LocoDuck fyrir 18 árum, 8 mánuðum Fjöldi lestra: 620

Þið sem eigið 8 cyl. bíla

Ég er svona að spá, þið sem eigið 8 cyl jeppa (bensín)

Er alveg heví vesen að reka þetta? og ef þið berið ykkur saman við aðra jeppa kalla t.d. Patrol, Hilux og fleiri, eru þið þá alltaf með langsamlega mestu eyðsluna eða viljiði meina að það muni ekki svo miklu peningalega séð en helling hvað varðar kraft og slitlega séð (líklega minna slit á vélum sem eiga auðveldara með að ganga, en auðvitað eru einhverjir kannski á þyngri jeppum og hlutfallslega er þetta sama erfiði)

Hvernig líst ykkur reynsluboltunum á að ég menntaskólanýgræðingur myndi eiga einn 70´s rudda, (yrði ekki keyrður nema þegar ég þarf á honum að halda) Eru þessir gömlu mótorar skítsæmilega gangvissir í heildina litið og ef ég hitti á ágætis eintak ætti hann þá ekki að virka bara “jafnvel” og hvaða jeppi sem er…? (nenni ekki að hafa hann inní skúr endalaust)

Síðan er annað, ef maður færi nú í langkeyrslu, ætlaði t.d. til akureyrar, (þetta yrði sjálfskiptur bíll) og engin yfirgír væri á sjálfskiptingunni, hvernig myndi maður bregðast við því ef maður myndi vilja halda eyðslunni niðri, er eitthvað hægt að gera til að drepa aðeins niður snúningshraðann? myndi maður bara þurfa fá nýja skiptingu með o/d ?

Vonandi yrði svona stór bíll ekki minn fyrsti, er kannski að fara kaupa tjónaða suzuki swift tík, krukka í honum og æfa mig þótt svona lítill bíll sé kannski ekki samanburðaverður við einhvern risa jeppa en samt sem áður er pælingin á bakvið “how engine works” sú sama…

Auðvitað á ég kannski að fá mér súkku fyrst eins og kannski flestir jeppakallar gerðu. En ég þarf pallbíl, því fyrr því betra..

hvað segja menn…

Kv Tómas

thordurs fyrir 18 árum, 8 mánuðum

Sæll

Eyðslan er mismunandi eftir vélum og ég held að nýjar 8 cyl vélar eyði töluvert minna en gamlar.

Sjálfur er ég á 8 cyl Cherokee '99 og hann eyðir 17-18 í innanbæjar akstri, en fer niður í 14-15 í langkeyrslu.

Eflaust er hægt að keyra hann þannig að hann eyði aðeins minna en þegar maður er á bíl með stóra vél þá er tilhneiging (allavega hjá mér) að gefa aðeins inn.

Fyrra álit

krissi44 fyrir 18 árum, 8 mánuðum

tja ég er með willys 8 cýl og hann er bara leiktæki og þetta bilar eins og allt en þetta er snilld en með það að keyra hann til akureyrar og í langkeyrslu er betra að vera með o/d.

that is just my 2 cents

www.summitracing.com

Fyrra álit

krissi44 fyrir 18 árum, 8 mánuðum

og jú ls1 vélinn einsog er í nýum camaro og trans-am 98 og upp úr eiga í vandræðum með að eyða yfir 18 l á hundraði þanning að það væri sniðugt líka

www.summitracing.com

Fyrra álit

LocoDuck fyrir 18 árum, 8 mánuðum

Takk fyrir svörin strákar

Já, ég ætla helst ekki að láta skipta um mótor í þessum bíl. Mun kaupa jeppa með mótor og láta það eiga sig.

Eru ekki einhverjir fleiri 8 cyl gaurar sem geta borið sig saman við þessa “venjulega jeppa” og sagt frá helstu munum.?

Tómas

Fyrra álit

habe fyrir 18 árum, 8 mánuðum

Ef maður er að byrja í jeppasportinu, og á ekki mikla peninga. Þá myndi ég telja hagkvæmara að byrja á ódýrum, littlum og afllittlum bíl.
Ástæðan er að aflmeiri vél, eykur líkurnar á einhvað skemmist, og það er meira slit á bílnum vegna meiri átaka.
Hins vegar þegar það er komin meiri reynsla í akstri, þá er sniðugt að skipta upp í aflmeiri vélar. Þar sem þá er komin þekking til að nota aflið rétt ;).
Kveðja habe.

Fyrra álit

newsted fyrir 18 árum, 8 mánuðum

einnig gott að ef marr lærir á lítin afllítinn bíl þá fer maður að fara allt á honum ;þ og þá getur maður bara slappað af þegar komið er í stærra ;þ svona eitthvað allavega ^^

Fyrra álit

newsted fyrir 18 árum, 8 mánuðum

well kunningi minn á Bronco á 44" með 510-560 (vill ekki fara með rangt mál er einhverstaðar þarna á milli) vél og hann eyðir eins og moðerfokker :þ en svo hann reyndar annan bíl sem ég veit ekkert hvað eyðir.

veit allavega að 350 í Blazer árg. 92(minnir mig) er allveg að eyða góðum dropa, allavega innanbæjar, en þeir svínvirka utanvegar og eru þá t.d. varla að eyða meira en V6 toyotunar,

Fyrra álit

JHG fyrir 18 árum, 8 mánuðum

Ég var með nokkuð peppaða 350 í 1981 Blazer K5 á 38" með 4.88 hlutföll og engan yfirgír (mæli með yfirgír, bíllinn er á alltof háum snúning á 100 km hraða).

Þegar ég keypti bílinn þá fékk ég vægt sjokk. Ég átti von á ~25 l/h en fyrstu tankfyllingar voru ~37 l/h. Vissulega notaði ég pinnan vel en þetta var fáránlegt.

Fljótlega fór ég að skoða hvað gæti verið að og fann bensínleka á mörgum stöðum. Einnig voru sumar vacum slöngurnar lélegar. Eyðslan minnkaði mikið við þetta. Eftir að bensínverð hækkaði þá fór ég að keyra bílinn hægar. Ef ég keyrði bílinn á 80-90 (í stað 90-100) þá var eyðslan um 22 l/h. Það þætti gott á mörgum nýjum díseljeppum með svipaða dekkjastærð!

Núna er hann kominn með V8 díselvél og ég vonast til að hann detti vel niður fyrir 20 lítrana.

JHG

Fyrra álit

Aiwa fyrir 18 árum, 8 mánuðum

Það hefur verið töluvert sjokk að mæla stöðuna og fá út 37 l/100. Faðir minn á vörubíl sem fer ekki einu sinni svona hátt í næmri keyrslu :)

Fyrra álit

tsxpower fyrir 18 árum, 8 mánuðum

Mitt álit er það að það er bara vonlaust fyrir mann sem er í skóla að reka svona tæki, og ekki batnar það því menn eru að spá því að bensínlíterinn muni kosta nærri 150 kall seinnipart sumars. Ekki nóg með það, því það má fyllilega reikna með viðhaldskostnaður á svona tæki sé nærri 10-20þús á mánuði ef það er í notkun, og jafnvel hærra.

Nothing is like the sound of a V8 in the morning.

Fyrra álit

LocoDuck fyrir 18 árum, 8 mánuðum

hverskonar viðhaldskostnaður t.d. ?

Ertu að tala um bara alemnnt viðhald, sem allir bílar ganga í gegnum eða eitthvað sem einkennir svona stóran og gamlan bíl?

Fyrra álit

JHG fyrir 18 árum, 8 mánuðum

Ef hann kaupir góðan bíl þá þarf viðhaldskostnaðurinn ekki að vera svo hár.

Ég hóf mína jeppamennsku (eins og margir fleiri) á Suzuki Fox, sem ég átti í 7 ár. Ég var alltaf að gera við eitthvað smotterí (og stundum eitthvað miklu meira en smotterí). Það bilaði alltaf eitthvað í hverri ferð, en alltaf kom maður súkkunni samt í bæjinn.

Svo ákvað ég að kaupa gamlan Blazer K5 á 38" dekkjum. Vinir mínir vöruðu mig við, sögðu að ég myndi eyða einum degi á fjöllum og tveim inní skúr.

Reyndin var allt önnur (búinn að eiga hann í 9 ár), bíllinn hefur mjög lítið bilað, margfallt minna en gamla súkkan (sem var samt yngri en Blazerinn). Megnið af þeim tíma sem ég hef átt bílinn hef ég bara keyrt. Hann hefur aldrei klikkað alvarlega í ferð, og í raun eina skiptið sem hann stríddi mér í ferð skýrðist af Vacuum leka (var vel nothæfur, bara svolítið leiðinlegur).

Viðhald á ári hefur almennt verið lægra en viðhaldskoðanir nýrra bíla hafa kostað (tel ekki með þegar ég ákvað að fara í miklar breytingar, það var ekki viðhald heldur breyting).

Þannig að viðhald á góðum gömlum bíl þarf ekki að vera mikið, það þarf bara að velja bílinn vel í upphafi (ekki kaupa útúrslitinn bíl eða einhver fullan af skítamixi).

Einn sem var með nýjan Patrol á bílaláni reyndi að sannfæra mig um að bensínkostnaðurinn myndi fara með mig. Bara afskriftir af hans bíl voru hærri en það sem að ég fór með í bensín (og þá voru vextirnir eftir).

Þannig að svona útgerð er ekki útí hött, en ég myndi ráðleggja þeim sem eru í skóla að kaupa sér ódýra druslu sem framleiðir bensín með til að nota í snattið.

JHG

Fyrra álit

LocoDuck fyrir 18 árum, 8 mánuðum

Jább, það er einmitt málið, það eru 2 litlir bílar á heimilinu sem ég myndi nota í snattið.

Fyrra álit

gurkan fyrir 18 árum, 8 mánuðum

GO 4 IT

ég mæli hiklaust með þessu, þetta er algjör draumur að eiga svona og sinfonían sem þessir gömlu 8 cyl trukkar framleiða er bara það sem gerir daginn fyrir mér. Allavega var ég í menntaskóla þegar ég keypti Scoutinn og það var ekkert svo erfitt bara vinna þegar maður var ekki í skólanum og skrópa í skólanum til að gera við jeppan fyrir næstu ferð. Hins vegar er ég búinn að sleppa töluvert vel við bilanir í mínum, eina sem er búið að fara er 1 skipting og kveikjulok og demparar. Samt er alveg hægt að eyða endalaust í þetta en það er alltaf hægt að skítmixxa! Maður fær aldrei samviskubit þar sem þetta er bara LEIKTÆKI og ekkert annað.
Eyðslan….mmmm…. skulum ekkert ræða hana enda er ég bara með 180L tanka og fylli þá bara fyrir ferð og með enga mæla á neinum bensíntank…það er allavega mitt trix ;)

Fyrra álit

gurkan fyrir 18 árum, 8 mánuðum

og svo má ég bæta við að ef þú kaupir þér svona alvöru græju og eins og mér sýnist þá ertu nú ekkert voðalega vel að þér í bílaviðgerðum…þá er minnsta mál að senda mér prívat skeyti eða skrifa kork um að þig vanti aðstoð og ég kíki á þetta með þér og segi þér hvernig þú gerir þetta ef þú ert á höfuðborgarsvæðinu …það er alltaf hægt að fá aðstoð hvar sem er…ef þetta bilar þá er mjög auðvelt að gera við það.

Fyrra álit

LocoDuck fyrir 18 árum, 8 mánuðum

Já, takk fyrir stuðninginn strákar.. jújú miðað við þessi svör þá hafa mín “plön” ekkert riðlast en maður verður að reyna finna gott eintak.

Ég hef þetta í huga Gúrka í samb. við hjálp…takk

Ég mun ábyggilega eitthvað halda áfram að senda inn korka með pælingum

Tómas

Fyrra álit

Jeppar

Jeppar

Ofurhugar

Stjórnendur

Hverjir eru inni

Korkar - Almennt um jeppa

Þið sem eigið 8 cyl. bíla

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi