JHG fyrir 20 árum Fjöldi lestra: 473

Var að kaupa meira dót :)

Jæja, þá er maður farinn að viða að sér efni fyrir næsta sumar. Seinnipartinn var ég að festa mér 6,2 lítra díselvél, TH400 sjálfskiptingu og NP241 millikassa. Planið er að ráðast í þetta verk snemma næsta sumar.

JHG

gurkan fyrir 20 árum

JÁJÁ er það ekki bara!!! segja bless við bensínið….og það er ekkert verið að spara það! Ég sem hélt að þú værir harðasti bensínkall á landinu…en skjótt breytist veður í lofti(eða eithvað soliz man ekki hvernig þetta var :P ) jæja…þú um það…en samt sem áður verð ég að óska þér til hamingju með nýja kramið…núna geturu farið að mála fjöllin svört í orðsins fyllstu merkingu ;)

Fyrra álit

JHG fyrir 20 árum

Já ég veit, ég er svikari….. :( ;)

Þetta var bara spurning um að gera útgerðina aðeins hagkvæmari (og þessvegna eyðir maður helling af peningum, hver er svo skynsemin í því ;).

En ég hef alltaf nóg af V8 bensíndóti, Transaminn er enn með V8 bensínvél (og á ekki von á að að ég setji dísel í hann :/ ) og ennþá á ég nokkrar V8 bensínrellur hér og þar.

Það er einmitt þessi sportrönd (í stað dekkjaráka) sem að díselbílarnir skilja eftir sig sem maður er að sækjast eftir, og þar sem að trukkurinn er með tvöfallt púst þá koma tvær :)

JHG

Fyrra álit

gurkan fyrir 20 árum

wow .. það er ekki verra ;D

Fyrra álit

Redneck fyrir 20 árum

Ég er búin að eiga 2 trukka með 6,2 vélinni og aldrei sá maður neitt svart kóf frá þeim.. það er bara uppskrúfað japanskt sem reykir eins og kolatogari.
En ég var að pæla.. ertu ekki með 700R4 skiftingu við vélina sem er í bílnum ? ..ef svo er þá væri fínt að breyta henni til að hún virki með díselhrossunum, betri gírun. Annars er TH400 skiftingin svo að segja ódrepandi :)

Fyrra álit

JHG fyrir 20 árum

Bíllinn er eins og er með bilaða TH350 skiptingu. Ég var í fyrstu ákveðinn að setja TH700R4 niður, en eftir miklar pælingar (og útreikninga á snúning m.v. dekkjastærð) valdi ég að setja sterkustu skiptinguna, þ.e. TH400.

Allt dótið sem ég keypti er nánast ónotað, og ég taldi meira vit í að setja ónotaða heavy duty skiptingu niður en notaða skiptingu sem getur brugðist mér.

það er reyndar hægt að kaupa heavy duty TH700 frá USA fyrir ~$1200-$1500, en það er samt töluvert dýrara en þessi TH400 (þá getur maður kannski eytt $500-700 í turbo setup :).

En fyrst þú ert með reynslu af þessari vél þá langar mig til að pumpa þig aðeins.

Ég er búinn að vera með 350 sbc í bílnum (sem vinnur skuggalega), heldur þú að ég þurfi að fara að eyða stórum fjárhæðum í þolinmæðispillur eða er þetta ekki svo slæmt (þetta er reyndar herútgáfan sem skilar aðeins fleiri hrossum en standard útgáfan).

Þú hefur greinilega verið sáttur við grútarbrennarann fyrst þú áttir tvo, en það fer tvennum sögum af aflinu. Ég heyri marga hér segja að þau orki vel, en ef ég heyri í könum þá kvarta þeir yfir afleysi (þangað til að maður hefur sett turbo á dótið).

Þeir eru reyndar yfirleitt að miða við tjúnaðar small block eða jafnvel alvöru big block, og kannski þýðir ekkert að miða við þá :/

JHG

Fyrra álit

Redneck fyrir 20 árum

Orka….

það sem ég fann aðallega fyrir var að með óbreyttum hlutföllum á 44“ (Blazer) þá var bíllinn frekar latur. En þegar hann var svo á sumarsandölunum (35”) þá var fín vinnsla í honum. Sá bíll var með TH700R4

Hinn var K20 Pickup með krami úr K30 (D60 framan og 14 bolta að aftan) og var einmitt með TH400 skiftingu. Sá bíll fór aldrei á stærri dekk en 35" og var þrælskemmtilegur.

Fyrra álit

JHG fyrir 20 árum

Eins og er þá er ég með Dana 44 og GM 12 bolta með 4,88:1 hlutföllum (og læsingum), og 38“ dekk. Miðað við 38” þá eru þetta full lág hlutföll.

Planið hefur verið að setja Dana 60 og GM14 bolta fljótandi niður, og vera þá með 4,56:1 hlutföll.

Á 44“ þýðir það tæpa 2200 snúninga á 100 km hraða sem passar vel við hvar 6.2 vill vera (er víst best að vera í kringum 1900-2000 sn. á 100 km).

Ef ég finn ekki D60 og 14b FF á skikkanlegu verði þá getur vel verið að maður láti þær hásingar sem eru undir duga þangað til að eitthvað brotnar (en á 100 km þá ætti vélin að vera á rúmum 2300 á 100km/klst).

Þessir útreikningar miðar reyndar við að 44” dekk standi 44" en eins og við vitum þá standast þessi mál sjaldan eða aldrei.

JHG

Fyrra álit

gurkan fyrir 20 árum

Sofnaðiru ekki oft undur stýri?

ef það kom enginn reykur…þá þýðir það bara að vélarnar voru ekkert tjúnaðar. Um leið og þú setur túrbo og skrúfar uppí olíuverkinu þá öskrar þessi vél áfram og það með alvöru reykmerkjum til að fólk finni þig. Kallinn sem átti scoutinn á undan mér kom með betri leið…í staðinn fyrir að setja kraftlausan grútarbrennara í húddið…sprautaði hann bara jeppann grænan! þannig fer ég hraðar en allir aðrir en sést samt í mikilli fjarlægð! meira segja í myrkri! SNILLD

Fyrra álit

JHG fyrir 20 árum

Ef hann reykir svörtu þá er of mikið af díselolíu miðað við það loft sem inn fer. Með því að bæta við Turbó þá færðu meira loft, og getur bætt aðeins við díselolíumagnið, án þess að fá mikinn svartann reyk. Svarti reykurinn hefur því lítið með aflið að gera heldur lélega nýtingu á díselolíunni.

Mönnum hættir kannski meira til að skrúfa þetta upp í japönsku díselvélunum en amerísku vélunum þar sem að þær japönsku eru yfirleitt eitthvað minni. Því er líklegra að þú fáir svartan reyk afturúr þeim japönsku.

JHG, að verða díselkall

Fyrra álit

LocoDuck fyrir 20 árum

Er einhver formúla fyrir “útreikninga á snúning m.v. dekkjastærð”

og með þessari formúlu fær maður hvaða gírkassi passar við vélina sem maður er að fá sér? .. í stuttu máli? :p

Fyrra álit

JHG fyrir 20 árum

Ég reiknaði þetta út. Fyrst settist ég niður og reiknaði þetta á blaði, en síðan skellti ég þessu upp í excel.

Með því að vita á hvaða snúning vélin verður að snúast þá getur maður valið drifhlutföll (með tilliti til þess hvernig vél maður er með og á hvaða snúning henni líði best).

Sem dæmi þá er vélin í mínum bíl að snúast á tæplega 2700 rpm á 100 km/klst, með 4,88:1 hlutföll og 38“ dekk. Á 44” þá væri snúningurinn 2300 rpm miðað við sömu hlutföll.

Fyrra álit

Partytruck fyrir 20 árum

Það sem menn eiga við með að japanskir reyki meira svörtu en aðrir á yfirleitt við Toyota Double Cab með túrbínu á N/A vél. Þá er olíumagnið skrúfað upp til að hafa við á háum snúning en þar sem þetta er N/A vél þá er engin búnaður á olíuverkinu til að bæta við olíumagni eftir boosti.

Á 6.2GM þegar er búið að krossbora alla vélina og styrkja með steypustyrktarjárni og hafragraut fyrir túrbínu þá eru allar líkur á því að hún reyki eins og gamall koladallur í brælu nema að olíuverkinu sé breytt. En túrbínulaust á þetta stórum dekkjum er um að gera að hafa góða bók í bílnum.

P.s.
Mér skilst að DaVinci Code sé vinsæl núna.

Fyrra álit

Redneck fyrir 20 árum

skemmtilegt svar hjá þér…. sérstaklega að benda á að þetta tengist boddýinu (double cab) hehe…

Annars finnst mér nú algengara að sjá svarta strókinn koma aftan úr bifreiðum merktum Nissan… en kannski er það bara af því að Toyoturnar eru aldrei fyrir framan….

Fyrra álit

JHG fyrir 20 árum

Það þarf ekki að gera neitt fyrir túrbínu. 6.2 kom orginal með Banks túrbínu í ákveðnum GMC Jimmy og Suburban, og túrbína af 6.5 gengur beint á 6.2.

Eina sem þarf að passa að pústhiti fari ekki uppí 1050-1100 gráður Fahrenheit, en blandan í stimplunum á 6.2 er viðkvæm fyrir því. 6.5 sem er að megninu til sama vél (hægt að bora ákveðnar 6.2 í 6.5 og nota allt á milli) er hinsvegar með aðra blöndu í stimplum og þolir meiri hita.

Svo er hægt að fá flækjur fyrir Hummer sem hægt er að láta passa :)

Það er eitt sem menn þurfa að passa með 6.2, en það er að fylgjast með dampernum framaná vélinni. Ef gúmmíið er eitthvað farið að aflagast þá á að skipta um hann. Ef hann er látinn óáreittur þá geta komið sprungur við höfuðlegur og sveifarásinn getur jafnvel brotnað.

En 6.2 lítra vélin sem ég er með er úr hertæki. Aflið er meira í þeim en standard bílnum (ekkert EGR, betra millihedd ofl.) en ég veit samt að þetta verður ekki eins sprækt og 350 vélin :(. Ég verð bara að fá útrás á Transaminum :)

En í sambandi við reyk í japönskum þá tengist það því líklegast lítið að þeir eru japanskir.

Ef menn skrúfa meira upp en loftflæðið frá forþjöppunni gefur tilefni til þá kemur reykur. Það er nú kannski ekkert óeðlilegt að þegar gefið er inn, og sprautað almennilegu díselmagni á strokkana að það komi svartur reykur. Við fullkomna blöndu ætti vélin hinsvegar ekki að reykja (en við lifum víst ekki í fullkomnum heimi).

Það að bæta forþjöppu á vél sem ekki er með forþjöppu ætti því frekar að minnka reyk, nema það sé sett ennþá meiri olía á móti.

JHG

Fyrra álit

LocoDuck fyrir 20 árum

Hvar í bílnum breytir maður hlutföllum?

Fyrra álit

JHG fyrir 20 árum

Drifhlutföllin eru í hásingunum.

Fyrra álit

LocoDuck fyrir 20 árum

þannig ef ég væri með jeppa á 38“ og ætlaði að láta hann á 44” myndi ég þá skipta út hásingum?

Fyrra álit

JHG fyrir 20 árum

Nei, ekki endilega. Ef þú ert með lág hlutföll þá getur þú oft notað sömu hlutföll fyrir 38 og 44 tommu dekk.

En ef þú þarft að skipta um hlutföll þá er skipt um þau í hásingunni. Þú ert áfram með sömu hásingu, bara búið að skipta um hlutföllin.

Stundum fara menn reyndar þá leið að fá hásingar með lægri hlutföllum, ýmist vegna þess að þeim bjóðast þær á minni pening en það kostar að skipta um hlutföllin í hínum, eða að menn eru að fá sterkari hásingar.

JHG

Fyrra álit

Jeppar

Jeppar

Ofurhugar

Stjórnendur

Hverjir eru inni

Korkar - Almennt um jeppa

Var að kaupa meira dót :)

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi