Sæll Krissi

Þetta gæti verið afbragðs bíll en hann er helvíti mikið mixaður.

Úr fjarlægð virðist þetta vera sómasamlegt fjöðrunarkerfi 5 stýfur að aftan og 3 stýfur að framan gormar og fínerí.

Ég væri forvitinn að vita hverslags drif eru undir honum, Dana 44, AMC 20, 9“ Ford, Dana 60 og hvort það séu læsinga í þeim. Það má hinsvega halda að í verðinu séu ekki loftlæsingar.

”Ekinn 127.000 km á vél" my ass!!!
Það reynir enginn að halda fram við mig að 318 crysler mótor mixaður ofaní willis sé ekinn 127 þús km.

Gaman væri líka að vita hvernig skipting er í honum, millikassi og hvort það sé yfirgír á skiptingunni. Það skiptir máli þegar ekið er á þjóðvegum eftir að rétt hlutföll eru fengin í hásinguna. Sömuleiðis væri gott að vita af auka kæli fyrir sjálfskiptinguna sem þarf að taka nokkuð á því þegar svona bíl er ekið í þungu færi.

318 dodge mótorinn er fínn í þessa léttu jeppa þær eru fjandans nógu kraftmiklar og áreiðanlegar. Engin furða þó ameríski lögguflotinn hafi notast við þessar vélar í sínum flota.

Það er greinilega búið að færa afturhásinguna rækilega aftur sem er bara gott en það vantar örlítið breiðari felgur.

Aðrir hlutir sem hafa þarf í huga: Góður rafgeymir 2 jafnvel betri en einn, góðir demparar, jeppaskoðun, sjúkrakassi, slökkvitæki, kastarar, loftdæla, fjarskiptatæki (VHF, NMT, CB,) staðsetningartæki (GPS) réttir mælar osfrv.

Annað skaltu hafa í huga. Þegar bíl er breytt svona er farið í bílanaust og gengið um hillurnar og leitað eftir hlut sem gæti verið heppilegur t.d. fóðringar í stýfur, mótorpúða, gírkassapúða o.s.frv. svo að það þarf helst að fylgja honum listi yfir hvaða hlutir eru í honum annars lendirðu í að leita kostnaðarsamri leit af einföldum hlutum.

Prófaðu bílinn og reyndu að finna hvort það sé jafnvægi í honum, að hann fjaðri raunverulega (ekki mikið stýfari annaðhvort að aftan eða framan. Skoðaðu líka frágang í hesthúsinu hvort rafmagnsvírar séu skipulega lagðir og vatshosur ófúnar og vel frá öllu gengið. Það gefur mynd á hvernig vinnubrögðin eru í bílnum almennt.

Þetta þarf ekki að vera slæmur bíll en þú skalt vara þig á því að kaupa ekki bíl sem einhverjir eru búnir að gefast upp á vegna vandamála sem getur verið erfitt að laga.

Kv Isan

þessi sami bíll var á 640 þúsund krónu

Þegar ég fór með mömmmu bíl í smurningu í vor var þessi bíll inni í stillingu. Mér leist ekkert allt of vel á það sem ég sá, marglit vírahrúga undir mælaborðinu, frekar slöpp blæja og svona. Það þarf samt ekkert að vera að þetta sé slæmur bíll fyrir því, bara svona smotterí sem ég sá.
Síðan varðandi vélina, það gæti alveg verið að það séu 133.000 km síðan hún var tekin upp