Phantom fyrir 21 árum, 1 mánuði Fjöldi lestra: 1428

Glussatjakka undir jeppann?

Er ekki alltaf verið að reyna að fá meiri slaglengd í fjöðrunina. Hefur einhver prófað að nota glussatjakka? Ég held að þeir ættu að virka eins og framdemparar á krossara. Það er svona fjöðrun á flugvélum og að ég held Big foot bílunum,er ekki málið að reyna þetta hérna heima eða hefur kannski einhver reynslu í þessu? Ég veit að það var búið að hanna svona kerfi undir einhvern torfærubílinn en var svo aldrey smíðað. Ég er alaveganna að fara út í breytingar í haust og það væri gaman að prófa þetta en ef einhvur veit eitthvað um þetta endilega komið með innlegg.

Gabbler fyrir 21 árum, 1 mánuði

Sæll Phantom.

Meinaru þá glussatjakka eins og eru í vinnuvélum og þessháttar?

Það í raun mundi aldrei ganga nema þú mundir fylla tjakkana af einhverju gasi sem mundi fjaðra. Og þá í raun væriru bara kominn með loftpúðafjöðrun.

Slaglengdin er ekki svo brjálæðislega mikið atriði í jeppum. Það er eiginlega meira vit í að eyða peningunum í að fullkomna takmarkað fjöðrunarsvið heldur en að hafa mjög langa, lélega, fjöðrun.

Kveðja.

“Það sem aldrei hefur gerst getur alltaf gerst aftur”

Fyrra álit

stefanio fyrir 21 árum, 1 mánuði

Iss Piss…
fáðu þér bara range rover! þarft enga glussatjakka undir hann!
á hvernig jeppa ertu og hvernig ætlaru að breyta?

Fyrra álit

Phantom fyrir 21 árum, 1 mánuði

ég er á 94 toyota double, ætla að færa afturhásingu aftur um 30 cm setja fourlink og að framan ætla ég líka að rífa fjaðrirnar undan

Fyrra álit

stefanio fyrir 21 árum, 1 mánuði

en hvað ég skil það að þú viljir rífa fjaðrirnar undan! þetta er hastari helv*** en suzuki fox!!

hvað á hann að fara á stór dekk?

Fyrra álit

Phantom fyrir 21 árum, 1 mánuði

38“ á 14” breiðum felgum.

Fyrra álit

road fyrir 21 árum, 1 mánuði

Í þessu tilfelli er rangt að nota heitið “Glussatjakkar” og væri réttast að skýra þetta glussadempara með innibyggðum gormum.
Mér líst persónulega mjög vel á þessa hugmynd því að þarna getur þú stillt bound/rebound og þannig sett bílinn upp fyrir hvaða aðstæður sem er á sirka 5 mínútum .
Því miður verð ég að segja að mér líst engan veginn á þetta með four link draslið ( bara vandræði )

Fyrra álit

Phantom fyrir 21 árum, 1 mánuði

Ef ekki fourlink, hverju er þá hægt að mæla með? Eru breytingarnar svipaðar að framan og aftan eða er þetta allveg sinnhvor hluturinn?
Er einhverstaðar hægt að komast í góða upplýsingar á svona breytingum eða verður maður bara að skoða það sem maður sér á götunni?

Fyrra álit

isan fyrir 21 árum, 1 mánuði

Sælir!

Einhvernveginn hef ég haldið að 4-link hreyfingin væri best. Hásingin á þá alltaf að vera rétt o.s.frv.

Hinsvegar er ég sammála þeim sem sagðist ekki trúa á svo mikla fjöðrun heldur góða. Þegar þú ert með læsingar í öllum drifum þá finnst mér ekkert akút mál að vera með öll dekkin jarðbundin þó að ég viti vel að það spilli ekki fyrir.

Í þínum sporum myndi ég athuga með gormafjöðrun að framan en loftpúða að aftan. Þannig ertu með klassa fjöðrun að framan og aftan hvort sem bíllinn er lestaður eða ekki.

Þetta með glussatæknina held ég að sniðug hugmynd en ég sé ekki að hún gefi þér aukna slaglengd, allavega ekki meira en góð gormafjöðrun.

Kv Isan

Fyrra álit

hallbm fyrir 21 árum, 1 mánuði

Eins og áður hefur verið nefnt þá getur ekki verið um glussatjakka að ræða heldur einhverja glussadempara og ég veit nú reyndar ekki meira um það.
En varðandi fjöðrunina sjálfa það er járnadraslið þá eru til margar leiðir og four link er ein vinsælasta leiðin og alger óparfi að skíta á hana án þess að útskýra það nánar.

En það er nóg til af efni um þessar breytingar á spjallþráðunum t.d. á f4x4.is
endilega skoðið það, þar eru nánast öll svörin.

Björninn

Fyrra álit

road fyrir 21 árum, 1 mánuði

Varðandi það að “skíta ” á four link þá er ég nú aðeins að láta mitt álit í ljós og vil ég meina að það séu einfaldlega of margir festipunktar sem hafa þarf áhyggjur af ( plús viðhald ) þannig að einfalt er betra .
Glussademparar sem hér um er að ræða eru tvívirkir demparar með INNIBYGGÐUM GORMUM þannig að það þarf ekkert meira en þessa dempara ,hvorki gorma eða loftpúða .
Ef bíllinn er mikið lestaður er einfaldlega hægt að snúa tappa sem liggur ofaná gorminum með einu handtaki og stýfa með því gorminn og þar með auka burð bílsins .
Það er ekkert sem mælir á móti því að nota slíka dempara hvort heldur að framan eða aftan sökum þess hve einfalt er að stilla bæði burð gormanna og virkni demparanna í báðar áttir .

Fyrra álit

asgeirk fyrir 21 árum, 1 mánuði

Þótt þú notir þessa sambyggðu dempara og gorma þarftu altaf að halda hásingum á réttum stað og í réttum halla og til þess þarftu einhvers konar stífur, four link er mjög góð hönnun og engin hætta á bilunum, einnig er til svokölluð þriggja punkta fjöðrun, þá er eins stífa hvoru megin neðan til, en síðan ein stífa fyrir miðju ofan á til að halda hásingunni í réttri stöðu, í þriðja lagi má svo nota framhásingarstífur úr Patrol eða LC80, en með þeim getur myndast spenna sem minnkar fjörunarlegndina. Með þessum uppstetningum þarf síðan þverstífu til að varna hliðarhreifingu. Rover verksmiðjurnar sameina efri festingu og þverstífu í eitt, með nokkurs konar A stífu. SÍÐAN bætist við sjálfur fjöðrunarbúnaðurinn sem getur verið gormar, loftpúðar eða samb. dempari-gormur. Hef sjálfur reynslu af gormum framn og loftpúðum aftan virkar frábærlega, en mæli með four-link eða þriggja punkta að aftan umfram Patrol stífur, sem aftur eru frábærara að framan. Gangi þér vel
Geiri

Fyrra álit

SnakeIce fyrir 21 árum, 1 mánuði

Sæll…..

Skoðaðu fjöðrun undir eins mörgum jeppum og þú getur. Loftpúðar að aftan er að verða sjálfsagður hlutur og borgar sig að setja með því stillanlega dempara þar sem að ef þú breytir loftþrýstingnum í loftpúðanum er ekki slæmt að geta breytt demparanum líka. Þá ertu kominn með eins fjölhæfa fjörðun og hægt er að fá eins og er. Til að nota slíka fjöðrun til hins ýtrasta þá er mjög gott að geta stillt bæði púða og dempara innan úr jeppanum.

Fjöðrun að framan, ef ég væri að breyta jeppanum hjá mér og skipta um fjöðrun að framan myndi ég fá mér loftpúða þar líka, sumir segja að það sé bara bull og vitleysa að gera það þar sem að þyngdin breytist ekki svo mikið að framan. Það breytist svosem ekki mikið þyngdin að framan en hún breytist alltaf eitthvað þar sem að þú ert kannski að lesta bílinn fullan af farangri og eldsneyti þá breytist þyngdardreifinginn í bílnum bæði að framan og aftan. Þar af leiðandi er mjög gott að vera með loftpúða fjöðrun allan hringinn.

Það þarf ekki að skoða lengra en flutningabíla og vörubíla, þeir eru oft á tíðum með loftpúða að framan og aftan, stundum bara að aftan og fjaðrir að framan.

Ég er sjálfur búinn að vera flutningabílstjóri í nokkur ár bæði hér heima og erlendis og þori ég að fullyrða það að jeppi á loftpúðum að framan og aftan myndi verða mun skemmtilegri en aðrir sambærilegir jeppar með annars konar fjöðrun.

En eins og ég sagði áðan að þá þarf að vera með loftpúðana og demparana stillanlega inni í jeppanum til að nota slíka fjöðrun til fulls.

Ég mun sjálfur setja loftpúða undir minn að framan ef ég fer í að setja hásingu undir.

Gangi þér vel

Kveðja

Snake

Fyrra álit

Phantom fyrir 21 árum, 1 mánuði

Þetta er allt farið að hallast í það að það verði loftpúðar allann hringinn. Hafa menn eitthvað verið að færa framhásinguna framar eða er það kanski bara óþarfa vesen?

Takk fyrir gott svar!

Fyrra álit

isan fyrir 21 árum, 1 mánuði

Sæll!

Þetta með að færa framhásinguna hefur verið gert á Hilux bíl en þá var tilgangurinn eingöngu sá að losna við að skera hvalbakinn í klessu. Sá bíll var bara upphækkaður um 10 cm og settur á 38" dekk. Hann hefði þurft að klippa í burtu of mikið inn að kúplingunni svo að hann hefði ekki getað kúplað frá.

Kv Isan

Fyrra álit

Jeppar

Jeppar

Ofurhugar

Stjórnendur

Hverjir eru inni

Greinar

Glussatjakka undir jeppann?

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi