Eins og kom fram í öðru innleggi hjá mér þá er ég (löngu) búinn að ákveða að notast við þær hásingar sem eru undir þangað til þær fara að valda vanda. Það breytir því samt ekki að það er ekki óskynsamlegt að viða að sér efni áður en ég þarf á því að halda.

Það skiptir mig miklu máli að jeppinn minn bili ekki í ferðum. Gamla súkkan mín bilaði í öllum ferðum (en kom henni alltaf undir eigin vélarafli í bæjinn, þó hún hafi stundum þurft að þyggja spotta smá spöl) en Blazerinn hefur staðið sig eins og hetja.

Hluti af aukinni þyngd við stærri hásingar næst til baka í færri varahlutum. Maður er að dröslast með auka öxla og dót sem maður getur óhræddur skilið eftir þegar dótið sem undir er er í yfirstyrkleika.

Þyngd á fjöðrum er svo lítið að áhrif þeirrar þyngdar eru hverfandi. Ég gæti farið í að smíða fourlink system og gorma, loftpúða og fleira. Það sem ég kann vel við bílinn eins og hann er að hann er einfaldur, og lítil hætta á að þessi hluti bili. Gormarnir auðvelda mér kannski að fara hraðar yfir (ekki að það hafi stoppað hægt á mér að vera með fjaðrir), en ég er sáttur við virkni fjaðranna og nenni ekki að leggja í þann kostnað og vinnu sem sú breyting útheimtir.

En hásingaskipti eru ekki á dagskrá á næstunni, ég tími ekki að eyða formúgu í Dana 60, en held áfram að leita að svoleiðis grip á eðlilegu verði.

Gleðileg jól :)

JHG