JHG fyrir 20 árum, 3 mánuðum Fjöldi lestra: 1571

Bilun í sjálfskiptingu

Jæja, þá kom að því, fyrsta stóra bilunin í mínum fjallatrukk.

Fyrir þá sem ekki vita þá er ég á Chevy Blazer K5 á 38" dekkjum, með 350cid bensínvél, TH350 skiptingu ofl. ofl.

Um daginn byrjaði bíllinn að hristast þegar ég kom útúr hringtorgum og jók ferðina. Þetta leist mér ekki á og fór yfir allar spindilkúlur, athugaði legurnar, stýrisenda, hjöruliðskrossa og eflaust eitthvað fleira. Ekkert fannst við þessa yfirferð, allt var í toppstandi. Í gær jókst vandamálið, ég fór að finna titring þegar ég tók af stað í brekku. Þetta mynti mig helst á þegar millikassapúði losnaði á súkkunni minni hér í den. Ég skoðaði allar mótorpúða, þeir voru í fullkomnu lagi. Í framhaldinu skoðaði ég alla krossa og fékk sérfróða menn til að skoða drifið. Allt var í lagi.

Í morgun var ég í bilinagreiningartúr með einum félaga mínum sem vinnur við að gagnrýna bíla hjá Frumherja. Ég stoppaði í brekku, og tók af stað. Hristingur fannst. Ég ákvað að leifa honum að finna þetta aftur, stoppaði í brekkunni og tók aftur af stað. Sama gerðist, hristingur en allt í einu heyrðist KRASS! Um leið hætti sjálfskiptingin að virka :(

Með góðra manna hjálp tókst mér að koma bílnum heim, en þar liggur hann lemstraður greyið.

Ég er helst á því að túrbínan í skiptingunni hafi farið, og hefur verið að fara í nokkra daga. Hristingurinn sem ég fann í stýrinu hefur líklegst leitt frá grind í stýrirsmaskínu og þaðan upp túbuna yfir í stýrið. Þetta kennir manni það að það er ekki alltaf augljóst hvar vandinn liggur, einkennin geta verið mjög villandi.

En þetta er í sjálfu sér ekkert tap fyrir mig. Það hefur staðið til hjá mér að setja 6,2 lítra díselvél og TH700 (4 þrepa) skiptingu niður. Það átti að gerast næsta sumar en líklegast verð ég að flýta því (eða sætta mig við að vera jeppalaust í vetur :( ).

En til að verja skiptinguna aðeins þá er kannski ekki skrítið að hún hafi farið loksins. Bíllinn er að árgerð 1981 og skiptingin örugglega ekki yngri (færðu sig aðeins síðar yfir í TH700R4), og jafnvel upprunaleg.

TH350 er ekki sterkasta skipting GM (sem eru annaðhvort TH400 eða 4L80) og framleiðanda hefur aldrei dottið í hug að hún myndi þurfa að þola það sem að þessi skipting hefur fengið að þola.

En ég er sæll og glaður núna, ég veit hvað er að (hörmulegt að vita að eitthvað sé að en vita ekki hvað) og get tekið ákvörðun í framhaldinu :)

JHG

gurkan fyrir 20 árum, 3 mánuðum

Já, ég verð nú að viðurkenna að ég er soldið vonsvikinn á því að þú hafir ekki tjékkað á þessu því þetta er jú einkenni túrbínunnar ef hún er farin eða laus. Meira segja ég sem er eiginlega nýr í þessu ameríska ofurdóti hefði rifið skiptinguna úr eftir að ég væri búinn að tjékka á öllum gúmíum og púðum.

En það er satt hjá þér stundum kemur fyrir að það er eitthvað hljóð eða titringur sem maður bara á ekki að vita hvað er fyrr en sá hlutur leiðir út frá sér í eitthvað stærra því miður ;(

En jæja þú ert þá búinn að lenda í því sama með þinn eins og ég með minn, fyrsta sem bilaði í Scoutinum var einmitt skiptingin og þá kom það í ljós að hún var vitlaust sett saman af þeim manni sem síðast kom við hana!

Ertu búinn að finna einhverja 6.2d?

Þú getur líka hringt í mig ef þú vilt vita hvert þú átt að fara með þessa ónýtu í viðgerð, s:896-8969

kv, Geiri Gúrka Hvort er betra að eiga Patról með “Change Engine” ljósi eða Musso með “Game Over” ljósi???</i

Fyrra álit

JHG fyrir 20 árum, 3 mánuðum

Það sem blekkti mig var að þetta lýsti sér fyrst sem titringur í stýri. Hin einkennin komu ekki fram fyrr en undir það síðasta. Skiptingin hrundi svo meðan það var verið að bilanagreina bílinn.

Þó að það sé líklegt að túrbínan hafi farið þá er þetta ekki endilega hún. Sjálfskiptingarsérfræðingar (atvinnumenn í að taka þær upp) segja mér að þetta sé annaðhvort hún eða eitthvað annað í skiptingunni :)

Ég spjallaði við Ljónsstaðabræður strax og þetta gerðist, og spurði þá hvort þetta væri ekki líklegast túrbínan. Þeir voru ekki vissir, en báðu mig um að athuga hvort þetta væri nokkuð millikassinn, sem það ekki var.

Sjúkdómslýsingin er nefnilega þannig að hún getur átt við svo margt, en eitt af því er túrbínan.

Svo er þetta í fyrsta skipti sem að sjálfskipting klikkar hjá mér. Þær hafa bara virkað sama á hverju hefur dunið, enda úrvalsdót sem að GM framleiðir :)

En hvað sem því líður þá get ég ef ég heyri um byrjunareinkennin (titringur í stýri ofl.) hjá einhverjum bent mönnum á að vandamálið gæti legið í skiptingunni en þarf ekki að vera í framenda (þar sem að einkennin komu fram).

Það varð svolítil breyting á planinu. Ég ætla að skella grútarbrennaranum ofaní næsta sumar, og hef engann tíma til að standa í breytingum núna (sumarleyfið var að klárast), en hann á af fara niður með annari skiptingu (líklegast TH700 en TH400 kemur til greina).

Ég nenni eiginlega ekki að fara að skella bráðarbirgðaskiptingu í stað þeirrar sem fór, en þar sem að þetta hefur verið sá bíll sem ég nota til daglegs brúks þá leit út fyrir að ég neyddist til þess.

Svo var mér boðið að taka bíl í fóstur, 1993 módel af Grand Cherokee. Þó það sé ekki háfjallajeppi þá er þetta allavegana jeppi, því ef Jeep er ekki jeppi þá veit ég ekki hvað.

Það lítur því út fyrir að stóri rauður verði í hvíld í vetur, og ég muni rúlla um á slyddujeppa (sem er nóg ef veturinn verður svipaður og síðustu ár ;).

JHG

Fyrra álit

gurkan fyrir 20 árum, 2 mánuðum

Ég samhryggist þér alveg innilega…ég get alveg ímyndað mér hversu leiðinlegt það er að missa það úr lífinu að geta ekki sest uppí bílinn og þanið hann aðeins og hlustað á áttuna öskra :D Hvort er betra að eiga Patról með “Change Engine” ljósi eða Musso með “Game Over” ljósi???</i

Fyrra álit

JHG fyrir 20 árum, 2 mánuðum

Ég get það enn, bíllinn stekkur nefnilega í gang. Eini gallinn er að ég kemst hvorki áfram né afturábak ;)

Fyrra álit

GO4IT fyrir 20 árum, 2 mánuðum

Ég myndi nú ekki afskrifa skiftinguna strax þetta gæti alveins bara verið að platan sem tengir svinghjólið við turbínuna. Því ertu að setja gamla díselvél í bílinn, ég held að eiðslan yrði mjög svipuð en minni kraftur.
Kveðja Magnús.

Fyrra álit

JHG fyrir 20 árum, 1 mánuði

Eyðslan á 6,2 er töluvert minni en á 350 (og líka miklu minni kraftur en maður verður að læra að lifa við það).

Þó að 350 vélin sé dúnduröflug þá er ég farinn að sjá merki að hún er farin að þreytast. T.d. hefur smurþrýstingur verið að lækka síðustu ár (með mekkanískan mæli).

Hún stekkur samt alltaf í gang og eyðslan er ekkert útí hött, en ég veit að endalokin nálgast.

Það væri í sjálfu sér ekki mikið mál að skipta um legubakka og láta renna sveifarásinn, en það er kostnaður og vinna.

Svo bíðst mér 6,2 úr lítið keyrðu tæki á ásættanlegan pening. Með því verð ég komin með nær óslitinn grútarbrennara sem eyðir litlu, og hefur reynst vera mjög áreiðanlegur (ef menn hafa vit á því að fylgja reglum um olíuskipti eins og heittrúaður múslimi Kóraninum).

Ef ég sakna aflsins mjög mikið þá hef ég alltaf þann möguleika að setja á hana turbó (er alltaf til sölu á ebay :).

En ég á eftir að sakna þess að geta trampað bensíngjöfina í gólfið og rokið áfram.

Þegar ég bar saman þá möguleika að taka vélina í gegn eða setja aðra vél niður þá kom díseldæmið bara betur út.

JHG

Fyrra álit

Bauksi fyrir 20 árum, 1 mánuði

Það er nú ekki alveg rétt að bíllinn yrði aflminni. Hestöflum myndi fækka en aflið myndi aukast, enda á ekki að mæla jeppavélar í hö heldur í N/m;)

Það er allavega einn hérna á Akureyri með GM 6.2 TDi vél. Sá gripur býr ofan í húddinu á '85 Blazer K10. 44" túttur og vænar hásingar (ábyggilega Dana eða GM, allt annað og sérstaklega Ford væri rugl;)).
Þessi bíll hefur staðið sig mjög vel og orkuverið virkar vel.

Bauksi (diesel er mátturinn og dýrðin)

“Og hana nú” sagði graða hænan.

Fyrra álit

yggdrasill fyrir 20 árum

Túrbo kit frá www.bankspower.com

Da DaRA

Fyrra álit

[Notanda eytt] fyrir 19 árum, 11 mánuðum

bara sona upp á djók ertu búinn að gera eitthvað við jeppan??

Fyrra álit

JHG fyrir 19 árum, 11 mánuðum

Ég er ekki búinn að vinna í honum þar sem að það tekur því ekki. Næsta vor fer önnur vél, skipting og millikassi niður og ég nenni ekki að setja bráðabirgðaskiptingu niður.

En þó ég sé ekki búinn að vinna neitt í jeppanum þá er ég búinn að gera helling í undurbúning. Ég keypti vél, skiptingu og millikassa, og er þar að auki búinn að rífa helling af gæðadóti úr öðrum bíl. Nú er ég að senda stóra pöntun út til LMC og það er allt í jeppann.

Þannig að þó ég hafi ekkert gert við jeppan sjálfann þá er ekki setið auðum höndum.

JHG

Fyrra álit

[Notanda eytt] fyrir 19 árum, 11 mánuðum

Ok bara að tjékka :D ;)

Fyrra álit

Jeppar

Jeppar

Ofurhugar

Stjórnendur

Hverjir eru inni

Korkar - Bilanir/Viðgerðir

Bilun í sjálfskiptingu

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi