Árið 2003 gaf Kate Bush Íslands, hin Icy Spicy Leoncie út sína 5. eða 6. plötu sem fékk nafnið Rapio Rapist / Wrestler. Byrjunarlagið heitir Radio Rapist og er alveg magnað. Sami taktur loopaður áfram og áfram í rúmlega tvær mínútur. Næsta lag heitir Wrestler og er best á disknum. Það er rosalegur Slayer og Pantera fílingur í því og það er rosa þungt. Það fjallar um fjölbragðaglímukall sem heitir Viktor og er víst eitthgað giftur Leoncie.

Love in a Pub er enska útgáfan af laginu Ást Á Pöbbnum sem líklegast allir hafa heyrt. Þetta er talsvert síðri útgáfa af hinu magnaða lagi. Textinn er þó aðeins skárri málfræðilega séð, þó er hann algjör þvæla ennþá. Killer In The Park er um morðingja sem er á eftir Leoncie. Hann reykir og bíður eftir tækifæri til að drepa prinsessuna. Það kaldhæðnislega við þetta lag er að það er rosa kátt, það er samt alveg hundleiðinlegt.

Pole Club Song er enn og aftur sama lag allan tímann, “dummdummdumm” loopað. Ég fæ oftast hausverk af þessu lagi eftir nokkrar sekúndur og læt yfir á næsta lag, I Want Your Love. I Want Your Love sýnir að Leoncie getur sungið fjölbreytt. Ég verð frekar hræddur við þetta lag, vegna textans og perralegs söngsstíls Leoncie. Change Of Scene er hinsvegar léttara lag og minnir ekki jafn mikið á Kate Bush. Þetta lag er alger hryllingur og Leoncie má skammast sín fyrir það.

Come To Me If You Wanta er leiðinlegt lag sem allir ættu að forðast og ég vil ekki fræða lesendur frekar um það. Ást á pöbbnum er hinsvegar frábært lag! Textinn, málfræðivillurnar osfr. Lagið er eins og öll hin lögin á disknum sami taktur loopaður áfram og áfram, sem er reyndar bara mjög fyndið. Svo má til gamans geta að þetta er nákvæmlega sama lag og Hi! Ástin á Sexy Loverboy. Rocky er leiðinlegt lag og er mjög svipað laginu á undan. Ég fæ hausverk af þessu lagi eins og flestum lögum á disknum. Ég vara við þessu lagi.

Mr. December er eins og flestir búast við jólalag, og lélegt jólalag í þokkabót! Aldrei nokkurntímann myndi ég hlusta á þetta lag um jólin, það myndi hreinlega spilla jólunum fyrir mér. My One True Love er sama krappið og hin lögin, loopaður taktur, sorptexti og ömurlegur söngur. Baby I'm Feelin All Mixed Up er sem betur fer síðasta lag plötunnar og maður verður alltaf glaður að heyra byrjunarstefið á þessu lagi. Manni fer að hlakka til að platan sé búin. Lagið er ömurlegt.

Einkunn: 1,5 – gef henni plús fyrir Wrestler og Ást Á Pöbbnum og það eitt að þora að gefa þetta út þegar hún veit að allir segja þetta hrylling.

LEONCIE Í EUROVISION