Temmileg boddýhækkun og stóru skærin eru örugglega besta leiðin á þessum bíl. Ég myndi athuga fyrst hve langt væri hægt að komast með úrklippingu.

JHG

Það er nú sama með þetta og allt í þessu sporti, mismunandi hvað menn telja best eftir því hvaða eignleikum menn sækjast eftir.

Það er töluverður kostur að hækka þyngarpunktinn sem minnst, þannig verður bíllinn stöðugri og aksturseiginleikar betri. Upp á það að gera er best að klippa úr brettum eins og hægt er og hækka svo boddýið, en hækka sem minnst á grind.

Hins vegar ef bíllinn er mjög kviðsíður getur borgað sig að lyfta aðeins grindinni, því mjög kviðsíðir bílar vilja setjast á kviðinn leiðinlega fljótt og þá getur maður lent í því að þurfa sí og æ að vera að moka undan þeim. Það er samt engin ástæða til að taka hámarkshækkun á grind því ef kviðurinn er ekki þeim mun lægri er bílinn hvort eð er yfirleitt sestur á hásingarnar áður en þetta fer að verða vandamál.

Ég er samt þarna aðeins í þversögn við sjálfan mig því ég keyri á bíl sem er töluvert mikið hækkaður bæði á grind og boddý og getur raunar tekið 44" þó hækkunin sé ekki hugsuð sem slík (enda bíllinn hvorki það þungur að þess þurfi né nógu aflmikill til að snúa svo stórum börðum að einhverju viti). Vissulega finnst mér oft gott að hafa kviðinn þetta hátt uppi, t.d. í vatnaakstri og í djúpum hjólförum. Fórnarkostnaðurinn er hins vegar verri aksturseiginleikar og meiri loftmótstaða. Vindstraumar sem myndast UNDIR mikið hækkuðum bílum skapa mikla loftmótstöðu.

Það er kannsi ekki erfiðast að velja form upphækkunnar eða skera úr. þegar þú setur svona stór dekk þarftu að skera úr boddyinu og finna brettakanta við hæfi miðað við offset og breidd felganna sem þú ætlar að nota.
Þegar þú skerð úr þarftu að passa að bíllinn missi ekki styrk úr bodyinu með því að ganga vel frá sárinu með suðum og síðan ryðverja ALLA járnhluti vel.
kostnaðarhlutarnir eru í aukabúnaðinum sem breytingunni fylgja.
á svona stórum dekkjum þarftu sennilega að breyta hlutföllum sem eru dýr og það þarf færa aðila með tilheyrandi mælitæki til.
í 38“ jeppum eru læsingar í hásingarnar sjálfsögð mannréttindi og það er frekar dýr búnaður svo þarftu hraðamælabreytingu unna af löggiltum aðila, þá þarft loftdælu, drullutjakk, járnkall, dekkjaviðgerðasett, spil, þokuljós, vinnuljós, síma, talstöð, gps tæki og fleira og fleira. Það er líka spurning um hvort það sé þörf á að færa afturhásinguna.

Galdurinn er að átta sig á öllum þessum aukaútgjöldum og hvað þú vilt hafa í jeppanum þínum miðað við hvað þú vilt draga mikið úr bílnum í notkunn bæði á hálendi og í Hagkaupssnattinu.

Ég breytti trooper 92 fyrst fyrir 33” og síðan 35“.
33” breytingin var einföld bara lengt í fjaðrahengslunum að aftan og flexitorarnir skrúfaðir upp að framan. Breyting kr 2500 kr. með vsk.
35" breytingin var heldur meira dæmi en þá setti ég 6 cm klossa milli grindar og yfirbyggingar og skrúfaði hann aftur niður að framan.

Bíllinn er ótrúlega duglegur í snjó enda ekki nema 1700 kíló heild en það sem vantar eru þessir dýru hlutir eins og hlutföll og læsingar. Reyndar er trooperinn minn með lægra lágtt drit en nýju bílarnir sem hjálða honum helling í ófærum en 1 gírinn á Laugavegsrúntinum er alltof hár.

Ráðið er að skoða dæmið til enda til að það komi ekki á óvart þegar þú ert byrjaður.

Gangi þér vel, það væri gaman að sjá myndir af breytingunni og síðan bílnum fullbreyttum.