327Chevy fyrir 22 árum, 7 mánuðum Fjöldi lestra: 1897

Þórsmörk á orginal Blazer??

Sælir.

Ég á '89 S-10 Blazer á orginal dekkjum en er reyndar hækkaður um 1-2“. Ég fékk nú ekki að prófa hann mikið í snjó enda veit ég að hann gerir enga svaka hluti þar. En ég hef mikin áhuga á að ferðast á honum í sumar og þá var ég að spá í Þórsmörk. Kemst ég á honum yfir þessar ár, eins og Krossá (er hún ekki stærst? ). Hvað þyrfti ég að gera við bílinn til að búa hann undir svona vatna sull?

Einnig þætti mér gaman að heyra frá einhverjum sem hafa breytt svona bílum, þ.e. hækkað þá og sett á 38” eða svipað. Hvernig eru þeir að virka með þessum breytingum? Er dýrara eða erfiðara að breyta þeim en öðrum, t.d. toyota? Hvernig standa þeir sig miðað við aðra?

Með von um smá fræðslu.

Einar.

doctor fyrir 22 árum, 7 mánuðum

Fara bara með skólanum í rútu:Þ

Atlas

<img src="

Fyrra álit

Duce fyrir 22 árum, 7 mánuðum

jæja eftir margar svaðilfarir i Þórsmörkina ætla ég að skrifa þér smá pistil.
no 1… Krossá er aldrei eins .. þú getur farið yfir hana á óbreyttri sukku á einu vaði og svo 6.kls seinna er sú leið ófær fyrir stærstu jeppa.
T.d. þarftu ekki að fara yfir Krossá til að komast í mörkina, getur sleppt henni og farið í Bása sem er fínn staður útaf fyrir sig.
Ef þú hefur enga eða littla reynslu við að fara yfir óbrúuð vöð ættiru kannksi að láta þetta eiga sig. En ýmislegt er hægt ef reynlsa og kunnátta er fyrir hendi.
Segjum sem svo að þú ættlaðir þér að fara i Husadal eða Langadal í sumar á þessum bíl.
Margt sem þarf að huga að. T.d. bíllinn, farðu á þvottastöð og smúlaðu ofani húddið á honum i gangi. Tja .. ekkert er leiðinlegra en að lenda í því að stoppa í sprænu vegna lélegs rafkerfis.
Ef hann helst i gangi og gengur á öllum ætti þér að vera c.a. óhullt. Spreyja síliconi á þræði og lok. Þú leggur svo glaður í bragði á stað .. vonandi ekki einbíla því það er rugl að fara á svona bíl einbíla í mörkina. Annars má bara bíða við vöðin eftir bílum. Fyrsta áin er jökulsá .. þú villt ekki fara lónsleiðina (sú efri) ef þú þekkir ekki staðin. Ferð neðri leið, þar er yfirleitt lítið í og tekur bara neðri brotið ..
Svo lendiru á Steinsholltsá sem er skæði fyrir smábíla. Hún er þekkt fyrir straumþunga og stórgryti og stundum skiptist hún i tvennt.
Yfirleitt eru 2 vöð í henni, eitt til þess að fara inneftir og eitt i bakaleiðinni. Þessa á ferðu ekki yfir nema með bíl sem er tilbúinn til hjálpar. Ok þegar þú kemur að vaðinu þá tekuru ekki brotið heldur ferð þar sem efra brotið byrjar og stefnir yfir hylin með strauminn i rassinn og endar vonandi á bakkanum hinumegin .. þú skallt líka athuga það að ekki er alltaf málið að fara yfir vaðið heldur að komast upp bakkan hinumegin. Ef þetta hefur gengið vel fyrir sig ( vonadi) : ) þá áttu eftir Hvanná sem er oftast mjög stutt en mjög straumþung og stórgrytt.. hana er yfirleitt bara hægt að fara svona c.a. beint yfir.. og hún er ekki jökulsá heldur bergvatnsá og sérðu þessvegna allveg dypt og steina í henni.
Svo lendiru í Krossá sem er hættuleg fyrir littla bíla sem taka mikinn straum í sig.. Gamalt ráð er að taka viftureim af svo viftuspaðarnir ausi ekki vatni yfir mótorinn. Aðalatriðið er að finna rétta vaðið .. en það getur verið erfitt fyrir þá sem ekki þekkja svæðið og ánna. Þarna er um að gera að bíða og sjá aðra fara yfir. En ef engin umferð er, skaltu finna vað frekar ofarlega og keyra lengi í ánni niðri móti , með struminn í rassin. Og líka er alltaf minnst í henni á morganar, þannig ef þú ert í vafa þá er best að fara um 5 leitið á morgana. Alltaf að reyna að halda sama hraða og struamurinn sem er c.a. 30km.
Ef hann er beinskiptur vera í lága og 2. og allllllls ekki kúpla úti !!!
Það er gífurlegur munur á þessum ám í júni og september .. t.d. leið og kólnar í veðri minnkar mikið í , nema Hvannánni.
Jæja ég hef ekki skrifað svona mikið síðan í skóla.. : ) vonandi að þetta meiki sens og sé læsilegt.
Ég vill líka benda þér á bók sem þú getur fengið á næsta bókasafni sem heitir Jeppar á fjöllum , í henni eru allar upplýsingar um vatnaakstur.
Gangi þér vel .

Fyrra álit

birri fyrir 22 árum, 7 mánuðum

Fyrir þrem árum, að mig minnir, kom mikið flóð í allar ár í mörkinni, og við þetta flóð breyttist Steinholtsá mikið.
Árfagvegurinn breyttist og göngubrúin sem nýbúið var að setja upp stóð á þurru.
Eftir þetta hefur Steinholtsá ekki verið eins mikill farartálmi eins og hún var, en samt þarf að passa sig á henni.

Fara í hana þar sem hún er breiðust og keyra með straumi, en passa sig á stórum steinum sem eru henni miðri.

Góð regla með Krossá er, ef þú ert eitthvað óöruggur með vaðið sem þú telur þig hafa fundið, slepptu því þá að fara yfir, bíddu eftir öðrum bílum.
Einnig eru skálaverðirnir í Langadal oft tilbúnir til að finna vað fyrir þig, ef þannig liggur á þeim..

Fyrra álit

Partytruck fyrir 22 árum, 7 mánuðum

Síðustu 3 skipti sem ég fór í mörkina var Steinholtsáin fær fyrir góðan subaru ef hann nennti að krækja fyrir alla steina en Hvannáin leynir oft vel á sér vegna þess að hún er mjög grönn og djúp og bratt ofaní hana. Láttu þér ekki bregða ef húddið á bleisanum hverfur ofaní ánna þegar er farið framaf.
Krossáin er reyndar verst við Langadal þegar er mikið í henni því að hún er svo hrikalega straumþung við skálana þar sem hlykkurinn kemur í hana (veit að vísu ekki hvort hann er þarna enþá).

Annars er þetta ekkert mál ef þú ert með bíl með þér af svipaðri stærð. Hvenær á annars að fara ég er alltaf til í mörkina.

Fyrra álit

Linkur fyrir 22 árum, 7 mánuðum

Sælir
Ég held að það sé nokkuð ljóst að þú ert algjör byrjandi í fjallaferðum og er gott að vita til þess að þú leitar til þér reyndari manna en veður ekki bara blint í sjóinn.
Ég er búinn að vera að keyra mikið á fjöllum alveg síðan ég fékk bílpróf, og farið þónokkuð oft uppí Þórsmörk á öllum árstíðum. Ég vil meina að leiðin uppí Þórsmörk sé tilvalin fyrir byrjendur því hún hefur allt til að bera til að vera erfið og torfær en getur líka verið fólksbíla fær, en maður veit aldrei hvernig hún er áður en maður leggur af stað.
En svo maður svari nú spurningunni þinni þá get ég fullyrt það að þú kemst á óbreyttum Chevy Blazer uppí Mörk. Ég hef sjálfur farið á Toyota Tercel þangað og yfir allar árnar (m.a.s. Krossá) og það var ekkert mál en þá voru skilyrðin líka eins og best verður á kosið, en pústið fékk aðeins að kenna á því. Sjálfur á ég Lada Sport jeppa og það hefur aldrei verið vandamál að fara á henni þangað uppeftir. Ég vil aftur á móti vekja athygli þína á því að sértu hikandi við að fara yfir Krossána þá er göngubrú aðeins neðan við Langadal og þaðan er maður ekki nema 10-15 mínútur að labba innað Skagfjörðsskála, eða fara bara inní Bása í Goðalandi, sem mér finnst persónulega vera mjög sjarmerandi staður.
Það sem er kannski mikilvægast af öllu er að fara aldrei einbíla. Tveir bílar eru ALLTAF betri en einn.

Góða ferð á fjöllum og svo hittumst við kannski í Mörkinni. (Verða að vinna inní Mörk í sumar)

Ferðakveðjur
Linku

Fyrra álit

WILLIS fyrir 22 árum, 7 mánuðum

Það að spreyja sílikoni á þræði og lok er ekki mjög gott að mínu mati. Það hjálpar í svolítin tíma en svo safna þessi auka efni á þráðum og fleiri stöðum enn meiri skít svo vandamálið verður bara erfiðara viðureignar eftir svolítin tíma. Vel hefur hinsvegar reynst að halda rafkerfinu hreinu og í góðu lagi.

Fyrra álit

JHG fyrir 22 árum, 7 mánuðum

Það er nú litlu við að bæta, þetta er svo ítarlegt sem komið er :)

Ef svo illa til að þú verðir einbíla (hef lent í því að hinn bílinni bili, það var auðvitað FORD ;), þá ættir þú að finna þér einhverja bíla til að hanga í. Það er yfirleitt það mikil traffík þarna að það ætti að heppnast.

Ef þú ert í vafa, slepptu því þá að fara yfir Krossá! Fyrir ekki mörgum árum fórust nokkrir að mig minnir í Steinsholtsá (voru leysingar) þannig að best er að velja tímann vel (minnstu sprænur geta orðið stórfljót). Mér finnst þægilegast að vera í Slyppugili (ró og kyrrð en stutt í stuð) en ef Krossá er leiðinleg þá mæli ég með Básum, gott tjaldstæði, minni læti (ef þú vilt sofa)og ekki allt of langt í fjörið :)

Ég ráðlegg þér að fara fyrstu eða aðra helgina í júlí, þá er ekki mikið í ánum (að öllu jöfnu, getur breyst fljótt) og mikið af jeppum á þessari leið (það eru allir tilbúnir að hjálpa).

Hafðu síðan með þér helstu varahluti, ekki gleyma auka viftureim því þær geta farið illa þegar þær blotna, spóla og byrja að snúast (lennti í því einu sinni :( ).

Síðasta kvöldið ættir þú að nota lítið af öli, það er hundleiðinlegt að keyra heim þunnur (og getur verið stórhættulegt) og síðan á löggan það til að stoppa alla bíla á leiðinni úr mörkinni.

Chevy-kveðja,

JHG

Fyrra álit

JHG fyrir 22 árum, 7 mánuðum

Menn fara svo á allskonar dósum þarna inneftir og stundum án þess að vita nokkuð í sinn haus.

Eitt sinn var verið að draga Mitsubishi Tredia sem er fjórhjóladrifinn fólksbíll upp úr Steinholtsá (með vatnið upp á glugga).

Þar sem að mikið af bílum var þarna stopp þá stöðvaði ég og fylgdist með. Þá komu ungir drengir (sem voru með L300) og spurðu mig hvort ég héldi að þeir kæmust yfir. Ég spurði þá hvort þeir vissu hvar loftinntakið á bílnum væri en þeir höfðu ekki hugmynd. Ég sýndi þeim þá hvernig þeir gætu fundið það (þurfti að sýna þeim hvar vélin var :). Þeir höfðu þó vit á því að spyrja áður en vaðið var út í, annað en sá sem var í baði.

Þegar ég var kominn inneftir þá rakst ég á Lödu Station í Langadal, það var það mikið í ánum að það er bókað mál að hún hefur ekki farið þar yfir þessa helgi nema að hún hafi verið í spotta (sömu helgi fékk ég vatnið upp á húdd á Blazer K5 á 38" dekkjum).

Þetta var í fyrsta sinn sem ég sá fólksbíl í Þórsmörk en ég hef nokkrum sinnum séð þá í Básum (þ.e. Goðalandi).

Þegar ég fór fyrst inneftir (á löngum Súzuki Fox) þá var ég lítið betri, ég hafði hennt öllum varahlutum út til að búa til pláss fyrir fólk og farangur, ég fór einbíla (en tróð mér í röð af jeppum) og lenti síðan í bilunum sem ég hefði getað gert við ef ég hefði haft varahlutakassann með mér. Því varð ég að keyra heim á sunnudeginum á biluðum bíl (en áfram skrölti hann þó).

Þar sem að bíllinn var bilaður þá fór ég ekki lengra en í Bása í minni fyrstu ferð (en labbaði yfir í Þórsmörk :).

JHG

P.s. mundu eftir sólarvörninni, gætir þurft á henni að halda í mörkinni

Fyrra álit

NOBRKS fyrir 22 árum, 7 mánuðum

www.simnet.is/gop

Sá gæji hefur verið að gera út ferðir óreynda óreynda ökumenn og kenna þeim öll brögð í sambandi við ár og fljót!

Fyrra álit

JHG fyrir 22 árum, 7 mánuðum

“Hvernig eru þeir að virka með þessum breytingum? Er dýrara eða erfiðara að breyta þeim en öðrum, t.d. toyota? Hvernig standa þeir sig miðað við aðra? ”

Byrja á að taka það fram að ég hef aldrei breitt litla Blazer og hef líklegast aldrei skoðað undirvagninn á óbreyttum Blazer S-10.

Þetta er léttur bíll og ætti að fljóta vel á 38". Ég hef grun um að þeir séu ekki með heilli hásingu að framan og efast um að flexitorarnir þoli breytingarnar. Að aftan er örugglega ekki sterk hásing (Dana 35?) en ætti alveg að geta lifað ef þú ert ekki of grófur í akstri (sleppir því að stökkva ;). Svo er spurning með læsingar en það má vera að það borgi sig ekki að henda þeim pening í þessar hásingar (frekar setja sterkara undir og eyða pening í þær).

Líklegast væri skynsamlegt að fara ekki á oft stór dekk, hann er líka það léttur að það ætti ekki að þurfa stærstu tegund af dekkjum.

Bíllinn er væntanlega með 4,3 Lítra vélínni, hún er nokkuð góð og ætti að vera alveg nóg (en þú þarft að sjálfsögðu að lækka hlutföll fyrir stærri dekk).

Það eru nokkrir mikið breyttir svona bílar til, þeir virka bara ágætlega.

JHG

Fyrra álit

darthwiper fyrir 22 árum, 7 mánuðum

Það var farin vetrarferð í mörkina í fyrra bílarnir sem voru í þeirri ferð voru toyota land cruser 38“, musso 38” toyota land cruser 33“ og blaser 44” sem að var algjört ferlíki jæja allt gekk vel þessi 33“ toyota komst yfir krossá léttilega ég tek það fram að það er oft ekki mikið í krossá að vetri til. Það sem að mér fannst ótrúlegast var að við fórum alli yfir markafljót og komst 33” toyotan yfir hæglega.

Fyrir svona þremur árum fór ég upp í þórsmörk á 33" súkku samurai og þá sá ég það skrítnasta sem að ég hef séð á allri minni æfi það var saab drusla að keyra yfir krossá, hún flaut yfir hana og ég tek það fram að það var ekki lítið í ánum á þessum tíma!!

Þannig að ég býst við því að þú komist í mörkina á bílnum þínum :)
gangi þér vel í suma

Fyrra álit

einarcj5 fyrir 22 árum, 7 mánuðum

Ég veit um 2 s10 sem að eru breyttir. þessir bíar eru a flexum að framan og afturhásingin er d30 þeir eru til með 2.8l og 4.3l vélum og er sú stærri mjög skemmtileg. þeir sjálfskiptu eru með 7oo skiptingu sem er mjög góð en þeir eru líka til með 5 gíra álkassa sem er mjög góður að skipta en ég veit ekki hversu sterkur hann er, en þó veit ég til þess að hann hafi verið notaður á 350 chevy.Annar bíllinn sem ég veit um er kominn á dana 44 að framan og aftan en er með orginal vél og skiptingu og 38tommu og er fínn. hinn er svolítið annar kapítuli með 350 og trukkabox og 12 bolta chevrolet að aftan en Lc hásingu að framan loftpúðum allan hringinn og 44tommu dekk.hvort sem að það er nú hugmyndin vona ég að þetta segi þér eitthvað

Fyrra álit

Steubar fyrir 22 árum, 7 mánuðum

Þú getur alltaf hringt inn til skálaverðana í Húsadal, þeir eru alltaf til í að koma með trukkinn sinn. Þeir hafa stórann vörubíl og þekkja ánna auðvitað manna best. Ég hef meira að segja séð þá taka tjaldvagn á pallinn hjá sér yfir ána :)
Síðast þegar ég fór inn í Þórsmörk fengum við þá til að fylgja okkur og öðrum yfir ána og gekk vel. En í bakaleiðinni var áin farin í ham og fullt af liði fast á bakka árinnar horfandi á Hummer sökkva sér vel niður í ána, vel upp fyrir húdd (''44).
Þá voru skálaverðirnir svo almennilegir að binda okkur (4Runner ''31) aftan í sig og draga okkur yfir. Bíllinn flaut og var í á að giska 2 mínútur án þess að snerta botninn. Gekk samt furðuvel!

ALLTAF LÁTA SKÁLAVERÐINA VITA ÞÓ EKKI SÉ NEMA TIL AÐ ÞEIR TAKI EFTIR ÞVÍ EF ÞÚ SKILAR ÞÉR EKKI INN Í DAL.

Fyrra álit

WILLIS fyrir 22 árum, 7 mánuðum

Einnig er mjög öflugur traktor í Langadal til að draga upp fasta bíla.

-WILLIS-

Fyrra álit

Jeppar

Jeppar

Ofurhugar

Stjórnendur

Hverjir eru inni

Greinar

Þórsmörk á orginal Blazer??

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi