veistu…ég er ekki rétti maðurinn til að spyrja að svona, en ég var að reyna að fá aðra til að hjálpa þér, með því að hafa meiri upplýsingar, ekki gaman þegar aðrir eru í veseni ;)

Hann er þá örugglega með beina innspítingu. Þá geta einstakir skynjarar verið að stríða þér.

Einnig er spurning um vacum leka. Ef einhver slanga sem tengist soggreininni (t.d. slanga í bremsudælu) er farin að leka þá eru einkennin svipuð. Bíllinn fær of mikið loft miðað við bensín og tekur ekki almennilega við sér fyrr en á snúning. Í innspítingarbíl getur þetta ruglað kerfið.

Ef skynjari fyrir vélarhita er að klikka þá getur tölvan haldið að vélin sé köld, þó hún sé orðin heit. Þá fer heldur hún sig í upphitunarkerfi (lítur framhjá súrefnisskynjara) og þú færð í raun of sterka blöndu inná vélina. Það skilar sér í minna afli og aukinni eyðslu.

Það má líka vera að spíssarnir séu orðnir óhreinir, og hreinsiefni fyrir þá dugi.

En til að byrja með þá skaltu hugsa um KISS (Keep It Stupid Simple).

1) Horfa ofaní húddið og athuga hvort eitthvað sé laust.
2) Athuga kerti
3) Athuga þræði og kveikjuhamar (og jafnvel kveikjulok)
4) Athuga bensínsíu
5) Athuga loftsíu
6) Setja hreinsiefni í tankinn

Þetta er svona það einfaldasta og ódýrasta. Ef þetta skilar engu þá er líklegast best að hringja í verkstæðið hjá umboðinu og spyrja þá hvað þeir telji að sé að.

Ef ekkert virkar þá er bara að panta tíma á verkstæði og láta þá greina vandamálið og gera við.

JHG