ég er mjög hlyntur þessu hjá þér og mig langar virkilega að komast í ferð með hugurum
ég er á toyotu 4-runner 38" 85 model áætluð dagsetning á ferðahæfum er janúar 2003

Sælir Hugarar

Já ég er alltaf maður í jeppaferðir. Ég er á patrol á 35“ bara að bíða eftir pening til að kaupa 36” fæ þau vonandi fyrir jólin. En þetta er snilldar hugmynd en við verðum að fara eitthvað lengra en þingvellir, þannig að það er ekki nóg að vera með 4x4 merki á bílnum heldur eitthvað sem kemst eitthvað í snjó. Við verðum að miða við eitthvað ákveðna lágmarksstærð.

þegar margir ókunnugir eða margir litlir vinahópar leggja af stað í svona ferð þá held ég að það að ætla eyða nótt í einhverjum skála fæli marga frá án þess að vera tala fyrir aðra en sjálfan mig. held að það væri nær að hafa fyrstu ferðina bara dagsferð og síðan er hægt að skoða skálaferðir í framhaldi af henni. síðan er það að takmarka suma jeppa… það er mín reynsla (þó lítil sé) að 33" breyttir þyngri bílar þeim gengur alveg ágætlega að elta slóða annarra bíla þannig að ef veður er ekki þeim mun verra og færðin eitthvað sem enginn leggur í þá fyndist mér ekki sanngjarnt að vera með einhverjar útilokunar aðferðir sem ferðafélagið notar með það í huga að færð á fjöllum geti versnað á augabragði og þá sé ekki gott að bílar passi ekki í töfluna.

Daginn.

lýst alveg dúnsur vel á þetta, er á Chevrolet Astro á 38 tommu læstur bla bla bla, er samt ekki alveg í standi eftir sumarið…. þannig ef þetta á að vera á nóv eða snemma í des kemst ég ekki.

svo annað, ekki á þetta að vera svona sunnudagsferð eftir þjóðvegi 1 og kannski einn skafl til að reyna við?

já og talandi um áfangastaði, skjaldbreiður er náttla alltaf klassík

Snilld að það séu svona margir sem hafa áhuga á þessu, svo er þetta náttla ekki bara ferð fyrir þá sem stunda þetta áhugamál. Mér finnst allavega að allir ættu að mega koma með, svo lengi sem þeir skrái sig á einhvern hátt eða annan. Líka ef hugarar sjái um alla skipulagningu og stjórni ferðinni.

er ekki soldið snemmt að vera að plana svona ferð með svona löngum fyrirvara, málið er bara að vera opinn fyrir öllum leiðum og síðan er það mín reynsla að það er ekkert hægt að ákveða neitt fyrr en a.m.k langtímaveðurspáinn er komin á hreint. einnig ef að allir jeppar (þar með taldir óbreyttir) ætla að skella sér þá má nú ekki vera blautur snjór og margt annað sem þarf að athuga.

Síðasta vetur var gerð tilraun til að fara í hugara jeppaferð, en með frekar litlum árangri. Það er nokkuð ljóst að það eru frekar margir á lítið breyttum bílum þ.e. 31“ - 35” dekkjum.
Þannig að miðað við útbúnað og orku finnst mér þórsmörk/Goðaland ákjósanlegur staður.

Árnar inneftir eru nú ekki eitthvað sérstakt áhyggjumál á þessum tíma, í versta falli gætu verið einhverjar ísskarir, sem þá stærri bílarnir gætu brotið og dregið þá minni yfir, árnar eru náttúrulega jökulár, og þar sem lítil bráðnum er yfir vetrartímann er frekar lítið í þeim á veturna. Allt í lagi samt að búast við einhverjum dráttum yfir árnar, þá held ég aðallega Lónið og Steinholtsá, kannski Hvanngilsá, oft bakkar þar, en maður fer ekki í jeppaferð án vesens. Einhverjir nokkrir gæjar sem eru reyndir. Og ef nokkrir þungir bílar með góða stuðara, séu með í för ætti ekki vera neitt vandamál að draga bíla yfir, ef þess er þurfi, (sem ég er svo ekkert svo viss um að þurfi).

Í stuttu máli, það hefur ekki verið svo mikill snjór síðustu ár að Þórsmörk sé eitthvað vandamál, ef einhverjir lítillega reyndir menn séu með í för.
Árnar þangað inneftir eru ekki svo djúpar yfir vetrartímann að lítið breyttir bílar eigi vandræðum, samt ágætt fyrir þá að hafa svefnpokann ofarlega.
Stemmingin sem getur myndast í skálum eftir góða dagleið getur verið ógleymanleg, svo ég mæli með að menn dvelji eina nótt, í skála, bíl eða tjaldi. daginn eftir ef veðrið er gott er hægt að renna upp á heiðinna fyrir ofan Seljalandsfoss, og áleiðis upp á Eyjafjallajökull.

Möguleikar, möguleikar, best að ákveða að ferðin mun verða haldin segjum seinnipart í janúar, farið verður í Þórsmörk, gist í Básum, (í bíl, skála eða tjaldi) einhverjir 38“ reyndir bíleigendur bjóði sig fram til að vera fremstir þeir verði vera tilbúnir að ryðja ár sé þess þörf og draga minna breytta bíla yfir.
Opnir möguleikar daginn eftir, renna upp á Eyjafjallajökul.

gott ef einhverjir öflugir væru á leiðinni til baka sama dag og gætu fylgt minna breyttum bílum til baka.

Ég gæti fengið örugglega fengið skálann í Básum/Goðalandi lánaðan gegn sanngjörnu gjaldi, menn greiði við komu þangað.
Ég býð mig fram sem einn af fyrstu bílum, er á 38” Landcrusier árgerð 88 læstum, þungum og ágætlega tilbúinn til að brjóta niður ísskarir.

Skulum ákveða helgi sem fyrst og standa við hana, segjum 1-2 febrúar (lau-sun) lagt af stað frá select klukkan 9:30.
þá leggja af stað fyrstu bílar hinir geta fylgt. lágmarksbúnaður CB, rás 13, eða þessháttar.
Mín hugmynd. Endilega svarið hér á Huga, eða á birkirr@heimsnet.is (heimsnet.is/birkirr).

kveðja
Birkir R

Mér líst alveg þokkalega á þetta Birkir en ég held að menn séu ekki tilbúinir til þess að fara að gista eina nótt, samt er ég nú alveg til í það og er ég líka alveg til í að fara inn í Þórsmörk ég held samt að þetta gæti orðið svoldið brölt en hver segir að svolítið brölt sé leiðinlegt :Þ