dha fyrir 17 árum, 9 mánuðum Fjöldi lestra: 561

Tónlist bönnuð innan 18 ára

Nú um helgina er blúshátíðin Norðurljósablús á Höfn í Hornafirði. Ég missti af síðustu hátíð, bæði vegna veðurs og svo hefði ég ekki komist inn á nema eina tónleika því ég var bara að verða 17 ára þá. Nú átti ég að fá að komast inn, a.m.k. í fylgd með foreldrum mínum og var búin að hlakka mjög mikið til. Þá var allt í einu ákveðið að ENGINN undir 18 ára kæmist inn, með engum undantekninum. Ég, og nokkrir fleiri urðum auðvitað mjög reið þegar við heyrðum þetta og miklar umræður hafa verið í gangi um þetta. Þetta er mín skoðun á þessu (var upphaflega svar við bloggi vinkonu minnar, sem innihélt miklu meiri reiði og pirring og yrði líklega bannað hérna :P):

Það er nánast ómögulegt að sjá lifandi jazz, blús eða heimstónlist undir 18 ára. Má maður þá ekki hlusta á þetta undir 18 ára? Af hverju ekki?

Af því ég er alltaf að tala við fólk á huga.is sem hlustar á jazz og blús hef ég oft heyrt þetta. Allir minni tónleikar eru bannaðir fyrir yngri en 18 ára, því það verður að halda þá á skemmtistöðum. Ég fór nú á Deep Purple tónleika árið 2004 þegar ég var 15 ára og þar var bæði áfengissala og smákrakkar. Svo er verið að kvarta yfir því að við unga fólkið hlustum ekki á almennilega tónlist - ÞAÐ ER EKKI OKKUR AÐ KENNA AÐ ALMENNILEG TÓNLIST ER BÖNNUÐ INNAN 18 ÁRA!!!

Svo finnst mér líka fáránlegt að þurfa endilega að hafa áfengi á svona viðburðum. Af hverju? Er ekki nóg að njóta tónlistarinnar? Eða þarf kannski bara einhvera tylliástæðu til að geta farið á 3-daga fyllerí af því ef maður gerir það heima hjá sér er maður fyllibytta.

Það má ekki einu sinni fara inn í fylgt með fullorðnum. Það hefur víst reynst illa, fólk kaupir bara áfengi handa börnunum sínum, og þess vegna má enginn fara inn undir 18 ára.

Þessir foreldrar sem kaupa áfengi fyrir börnin sín … Af hverju er bara ekki hægt að henda þeim út!? Það kemur okkur ekki við þótt aðrir foreldrar en okkar séu óábyrgir!

Þetta er bara fáránlegt. Ég get ekki lýst því hvað ég er orðin pirruð á þessu.

Fáum nú smá umræðu hérna. Ég veit að það eru fleiri en ég orðnir pirraðir á þessu.

Go nuts!

franur fyrir 17 árum, 9 mánuðum

Reddaðu þér bara skilríki sem sýnir þig eldri.

Lífið er aðeins vegur sem leiðir til dauða.

Fyrra álit

Bijou fyrir 17 árum, 8 mánuðum

Það er ekki endilega málið að nákvæmlega ÉG kominst inn þarna núna með fölsuðum skilríkjum. Þetta er meira mál um hvað við höfum rétt á! Hvað við eigum að hafa rétt á! Við eigum að berjast fyrir okkar og ná að koma okkur inn sem þjóðfélagshóp.. ekki bara þann hóp sem má ekkert nema borga fullorðinsgjald og vera með litlu krökkunum. Með því að svindla á kerfinu erum við ekki að segja okkar skoðun og erum ekki að berjast fyrir mannréttindum okkar heldur “samþykkja” lögin og nota falsanir sem eina málið gegn þeim.

Shadows will never see the sun

Fyrra álit

Boweavil fyrir 17 árum, 9 mánuðum

Mér finnst það nú reyndar bara fínasta mál ef að foreldrar kaupa áfengi handa krökkunum, það er ekki mitt né neins annars að skipta sér af því hvort að foreldrar leyfi krökkunum að drekka, en það er ekki mergurinn málsins.

Það búast náttúrulega fáir við því að mikið af ungu fólk sé að sækja svona hátíðir, blús er bara ekki “inn” í dag og því heldur fólk kannski að skaðinn sé enginn eða lítill á því að banna innan 18 ára.

Fólk á Íslandi þarf að drekka í hvert skipti sem það skemmtir sér, svoleiðis er það bara. Öllum skemmtunum fylgir drykkja, þetta er stymplað inn í heilabú okkar frá unga aldri.

When yer head gets twisted and yer mind grows numb…

Fyrra álit

Noproblem fyrir 17 árum, 9 mánuðum

Þetta er alveg rétt hjá þér :-(
Ég er reyndar orðinn 18 ára þannig að þetta hefur ekki bein áhrif á mig, en mér finnst glatað að yngra fólk skuli ekki fá að njóta tónlistarinnar.

Annars var nú smá jazz teiti í norðurkjallara MH um daginn, held að það hafi nú ekki verið neitt aldurstakmark þó að það hafi kannski verið hugsað fyrir menntaskólaaldurinn (sem þú ert nú reyndar á).

Fyrra álit

dha fyrir 17 árum, 9 mánuðum

Allt sem tengist menntaskólum er annað hvort með 16 ára aldurstakmarki þar sem er farið eftir ári eða þá með engu aldurstakmarki. Það er auðvitað rökrétt :P

Fyrra álit

sakki90 fyrir 17 árum, 8 mánuðum

ÞAÐ voru geggjaðir tónleika

Ísak kveður

Fyrra álit

Noproblem fyrir 17 árum, 8 mánuðum

Haha :-D
Já, það var hreint ágætt.
Ekki verra að það var frítt kaffi og með því.

Fyrra álit

sakki90 fyrir 17 árum, 8 mánuðum

já og snúðar og læti :D

Ísak kveður

Fyrra álit

Loki fyrir 17 árum, 9 mánuðum

Ég mæli með því að þú sendir bréf til ráðherra um þetta.
Þetta er fullkomlega málefni sem þyrfti að taka á, fólk er alltaf að kvarta yfir “ungu kynslóðinni” nú til dags og bannar okkur síðan að fara inná menninlegarlega viðburði.

„It is not worth an intelligent man's time to be in the majority. By definition, there are already enough people to do that.“

Fyrra álit

dha fyrir 17 árum, 9 mánuðum

Já …

Svo er líka önnur pæling í sambandi við þetta.

Ef það þarf endilega að banna okkur að fara inná svona undir 18 ára, því við teljumst börn ennþá - af hverju er þá hægt að láta mann borga fullorðinsgjald inná allt frá 14 ára aldri. Það er eitthvað sem þyrfti að laga!

Ég fæ að kjósa næst og áður en ég geri það ætla ég að finna einhvern með völd sem er líklegur til að gera eitthvað í þessu (og fleiru sem ég hef áhuga á) og senda honum/henni bréf. Sá sem vill hjálpa mér fær mitt atkvæði :) Ég ætla sko að nýta mér lýðræðið!

Fyrra álit

alfisti fyrir 17 árum, 9 mánuðum

þetta er hneyksli að mínu mati,á þetta að vera tónlistarhátið eða bara drykkjutilefni fyrir fyllibyttur?Sendu stjórn blúshátíðarinnar kvörtun og komdu vitinu fyrir þá.

Fyrra álit

dha fyrir 17 árum, 9 mánuðum

Ég er búin að því. Pabbi minn er í stjórn. Hann var einn af þeim sem voru á móti þessu en það voru of margir sem vildu banna þetta.

Fyrra álit

Wolfpack fyrir 17 árum, 9 mánuðum

Alveg fáranlegt!

Maður var nú að spegúlera að skella sér á Peter Bjorn & John og Stranglers. EN NEI! það þarf að vera bannað!

Og ég veit ekki betur en FM 957 gjörsamlega nauðgar Young Folks með Peter Bjorn & John, plús þá er indie mest hlustað á af unglingum undir 18 ára, og það er bannað fyrir þá að fara á tónleika með þeim!

OG svo eru Stranglers nú alveg stór hljómsveit og gæti léttilega fyllt Broadway eða eitthvað…og þau bara gera sig ekki grein á því að unglingar hlusta ekki bara á FM tónlist!!

Ótrulega pirrandi! afhverju á það að vera okkur að kenna að við séum fædd á þessum tíma?!

Og eins og á Café Rosenberg er alltaf 18 ára aldurstakmark, bara vegna þess að það sé áfengissala, það er spurt um skilríki þá þegar þú ferð inn og svo líka við barinn! afhverju er þá ekki bara spurt við barinn! hitt er alveg fáránlegt!!

Nasa er auk þess ekki eini staður sem hægt er að halda tónleika. Hef komist að því að Broadway er eiginlega svona “ideal” staður fyrir svona sveitir eins og Stranglers og þannig…ekkert aldurstakmark (meira af fólki þá…) og ekki of lítið né of stórt…

Eyes down, round and round, let's all sit and watch the moneygoround.

Fyrra álit

dha fyrir 17 árum, 9 mánuðum

Á blúshátíðinni á Höfn er einn staður þar sem er venjulega ekki áfengissala, venjulega er þetta félagsmiðstöð … Þau ákváðu nú samt að selja áfengi þar líka og setja aldurstakmark svo það væri alveg útilokað fyrir krakka að fara á þetta.

Jú, reyndar eru bæði blúsdjamm og einir krakkatónleikar þar sem allir sitja um hábjartan dag og hlusta … frábært …

Fyrra álit

Pythagoras fyrir 17 árum, 8 mánuðum

það er tilgangslaust að láta afgreiðslufólk spyrja um skilríki. t.d. fór ég einu sinni á árshátið hjá vinnustaðnum mínum þar sem allir fengu að fara inn en ekki kaupa áfeingi, það var minsta mál í heimi að láta fólk kaupa fyrir mig. hver einasti sem ég spurði var til og ég keypti líka slatta. svo hef ég líka oft gert þetta á öðrum litlum börum og aldrei lent í vandræðum, allir til í að kaupa fyrir mann þegar þeir eru í glasi og jafnvel nokkru sinnum splæst á mann.

þannig að það að spyrja um skilríki við afgreiðslu er enginn fyrirhöfn ef unglingurinn er á annaðborð inná staðnum.

Fyrra álit

Wolfpack fyrir 17 árum, 8 mánuðum

Reyndar…

En mér finnst þetta samt fáránlegt

Eyes down, round and round, let's all sit and watch the moneygoround.

Fyrra álit

Pythagoras fyrir 17 árum, 8 mánuðum

bara að sleppa því að hafa áfengissölu (kannski leyfa fólki að hafa með sér áfengi) og hafa ekkert aldurstakmark (kannski 16 ára ef þetta er eftir klukkan 24:00).

láta þá bara kosta inná staðinn í stað þess að hafa áfengissöluna :)

Fyrra álit

Wolfpack fyrir 17 árum, 8 mánuðum

Einmitt!

Afhverju þarf endilega að drekka í hvert skipti sem fólk fér á svona tónleika…

Eyes down, round and round, let's all sit and watch the moneygoround.

Fyrra álit

Kreoli fyrir 17 árum, 8 mánuðum

Það er mjög góð lausn. Maður þyrfti skilríki til að koma með áfengi inn. Hins vegar þá græða þessir staðir of mikið af áfengissölu til að þetta verði gert.

ps. má ég stela undirskriftinni þinni?

Fyrra álit

Pythagoras fyrir 17 árum, 8 mánuðum

já, allt í fína :P

Fyrra álit

Otcho fyrir 17 árum, 8 mánuðum

Ég er fullkomlega sammála þér, hlutur sem ég kvarta yfir í hvert sinn sem eru tónleikar… Afþví að alltaf er aldurstakmark á tónleika sem ég vil fara á…

Til dæmis Stranglers tónleikarnir, hef allveg hrikallega langað til að fara á tónleika með þeim.. En NEINEI, auðvitað er ALDURSTAKMARK! :@
Ég gæti klikkast!

Hata þetta helvítis aldurstakmark…

Ég legg til að þú sendir bréf til einhvers sem getur haft smá áhrif…

I eat MCs like captain crunch

Fyrra álit

thedoctor fyrir 17 árum, 8 mánuðum

Þetta er bara rugl!

Ég meina, hvaða rök eru fyrir því að banna tónleika innan 18?

Er það útaf áfengissölu. Þeir sem eru undir 20 ára aldri geta hvort sem er ekkert keypt sér áfengi.

Svo þetta með foreldra sem kaupa áfengi fyrir börnin sín. Það að banna börn á tónleikum kemur ekkert í veg fyrir það að foreldrar gefi börnunum sínum áfengi.

Afhverju þá ekki bara að banna börn í sjoppum, þar gætu jú foreldrar keypt handa þeim sígarettur eða leigt bannaðar myndir fyrir þau. Það væri alveg jafn heimskulegt og það að banna börn á tónleikum útaf því að þau gætu HUGSANLEGA orðið sér útum áfengi í gegnum foreldra sína þar.

Svo er líka mikið um það að það sé ekkert sagt að tónleikarnir séu bannaðir, það stendur kannski hvorki á miðanum né heimasíðu staðarins að þetta sé bannað og svo er það ekki fyrr en við innganginn sem manni er sagt það (ég hef lent í þessu).

Annars þá hef ég ekki orðið mikið var við þetta og hef komist inná tugi Jazztónleika án vandræða, ég fer þó alltaf með einhverjum fullorðnum.

Fyrra álit

dha fyrir 17 árum, 8 mánuðum

Ég kemst ekki mikið á svona tónleika (er aldrei í Reykjavík) svo þetta er eina reynslan mín af þessu. Þetta hefðu líka verið fyrstu blús-tónleikar sem ég hefði farið á :/

Reyndar var ákveðið á endanum að leyfa undir 18 ára í fylgd með foreldrum og það voru alls 2 börn sem nýttu sér það (báðar vinkonur mínar og líka báðar sem hafa unnið með Skemmtifélaginu, sem sér um þetta). Ég var því miður veðurteppt svo það varð ekkert úr þessu hjá mér :(

Fyrra álit

Kreoli fyrir 17 árum, 8 mánuðum

Ef þú ert búinn að kaupa miða, þá er bara um að gera að segjast ætla að gera veður útúr þessu. Því ef þér er seldur miði án þess að þú vitir af aldurstakmarki er það svikin vara, það er ólöglegt. Verður bara nógu pirraður og þeir hleypa þér inn er ég viss um. Þetta eru jú eftir allt saman þeirra mistök ekki þín.

Svo er þetta líka rétt hjá þér, engin af þessum rökum sem allir nefna eru gild.

Fyrra álit

Kreoli fyrir 17 árum, 8 mánuðum

Ef áfengi er málið væri þetta bannað innan 20 ára. En annars er ég hjartanlega sammála þessu:

Svo finnst mér líka fáránlegt að þurfa endilega að hafa áfengi á svona viðburðum. Af hverju? Er ekki nóg að njóta tónlistarinnar? Eða þarf kannski bara einhvera tylliástæðu til að geta farið á 3-daga fyllerí af því ef maður gerir það heima hjá sér er maður fyllibytta.

Annars er bara málið að hlusta á klassík ;)
ekkert svona þar. (smááa´commercialismi…)

Fyrra álit

dha fyrir 17 árum, 8 mánuðum

Hehe :P

Mér finnst einmitt skrítið að maður getur farið á alla klassíska viðburði án áfengis en ekki á jazz tónleika. Er jazzinn ekki jafn merkilegur og menningarlegur?

Þetta er líka ástæðan fyrir að ég kynntist klassík fyrr. Fór á tónleika með sinfóníunni þegar ég var lítil og svona … Ég hef aldrei farið á jazz-tónleika.

Fyrra álit

Kreoli fyrir 17 árum, 8 mánuðum

Klassikin er kannski bara ekki jafnmerkileg með sig? Síðan er það alltaf klárt að klassík gengur útá tónlistina, það er aldrei neinn fullur á klassískum tónleikum, það er þögn og allir eru að hlusta.

Fyrra álit

dha fyrir 17 árum, 8 mánuðum

Mér finnst að jazz ætti líka að geta verið bara útá tónlistina. Eða bara tónlist yfirleitt. Það eru einhver óútskýranleg tengsl milli tónlistar og drykkju sem ég hef aldrei skilið. T.d. sú staðreynd að stóra tónlistarhátíðin Hróarskelda er alltaf tengt drykkju.

Fyrra álit

Jazz og blús

Jazz og blús

Ofurhugar

Stjórnendur

Hverjir eru inni

Korkar - Blús, kántrí og folk

Tónlist bönnuð innan 18 ára

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi