porky fyrir 18 árum, 11 mánuðum Fjöldi lestra: 452

Bensín/dísel

Mér datt í hug í framhaldi af spurningunni sem kom hérna áðan um það hvort menn séu ennþá harðir á trú sinni á díselknúnum jeppum nú þegar verðið er orðið það sama og stefnir í meir hækkun á lampaolíunni. Ég er farin að verða soldið á báðum áttum með þetta eftir að hafa verið harður stuðningsmaður ljósavéla.

Gerðu hlutina almennilega eða vertu heima.

fugl fyrir 18 árum, 11 mánuðum

eini bíllinn sem að ég vildi fá mér með lýsisbrennara væri Vitara…en drauma bíllinn minn ku vera bensínhákur og stend ég í þeirri meiningu að bensín sé allra dísilmeina bót…

„Ef þú smælar framan í heiminn þá smælar heimurinn framan í þig.“

Fyrra álit

Bauksi fyrir 18 árum, 11 mánuðum

Ég hef alltaf verið á því að jeppar, vinnubílar og fólksbílar ættu allajafna að vera dísel, og keppnistæki og sportbílar bensín. Núna er ég ekki svo viss lengur.

Ég hef velt fyrir mér nokkrum punktum og er samt á báðum áttum.

1. Díselvél er þyngri.

2. Díselvél er dýrari.

3. Bensínvél endist ekki jafnvel.

4. Díselvélar geta gengið lengur án þess að bila.

5. Viðgerðir á díselvél eru oft dýrari.

6. Díselvél er að vinna best á lágum snúning, en þannig snúast vélar yfirleitt á fjöllum og á gatnamótum.

7. Díselvél eyðir langoftast minna.

8. Díselvél eyðir nánast alltaf því sama.

9. Bensínvél getur rokið upp í eyðslu ef aðeins er komið við eldsneytisgjöfina.

10. Mér líkar betur lyktin og hljóðin í díselvélum, sérstaklega ef þær eru undir álagi;)

11. Bensínvél er viðkvæmari fyrir bleytu. Kveikjan skiljið þið?

12. Hægt er að nota grænmtisolíu (biodiesel) á díselvélar, ekki á bensínvélar.

13. Nýjar díselvélar eru mjög fullkomnar þegar kemur að bruna eldsneytis, nýr Polo TDi er t.d. ekki með Hilux/Patrol strók á eftir sér.

14. Dísel toga meira.

15. Bensín býður upp á fleiri hestöfl.

16. Minni eyðsla díselvélanna þýðir að olíulindirnar endast lengur, en þá þyrftu díselbílar að vera fleiri og strangari reglur með útblæstri.

17. Það eru ekki til föt og ilmvötn sem heita bensín;)

Jæja nú hef ég skrifað nóg í bili, best að fara út að finna DÍSEL-ILMINN.

Bauksi

“Og hana nú” sagði graða hænan.

Fyrra álit

fugl fyrir 18 árum, 11 mánuðum

það er eitt í þessu sem að gildir eiginlega ekki lengur um dísilvélar, en þær eru eiginlega hættar að endast lengur, sökur hárrar þjöppu í nýlegum vélum, þá slitna þær mun hraðar og eru margar þeirra að fara í 30.000km (þið vitið hvaða tegund þetta er) og jafnvel spurningar uppi um hvort að þessar vélar séu að ná 300.000km, þetta er bara sorglegur sannleiki sem að er að sýna sig…

„Ef þú smælar framan í heiminn þá smælar heimurinn framan í þig.“

Fyrra álit

Bauksi fyrir 18 árum, 11 mánuðum

Að vísu er það rétt, álhedd eru ekki að hjálpa heldur.

Ég myndi helst vilja mekaníska díselvél í jeppa, með olíuverki og öllu stýrt með snúning, frekar en allt þetta tölvu mömbó jömbó.

GM 6,2 væri t.d. alveg fín.

“Og hana nú” sagði graða hænan.

Fyrra álit

gorkur fyrir 18 árum, 11 mánuðum

Reyndar veit ég ekki hvaða tegund þetta er :-S

Væri fínt að vita það svo maður asnist ekki til að kaupa einn slíkan ;-)

Fyrra álit

kristinnm fyrir 18 árum, 11 mánuðum

Patrol?

Fyrra álit

fugl fyrir 18 árum, 11 mánuðum

jebb, mikið rétt kiddi…

„Ef þú smælar framan í heiminn þá smælar heimurinn framan í þig.“

Fyrra álit

gurkan fyrir 18 árum, 11 mánuðum

Bauksi minn…þetta er nú háborið kjaftæði sem þú ert að drita hérna út!

3. Bensínvélar endast öllu jafna lengur en díselvélar.

9. “Bensínvél getur rokið upp í eyðslu ef aðeins er komið við eldsneytisgjöfina.” Reyndar satt!

10. “Mér líkar betur lyktin og hljóðin í díselvélum, sérstaklega ef þær eru undir álagi;)”
Ha??? ertu eitthvað geðveikur eða??? Já kannski flottara en í 2.4 bensín en hefur þú sem sagt aldrei heyrt í ALVÖRU bensín vél með 8 göt???? Hvað þá 12 göt….damn…það er markmiðið Scout V12 :D

11. “Bensínvél er viðkvæmari fyrir bleytu. Kveikjan skiljið þið?”
HAHAHA hvar lærðir þú eitthvað um vélar?? vélskólanum eða? Það vita það nú vona ég allir með eitthvað í hausnum að ef vatn fer inn á díselvél…þá bogna stimpilstangirnar STRAX…en bensínvélar eru ekki NÆSTUM því jafn viðkvæmar…Scoutinn minn hefur fengið sér ófáa stóra sopa og gengið truntulega í smástund…þá drepur maður bara á honum…tekur loftsíuna úr og vindur hana eins og sokk og heldur áfram…á meðan díselvélar myndu gefast upp….en hvað kveikjuna varðar þá er það bara spurning um að spreyja kveikjuna alla með siliconi og vatnsverja þannig.

Jæja nóg í bili…just my 2 cent.

Bensínkveðja, Ásgei

Fyrra álit

Bauksi fyrir 18 árum, 11 mánuðum

Reyndar hef ég bæði að baki vélstjórnarnám og marga klukkutíma í ryki og ryði að skríða um gólf og undir bílum.

Ég veit vel að vegna hærri þjöppu myndi díselvél fara í mauk við vatnssopa. En ef hún væri með snorkel og græjuð fyrir fjallaferðir þá held ég að hún myndi ganga betur en bensínið, þó að bensínvélin væri líka með snorkel og the works.

Ég biðst afsökunar ef ég hef sært einhver bensínhjðrtu með skrifum mínum, en ég er bara hrifnari af dísel.

En er þér þó sammála um að V12 séu alveg málið, en ég myndi vilja hana í sportbíl.

Svona erum við bara allir ólíkir.

“Og hana nú” sagði graða hænan.

Fyrra álit

JHG fyrir 18 árum, 11 mánuðum

“Bensínvélar endast öllu jafna lengur en díselvélar”

Uhhhhh….nei alls ekki. Ef þú lítur á alvöru díselvélar þá endast þær yfirleitt miklu lengur en bensínvélar. Það er kannski ekki skrítið ef litið er á hve miklu sterkari blöndur eru yfirleitt notaðar í innvolsið á díselvélum en bensínvélum. Á móti kemur að það er yfirleitt miklu dýrara að gera við díselvélar.

Það er rétt að það er hægt að vatnsverja kveikju, en þú þarft ekki að hafa neinar áhyggjur af svoleiðis með díselvél. Ég hef reyndar aldrei lent í vandræðum með að bleyta kveikjuna á lettanum (er á sérstaklega góðum stað uppá þetta að gera) en hef lent í því með aðrar vélar.

Eins og þú veist þá hef ég verið með bensínjeppa í fjölda ára (og á bæði fleiri bensínvélar og fleiri bensínbíla en dísel) en dísellinn hefur sína sterku kosti.

Ég myndi ekki láta það duga að “vinda” loftsíuna eftir gott bað. Ef hann hefur tekið vatn inná sig þá er oft mikil hætta á að beygja stangir þegar þú startar. Því er best að taka kertin úr áður en þú startar til að hafa greiða leið fyrir vatnið út.

JHG

Fyrra álit

kristinnm fyrir 18 árum, 11 mánuðum

Er það ekki rétt skilið hjá mér, að vegna þess hversu há þjappa er á dísilvélum þá þarf að smíða allt sterkara inn í þær?
Þá getur maður alveg gert ráð fyrir því að þær séu að endast svipað, vegna þess að það er meira álag á líffærin í dísilvélum.

Vélar eins og AMC 6 sílindra sleggjurnar geta rúllað yfir 500.000 km með réttu viðhaldi, það eru mörg dæmi um það í bandaríkjunum og ég veit af einum gaur sem keyrði sína vél fyrir slysni 10 mílur án vélarolíu. Vélin gekk fínt eftir það, geri aðrir betur!

Síðan er það kveikjan já. Ég er á þeirri skoðun að nútíma tölvustýrðar díselvélar séu ekkert betur settar gagnvart bleytu heldur en nútíma tölvustýrðar bensínvélar, sem eru margar orðnar lausar við kveikiþræði og lok og eru komnar með háspennukefli beint á kertin.

Mér finnst bensín mest spennandi í jeppa en ég gæti alveg hugsað mér að eiga dísiljeppa… ekkert 4 cyl drasl samt

Fyrra álit

JHG fyrir 18 árum, 11 mánuðum

Þrátt fyrir hærri þjöppu þá eru díselvélar að endast betur. Ég veit um dæmi um bensínvélar sem hafa rúllað yfir 300-400 mílur en það eru miklu fleiri dæmi um díselvélar sem hafa gert það sama og meira.

Nútíma rafmagnsdót er viðkvæmt fyrir mörgu sem við leggjum á jeppa, hvort sem það eru dísel eða bensínvélar.

Síðan hafa bensínvélar ýmsa kosti framyfir bensínvélar en dísellinn verður samt að fá að eiga það sem að hann á.

Fyrra álit

gurkan fyrir 18 árum, 11 mánuðum

Þetta eru náttúrulega bara persónubundið, persónulega fékk ég nóg af gamla Patrolnum mínum þegar ég þurfti að eyða 150þús kalli í nýtt hedd, ég var ekki lengi að kaupa mér bensín eftir það, en Patrolinn var samt mun áreiðanlegri en Scoutinn það var STÓR kostur, en þar sem ég er orðinn mjög vel aðmér í Scoutinum þá er ég ekki lengi að gera við hvað sem er uppá fjöllum. Aflið er bara það sem mig hefur ávallt vantað og nú er ég kominn með það og mér er þess vegna skít sama þótt hann eigi það til að bila. En það hefur samt bara komið fyrir einu sinni að hann hafi bilað í “jeppaferð” það var uppí úlfarsfelli :) Hann hefur alltaf náð að hanga saman í bæinn þrátt fyrir miskunarlausan akstur þar sem ENGU er hlíft. Enda nenni ég ekki að “rúnta” uppá fjöllum á 20km hraða…ég vill hafa smá fútt í þessu! Það er 200hestafla lágmark til að koma með mér í jeppaferð :)

kv, Geirinn

Fyrra álit

JHG fyrir 18 árum, 11 mánuðum

Skil vel þennan faktor. Það er rosalega gaman að hafa spræka V8 bensínvél í húddinu :) Núna er dísell í Blazernum en Transaminn er með V8 og Grand Cherokeeinn er með sína 4 lítra línuvél (sem skilar honum þokkalega áfram).

Gamli Blazer hefur lítið bilað í ferðum, og lítið bilað yfirleitt. Það hefur tvennar stórar bilanir verið á honum, innvols í hásingu eyðilagðist eftir að smurstöð gleymdi að setja olíu á hana (tryggingatjón) og svo klikkaði sjálfskiptingin eftir svakalega mikla notkun.

Sérfræðingar hafa sagt mér að líklegast hafi hún farið af því að ég skipti um vökva á henni. Það myndast þá oft meiri þrýstingur á kerfið og ef einhver veikleiki er kominn í hana þá ræður hún ekki við aukinn þrýsting.

Ég þori ekki að fullyrða hvort það er rétt, en það er furðu oft sem sjálfskiptingar bila skömmu eftir að skipt hefur verið um vökva á þeim.

En Scoutinn og Blazerinn eiga það sammerkt hve auðvellt er að gera við þá. Maður þarf enga gráðu í vélaverkfræði né stórar tölvur, lágmarksverkfæri duga.

JHG

Fyrra álit

porky fyrir 18 árum, 11 mánuðum

Þetta er búið að vera mjög fróðlegt. En það hefur ekki komið neitt svar við upprunalegri spurningu….

Gerðu hlutina almennilega eða vertu heima.

Fyrra álit

JHG fyrir 18 árum, 11 mánuðum

Umræðurnar hafa snúist svolítið um kosti og galla hvors kosts. Það hefur mikið með málefnið að gera.

Svo ég svari beint þá hef ég fulla trú á díselnum.

Eins og um hefur verið rætt þá eru þetta kostir og gallar og annar kosturinn kannski ekki betri að öllu leiti.

Það er samt ekki sama hvaða díselvél þú ert að tala um. Sumar díselvélar eyða alltof miklu, en þar er yfirleitt um of litlar díselvélar að ræða. Ef ég væri með díselbíl sem eyddi 25-35 l/h (eins og einn jeppi er þekktur fyrir) þá myndi ég hugsa minn gang. Sem dæmi þá var Blazerinn hjá mér með 350 cid (5,7 lítra) V8 bensínvél að fara með 22-25 á 38". 6,2 og 6,5 lítra díselvélarnar eru töluvert hagkvæmari.

JHG

Fyrra álit

Jeppar

Jeppar

Ofurhugar

Stjórnendur

Hverjir eru inni

Korkar - Almennt um jeppa

Bensín/dísel

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi