Eins og ég sagði áður að þá veit ég voðalega lítið um F-150 bílinn. Vandamálið með drifbúnaðinn í F-350 bílnum var sá að hann var algjör framdrifslokubani. Það brotnaði aldrei öxull hjá okkur, brutum loku 2 sinnum og svo fór kross í afturskaftinu einu sinni. Nú erum við komnir með F-250 með 6.0 325 hp vélinni, það er mögnuð græja. Hef reyndar ekki jafn mikla trú á framdrifsbúnaðinum í honum heldur en í gamla F-350, en það á eftir að koma í ljós í vetur!

Hvernig F-150 bíll er þetta annars? Nýr eða gamall? Þekki einn sem átti F-150 bíl ´88 eða ´89, hann var á 38" og var að virka vel. Ég hef reyndar ekki hugmynd um það hvernig hásingar eru undir þessu…er þetta ekki eitthvað svipað og undir Ranger?

Amerísku vélarnar hafa vissulega það mikið afl að þær leggja meira álag á restina af drifbúnaðinum (margir frá öðrum löndum hafa ekkert afgangs, rétt nóg til að koma bílnum hægt áfram).

Ég verð nú samt að segja eftir að hafa átt amerískann fullbreyttan jeppa með sprækri 350sbc að þetta hefur ekki verið vandamál.

Eina skipti sem eitthvað kom fyrir í hásingunum hjá mér var þegar smurstöð gleymdi að setja á afturhásinguna. Hún hélt samt í 3 mánuði (tóm) áður en að legan við pinjónin gaf sig. Öxlar, læsing og kambur voru í ágætis standi. Ef þetta hefði ekki allt verið orðið blátt vegna hitans þá hefði það væntanlega verið notað áfram.

Ef það er ekki sterkur búnaður þá veit ég ekki hvað!

Þetta eru ekki einu sinni sterkustu hásingarnar sem GM bauð uppá, en bíllinn er með Dana 44 af framan og GM 12 bolta að aftan.

Auðvitað getur þessi búnaður bilað eins og annar (væri skotheldur með Dana 60 og GM 14 bolta), en hann hefur dugað mér vel.

En það er kannski ósanngjarnt að nota GM sem dæmi þegar menn eru að tala um FORD ;)

JHG