Munurinn á “venjulegri” hásingu og hásingu með fljótandi öxla er sá að það eru spindlar boltaðir utaná hásinguna á fljótandi hásingu (svipað og á framöxlum) og svo “fljóta” ná á þessum spindlum og felgurnar eru boltaðar á þessi ná. Kostirnir eru þeir að þá eru tvær legur við hvort hjól (inni í náunum) og ekkert burðarálag á öxlinum sem snýst. Þar að auki dettur hjólið ekki undan ef öxull brotnar eins og getur gerst ef “venjulegur” öxull brotnar.


Hvar heyrðirðu að súkkan væri með dana 40 ????
Ég hef aldrei heyrt um þá hásingu.
En; aðalstyrkurinn í dana 60 hásingunni er stærðin á kambinum, minnir að hann sé um 8.5 tommur í þvermál þannig að tennurnar eru stærri, ekki fleiri, og öxlarnir eru sverir, um 1.5 tommur minnir mig og með fleiri rillur á endunum eða 35 samanborið við t.d. 27 í dana 30. Svo eru rörin sem hásingin er byggð úr líka úr þykkara efni, og hvorttveggja gerir hana níðþunga!

Flækjur: þær eiga að hjálpa vélinni að losa sig við pústið. Almennt gildir að stutt og sver rör í flækjunum virka best á háum snúningi en löng og grönn rör virka best á lágum snúningi.

Ég veit ekki mikið um hásingar. Enn ég veit að þú græðir fleirri hö á flækjum auk þess að hann dregur bensinið betur þar að auki minni bensín eyðsla sérstaklega fyrir minni vélar. En svo þegar maður er með almennilega vél þá er það aðalega upp á hljóðið að gera að maður fái sér flækjur. En það munar ekki svo miklu þegar vélar ráða vel við bílinn upp á hö tölu og bensín eyðslu.