Jæja, nú skulum við sjá eitthvað annað en jazz leikara sem hertekið virðast hafa myndahornið undanfarnar vikur.

Þetta er hinn miklu Townes van Zandt, fremstur bandarískra söngvaskálda (að margra mati), margir úr folk og kántrí heiminum, eins til dæmis Willie Nelson, Steve Earl og Merle Haggard, hafa játað að þessi maður hafi verið sá allra besti, eða veiti Dylan allavega mjög harða samkeppni sem mesta söngvaskáld allra tíma. Ég get varla ímyndað mér annað en að Dylan sjálfur sé á svipaðri skoðun, þó ég viti sosum ekkert um það og fullyrði hér ekkert um það.

Ævisaga mannsins er dæmigerð fyrir söngvaskáldin bandarísku, einsamall kúreki, útlagi og svo framvegis (Hank Williams, Gram Parsons og fleiri). Átti eiginlega alla ævi við áfengisvandamál að stríða og það tók líf hans að lokum (reyndar ekki áfengið sjálft heldur heilsuvandræði í kjölfar ævilangrar áfengissýki) árið 1997 ef ég man rétt.

Ég er bara tiltölulega nýbúinn að uppgötva þennan mann, það virðist vera erfitt að útvega sér plötur með honum hér á klakanum og með krónuna í þessum skít eins og stendur er varla treystandi að versla af netinu. Endilega ef þið hafið sér einhverjar plötur til sölu með honum þá myndi ég þiggja vísbendingu.

http://www.youtube.com/results?search_query=Townes+van+zandt&search_type=&aq=f

Endilega ræðið.