Bardagalistir:

Slá og sparka út í loftið ásamt því að öskra á þann sem maður er að slá og sparka í.

Box:

Klæða sig í asnalega skó(að MÍNU mati) og hanska og lemja síðan annan mann og ef maður nær ekki að berja hann þannig að hann rotist þá bítur maður bút úr eyranu á honum.

Bretti:

Stíga upp á spítu og hoppa og leika listir sínar og það endar þannig að maður dettur og meiðir sig.

Frjálsar íþróttir:

Hlaupagreinar: Láta mann með startbyssu reyna að sprengja í manni hljóðhimnuna en síðan ef hann nær því ekki þá hleypur maður frá honum eins og hratt og maður getur og reynir að vera á undan hinum að komast frá honum.

Spjótkast & Bogfimi & Skotfimi: Æfing fyrir morðtilraunir.

Hástökk & Langstökk & Stangarstökk: Tékk á því hversu langt og hátt maður getur hoppað, maður verður að vita það áður en maður fer að reyna að hoppa á milli húsa.

Golf:

Slá pinna ofan í jörðina sem maður setur síðan kúlu ofan á. Síðan slær maður kúlunni í burtu og fer og leitar af henni. Sá sem er fyrstur að hitta kúlunni ofan í holu vinnur.

Handbolti:

Níðast á manni sem er með bolta til að fá boltann, síðan þegar maður fær loksins boltann þá kastar maður honum frá sér og sá sem stendur fyrir framan kassa reynir að fá boltann í sig.

Hokkí:

Fer á skauta með kylfu og lítinn pökk sem maður reynir síðan að slá áfram. En ef þú nærð því ekki þá ferðu og berð náunga í hinu liðinu og færð dæmt á þig 3 leikja bann fyrir slagsmál.

Jaðarsport:

Reyna að vera eins nálægt því að drepa sig og maður getur án þess að drepa sig þó.

Knattspyrna:

Reyna að ná bolta af andstæðingnum og þegar maður er loksins búinn að ná boltanum þá sparkar maður honum aftur í burtu frá sér.

Körfubolti:

Anda á andstæðinginn í von um að hann missi bolta sem hann heldur á þegar hann er að reyna að kasta honum í gegnum hring sem hengur niður úr spjaldi.

Litbolti:

Reyna að fá sem mest út úr því að mála aðra með því að skjóta þá með litboltabyssu.

Skák & Bridge:

Skák: Færa litlar útskornar fígúrur á reiti sem heita t.d. a5

Bridge: Setja spil á borð og vona að maður fái slag.

Veiði:

Reyna að útrýma fisk úr veiðivötnum með því að reyna að láta þá bíta í öngul sem hengur niður úr stöng.