Ostahlaup er merkilegur leikur. Hann á uppruna sinn í Austur-Wales á Viktoríu tímabilinu.

Upphafsmaður Ostahlaups, Abraham Creamson, fæddist í borginni Cardiff í Wales árið 1819. Hann var elstur 17 systkina fram að 15 ára aldri en þá komst upp um framhjáhald föður hans við vændiskonu nokkra og átti hann með henni ein 7 börn, öll eldri en Abraham. Þetta varð til þess að Abraham fluttist að heiman og gerðist lærisveinn ostagerðarmanns í smábæ rétt fyrir utan Cardiff. Það var svo einn sólríkan sumardag árið 1838 sem Abraham átti að flytja osta á milli bæja. Þetta var fyrsta ostaferðin sem hann fór aleinn. Ferðin fór ekki betur en svo að Abraham missti stjórn á vagninum og osturinn rúllaði af stað niður nálæga brekku. Svona varð ostahlaup til en hér fyrir neðan mun ég útskýra íþróttina aðeins betur.

Ostahlaup lýsir sér í því að kringlóttum osti er rúllað niður brekku og áður en hann kemst yfir línu neðst í brekkunni þarf ostahlauparinn að vera kominn yfir þá línu. Eins og sést var þetta mjög hættuleg íþrótt og fáir en hugaðir menn stunduðu hana mikið. Það var samt ekki fyrr en árið 1842 sem íþróttin varð vinsæl fyrir alvöru. Þá var Albert, konungur yfir Bretlandi og eiginmaður Vikoríu Bretadrottningar, á veiðum í nágrenninu og sá nokkra menn iðka þessa, vægast sagt, sérkennilegu íþrótt. Hann heillaðist strax af henni og lét búa til brekku í hallargarðinum og bauð Abraham að etja kappi við hann í ostahlaupi.

Þessi keppni var fyrsta alvöru keppnin í ostahlaupi og alls ekki sú síðasta. Abraham bar sigur úr býtum, eftir jafna keppni. Þá varð Albert alveg óður og lét hálshöggva Abraham. Þann hræðilega dag 29. febrúar 1943 sem Abraham Creamson var líflátinn á ráðhústorgi Lundúna. Eftir það var ostahlaup bannað í Bretlandi og stóð það bann til 1878. 19. maí 1978 kom maður að nafni Julius Edwards á fund konungs og fékk beiðni sinni, um að banni á ostahlaupi yrði aflétt, framfylgt.

Eftir þetta jóx fylgi ostahlaups mikið og naut, og nýtur enn, mikilla vinsælda í Bretlandi. Haldið er árlegt heimsmeistaramót í brekkunni frægu þar sem Abraham missti ostana í fyrsta skiptið. Íslenska Ostahlaupsfélagið hefur átt þátttakendur á mótinu frá árinu 1999 en þá keppti Júníus Sigurgeirsson og varð í 17. sæti af 132 keppendum. Nú í ár keppa 3 Íslendingar á mótinu, þeir Júníus Sigurgeirsson, Friðleifur Hallgrímsson og Kormákur Bergmann. Mótið verður haldið frá 17. ágúst og stendur til 23. þess sama mánaðar.

Takk fyrir mig,
Daywalke