða strikið er líka þar sem subaruinn byrjar að framleiða hestöflin að einhverju ráði!)

Já það er gaman að þessu! :D
Ég er ekkert að reyna að vera með einhver leiðindi, mér finnst bara gaman að svona alvöru rökræðum stöku sinnum. Og gaman að geta gert það með mönnum sem kalla ekki hvorn annan fávita eins og oft er á þessari blessuðu síðu.

Fyrra álit

isan fyrir 18 árum, 2 mánuðum

Daginn

Satt er það, það eru til margir betri staðir en Hugi.is/jeppar til að vera með leiðindi t.d. alþingi.

Ég hef alla tíð gengið út frá því að hestaflatala er engin mælikvarði á afl mótora. Á milli landa og heimsálfna reikna menn og mæla heftöfl hver með sinni aðferð án þess að nokkur þeirra þurfi að vera röng. Aðferðirnar eru t.d. að berstrípa vélina öllum jaðartækjum og mæla hámarksútgangsafl miðað við hárrétt hitastig á bæði vél og andrúmslofti ásamt því að hafa 100% rétt súrefnismagn í loftinu.

Sá næsti mælir aflið út í kasthjól með öllum jaðartækjum s.s. alternator, stýrisdælu, mengunarvarnadælu, viftu o.s.frv.

Enn aðrir notast við reikniformúlu þar sem reiknað er með föstu súrefnismagni, nýtingu á eldsneyti, rúmtaki, fjöla cylindra og þjöppu. Jafnvel taka þeir með í dæmið lögun stimpilsins s.s. slaglengd og þvermál stimpilsins því að það ræður hvar útgangsaflið er mest.

Af því að þetta hefur verið svona á reiki og tollar og innflutningsgjöld víðsvegar um heiminn verið bundinn af hestaflatölu hafa framleiðendur hreinlega skáldað tölur til að halda sínum bílum ódýrari og engin almennilega fær leið til að staðfesta að tölurnar voru ekki réttar.

Í dag eru tollaflokkar ákvarðaðir á rúmtaki véla því að það er óskaplega auðvelt að nálgast þær upplýsingar og þ.a.l. engin leið að svindla, og þá gerðist það líka að hestaflatölur voru líkari raunveruleikanum því að þær selja bílana í dag.

Í viðbót má nefna það eins og Kristinn nefndi að þó að vélar hafi ekki háa hestaflatölu þá er allt annar hlutur hvað vélin togar. Það þýðir að ef við heyrum hestaflatölu þá þurfum við að vita á hvaða snúningi hámarksaflið mældist og hvað vélin togaði í newton metrum.

Kv Isan

Fyrra álit

Jeppar

Jeppar

Ofurhugar

Stjórnendur

Hverjir eru inni

Korkar - Almennt um jeppa

Tuning

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi