Í skólanum mínum hafa verið margar hljómsveitir, ALLT strákar :| það er ekki fyrr en núna sem það kom loks hljómsveit og það eru 3 stelpur:D
Þetta er ekki einhver ömurlegt hljómsveit sem getur ekki rassgat, þvert á móti. Eru meira að segja að fara að keppa í Hæfileikakeppni Hafnarfjarðar, Höfrungi! :D

Góð grein og pælingar, og ég er sammála þér í flestu.

Þetta er rétt hjá þér hvurslags, stelpur á íslandi ættu að vera duglegri að stofna hljómsveiti

Það er nú bara eitt sem ég verð að hlægja yfir.. Vinir mínir eru í hljómsveit. Og einn daginn voru þeir að spila. Síðan komiu nokkrar 12 ára smágelgjur og sögðu “ Viljiði vera með okkur í hljómsveit, við syngjum hún er á gítar en okkur vantar bassaleikara og trommuleikara.” Þeir neituðu bara um leið. Svo einn daginn fór vinur minn útí Melabúðina, og sér þar auglýsingu.
" Hæ við erum í hljómsveit og við syngjum og ein vinkona mín er á gítar. Einnig er með okkur Jóhannes (vinur minn) og Kjartan (annar vinur minn sem er líka í hljómsveitinni) og okkur vantar bara hljómborðsleikara sem gerir hljóðmix og hljómborðsleik hafið samband í þennan síma hef þið hafið áhuga.

Vinur minn fékk sjokk og reif auglýsinguna niður og kveikti í henni….

Er hægt að vera meiri gelgja og pirrandi einstaklingur?

Er til einhver All-girl hljomsveit i heiminum sem telst heimsfraeg og god? tha meina eg band sem semur tonlistina og spilar hana…???

Stelpur eru jafn hæfileikaríkar og strákar, enda hef ég hef oft verið að velta þessu fyrir mér. Það er fjöldinn allur af stelpum í tónlistarnámi, söng-, píanó- og gítarnámi. Hins vegar vantar kannki í margar þessar stúlkur, þó ekki allar óbilandi áhuga á græjum sem er nauðsynlegt fyrir hljómsveitarlífið.

Einnig held ég að skýringin komi í ljós þegar farið er inn í æfingarhúsnæði bæjarins, viðbjóður.

Ég held nú að það séu alveg jafn margar stelpur og strákar sem að spila á hljóðfæri, þær velja bara önnur. Það þarf að stoppa þennan móral. S.s. að stelpur eigi bara að spila á fiðlu, píanó og þverflautu og strákar á trommur, gítar og svo framvegis. Ég ætlaði að spila á saxófón, byrjaði á klarinetti og ætlaði síðan að skipta - en hætti í tónlistarskólanum til að geta sinnt sundinu. Sé dálítið eftir því núna…

Ég hef nú samt verið í hljómsveit… Reyndar var það nú bara þegar ég var um 9-10 ára minnir mig en hljómsveit engu að síður ;) Við vorum þrjár stelpur, sömdum lög(nokkur bara ansi góð) og spiluðum og sungum til skiptis(ein var á þverflautu/píanó, ein á fiðlu og svo ég á klarinetti). Reyndar pössuðu hlóðfærin ekkert neitt rosalega vel saman! Við vorum allar fyrrverandi kórstelpur svo að við bjuggum til 2-3 raddir við hvert lag… Kom rosa vel út!

Þetta var nú samt bara hálfgerður leikur og okkar “stóra tækifæri” var þegar við komumst í stundina okkar(haha), við vorum ekkert kynntar og allir héldu að við værum bara einhverjar kórstelpur sem hefðum verið fengnar úr einum kórnum til að syngja þarna.

Svo hættum við þessu bara.


En annars, frábær grein!

Kv. Tobba

já satt…. en í hvaða hljómsveit varstu?:/ og spilaðir á hvað? ef þú vilt ekki segja það hér á public þá sendiru mér bara skilaboð…

ég er í hljómsveit:)

Veistu það Hvurslags, ég gæti ekki verið meira sammála þér. :) Þetta er einmitt spurning sem ég hef verið að spyrja mig í mörg mörg ár.
Mín skoðun er sú að stelpur geta alveg spilað á þessi hefðbundnu rokkhljóðfæri eins vel og strákar… ef þær bara vilja það. En oft er það svo að stelpur bæði virðist skorta sjálfstraust til þess, og svo eru líka Íslendingar stundum alveg hrikalega þröngsýnir og íhaldssamir varðandi allt svona. Allir þurfa að vera eins; allir þurfa að hlusta á sömu tónlistina. Og ef þú ert öðruvísi, þá ertu bara ekki inn!
Strákar spila saman fótbolta, strákar rotta sig saman og stofna rokkhljómsveit… þetta er strákamenningin. Ef stelpa fer í rokkhljómsveit, jafnvel þótt hún syngi bara, þá er hún “öðruvísi”, og það eru bara allsekki allir unglingar sem þora að vera öðruvísi. Svo líka það að rokk hefur alltaf verið stimpluð sem “strákamúsík”, mikið til af því að fyrirmyndir rokkara eru alltaf karlmenn! Og hverjar eru fyrirmyndir stelpna? Jú, Britney og co… staður konunnar er bakvið míkrófóninn… eða hvað?
Það sem ég er að segja er að fyrirmyndirnar sem krakkar hafa eru rosalegt atriði. Og það vantar fleiri kvennahljómsveitir til að vera fyrirmyndir fyrir ungar stelpur sem dreymir um að verða rokkarar…
Þegar ég var yngri dreymdi mig um að verða trommari. :D Gaf það reyndar upp á bátinn vegna plássleysis, en hef lært dálítið á píanó, gítar og bassa. Er að vísu ekki beint í hljómsveit, en spila stundum með vinum mínum. :)
Svona að lokum vil ég bara vitna í það sem Ragnhildur Gísladóttir sagði í myndinni Rokk í Reykjavík (þegar hún söng þar með Grýlunum): Ég vil biðja konur um að kýla bara á það, fara út í bílskúr, taka sér hljóðfæri í hönd og byrja að spila… og ekki fara að grenja!

PS: Það er náttúrulega toppurinn þegar strákar og stelpur spila saman í hljómsveitum. Mér finnst jafnrétti eiga að snúast um að konur vinni _með_ karlmönnum og ekki _á móti_ þeim! :)

Heilmikið til í þessu hjá þér……..

Sá í einhverju músíkmyndbandi (lagið var skítt, ekki minn tebolli)…….. fjórir meðlimir. Tveir piltar, tvær stúlkur. Hvort önnur stelpan spilaði á gítar eða bassa..man ekki… skiptir ekki.

En það sem ég vil segja að mér fannst þetta skrítið. Ekki slæmt.. heldur…. bara hreinlega sjaldséð. Einhver svakaskvísa að plokka bassa. Það finnst mér bara töff!!!

Tónlistarheimurinn almennt væri mun betur settur ef það væru fleiri stelpur til í að rokka.
Og þá að slá á strengi eða húðir. Ekki bara vera voða sætar og gráta í hljóðnema. Það nennir enginn að hlusta á… amk ekki ég :)

Passið ykkur á bílunum,
Siggibet

Mig langar að vera í hljómsveit!!!!!!!!!!

Án þess að reyna að vera leiðinlegur eða fordómafullur held ég að ég geti fullyrt það að stelpur upp til hópa hafa nánast engann áhuga á tónlist. á þeim tíma sem strákar eru fletir að byrja að hlusta á tónlist og fikta við hljóðfæri eru stelpur að byrja að spá í strákum og öðru eins rugli og halda því svo bara áfram.
Ég held að þetta sé aðal ástæðan fyrir þessu. ef stelpur myndu sleppa því að fara á gelgjuskeiðið á þessu tímabili, þá væru eflaust mun fleiri stelpu bönd.

ég btw kalla það ekki að hlusta á tónlist að kveikja á fm þegar maður er í bílnum eða álíka. ég er að tala um að eiga sér uppáhalds hljómsveit og lag. og hljómsveitin sé ekki uppáhalds bandið manns vegna þess að það sé sætur söngvari og lagið uppáhalds lagið manns vegna þess að það mynnir mann á sæta gaurinn eða vegna þess að það sé með svo “gott beat” ;p

það eru að sjálfsögðu til stelpur með mikið tónlistarvit (ég þekki nokkrar sjálfur) og 3 þeirra spila eða hafa spilað í hljómsveitum. þetta eru flest stelpur sem að kalla sjálfa sig strákastelpur. þær nokkurnvegin slepptu gelgjuskeiðinu og hlustuðu á tónlist í staðin, og eru bara þokkalegustu tónlistarmenn í dag.

en þetta eru bara mínar tilgátur og skoðanir, og ekkert af þessu eru réttar fullyrðingar. bara gaman að spá í þessu.

“Ef ske kynni að ein og ein stelpa sé í hljómsveitum er hún nær undantekningarlaust rokkaratýpa með stutt hár sem syngur og ekkert annað. (Ath. að hér er ég eingöngu að tala um stereótýpur). ”

ég er greinilega ekki steríótýpa þá :p
ég er í rokkhljómsveit og sem texta m.a. og ég er ekki með stutt hár :) síðan er vinkona mín að spila á bassa og gítar :)

Við erum þarna úti…en bara sjaldgæfar I guess :p

Ég veit nákvæmlega ekki um neina hljómsveit sem er með stelpur, sem gera eitthvað meira en að syngja. Nema kannski með Lennie Kravitz, (afsakið ef ég skrifa það rangt), en þar var í síðasta myndbandi sem ég sá með honum kona á trommunum.

Þetta eru allt mjög góðar pælingar og það ættu algerlega að vera fleiri stelpur í hljómsveitum.

Sjálf er ég mikil tónlistarmanneskja, hef farið allan tónlistarskólaskalann og æft á ein fimm hljóðfæri og er í kór líka. Ég hef meira að segja verið í rokkhljómsveit! Og ég er mikill rokkari (as in ég hlusta á rokk).

Og ég get allavega útskýrt af hverju ÉG er ekki í hljómsveit þó að það að sjálfsögðu gildi ekki fyrir alla.

Mig hefur alltaf langað að vera í hljómsveit, hvað er betra en að geta spilað á hljóðfæri góð lög (eða misgóð kannski) í góðra vina hópi sem hafa gaman af því sama? Að semja tónlist er eitthvað sem mig hefur alltaf langað að gera. En þá kemur auðvitað önnur spurning.
Sjálf er ég eins og ég segi næstum alin upp í tónlistarskólum þar sem standararnir eru allt aðrir. Maður verður að æfa sig í marga marga tíma til að lagið verði eins og það á að vera og maður spilar nánast bara lög sem eru ótrúlega flott, ef ekki fagurfræðilega séð þá tónlistar- og hljómfræðilega séð. Og á maður svo að fara að spila eitthver lög sem samanstanda af hljómunum G D C G? Og líka fáir sem byrja í hljómsveit eru neitt hrikalega góðir, þó að hægt sé að finna saman (ef allt stelpur sko) fínasta hljómborðsleikara, gítarleikara og söngvara (og jafnvel bassa) þá veit ég um mjög fáar góða stelpu-trommuleikara. Og margar af þessum stelpum (sem er í tónlist) eru svo metnaðarfullar að þessar aðstæður yrðu bara alls ekki nógu góðar fyrir þær.

Svo er það tími. Til að verða eitthvað góður þarf maður tíma og jah, ef maður er í skóla, tónlistarskóla og t.d. vinnu er bara enginn tími eftir.

Svo er auðvitað málið að finna fólk í hljómsveitina! Nema að fjórar-fimm frábærar vinkonur sem kunna allar á hljóðfæri taki sig til og stofni hljómsveit þá myndi oftast vera blanda af stelpum og strákum. Og sama hvort þið trúið því eða ekki (elsku strákar) þá vilja strákar mjög oft ekki hafa stelpur í hljómsveitum. Alls ekki allir, auðvitað, en ég hef lent í því! og veit um marga sem hafa! Á tímabili var ég á irkinu og það var fullt af fólki að auglýsa eftir hljómborðsleikara og ég svaraði en um leið og þeir fréttu að ég væri stelpa þá ‘no, sorry, við vorum eiginlega að leita að strák’. Uh, af hverju? ÞVÍ AÐ STELPUR YRÐU OF MIKIL TRUFLUN Á ÆFINGUM. Mig langaði að öskra.
Annaðhvort voru þessir strákar EINSTAKLEGA óþroskaðir og hafa aldrei séð kvenmann nema mömmu sína eða í klámmynd eða í grunnskóla þar sem þeir sátu öðru meginn í skólastofunni og bentu og hlógu að ‘stelpunum’ sem voru svo skrítnar eða þeir halda að allar stelpur geri ekki annað en að lakka á sér neglurnar, kaupa föt, koma málaðar á æfingar og daðra við trommarann. SEM MYNDI SVO INNILEGA EKKI VERA SATT.

Þannig að ég gafst upp!

Svo er annar punktur. Það tengist kannski ekki stelpum í hljómsveitum beint en ég hef oft velt því fyrir mér hvernig fólk nennir að vera í þessum stóru frægu hljómsveitum sem að ferðast út um heiminn og halda tónleika. Ég velti þessu sérstaklega fyrir mér á Foo Fighters tónleikunum. Jújú, fínasta tónlist svo sem, en ekkert listaverk fyrir mér. Nokkur mjög góð lög en það sem að sló mig er hversu svipuð þau öll eru. Og á þessum tónleikum eru þeir alltaf að spila sömu lögin! Alltaf bætist við auðvitað, en ég myndi ALDREI nenna að vera í hljómsveit sem er bara með eitthver 30 lög og spilar þau til skiptis á tónleikum á mismunandi stöðum. Það yrði rútína sem ég myndi aldrei nenna.

Í heildina held ég að stelpur séu minna í hljómsveitum vegna margra ástæðna, kannski fyrst og fremst að það er ekki ‘venja’ og þær finna enga með sér. Líka vegna þess að þær kannski einbeita sér að annarri tegund af tónlist. Sama hvort þið trúið því eða ekki, rokk er ekki það eina sem er til. Klassísk tónlist er æðisleg og það er algerlega hægt að lifa á henni einni saman allt lífið.

Svo kannski enda stelpur bara með að vera einar og gera sína eigin tónlist. Þarf ég að nefna Björk, Tori Amos, jah, Heru? Og svo allar bandarísku þjóðlagasöngkonurnar og svo framvegis?

Úff, þetta var langt svar.

“Hvers vegna eru svona fáir strákar í saumaklúbbum ?

Já, ég held áfram og áfram að spyrja mig þessarar spurningar.”


“Hugsið út í það hversu margar yndislegar hljómsveitir væru starfræktar hér á landi ef jafnmargar stelpur og strákar kynnu á hljóðfæri! Hljómsveitum á Íslandi myndi fjölga um 40-50%!”

En þá myndi saumaklúbbum væntanlega fækka um 50% !


Fólk gerir bara það sem það vill gera. Það er nákvæmlega ekkert sem stendur í vegi fyrir kvenmönnum að stofna hljómsveit. Ekki er fundamentalista-ríkisstjórn við lýði á Íslandi, ekki tíðkast nornaveiðar á Íslandi, síðast þegar ég vissi var konum leyfður aðgangur að hljóðfæraverslunum … osfrv.
Svo að ég endurtaki það: þá gerir fólk bara það sem það vill en lítur ekki á sjálft sig sem einhvern prómill hluta af heildinni og tekur ákvarðanir um það hvað það skal taka sér fyrir hendur í lífinu með tilliti til þess hvar misvægi er milli kynjanna er að finna.

Og sambandið á milli stofnaðra kvennahljómsveita og kynjajafnréttis í þjóðfélaginu er álíka mikið og jöfn kynjaskipting í saumaklúbbum og kynjajafnréttis í þjóðfélaginu.

Hmm …. þetta er orðið eitthvað sundurleitt svar hjá mér … en vott a heck þið náið þessu vonandi :)

Kristján þú ert ágætu

Svo skemmtilega vill til að ég var nú bara á hljómleikum í gær og þar var bassaleikarinn kvennkyns.

Svo mætti ég kannski benda á að frægasti tónlistarmaður Íslands er söng*kona*.

já, þetta meikar sens… enn hérna, það er spurning hvort stelpur vilja vera í hljómsveit ellegar ekki :S. ef þær vilja það þá gera það þær venjulega… svo er stelpa í BOB :D hún er á bassa

Það er ein góð hljómsveit, bara stelpur. Ég veit ekki hvort ég ætti að setja nafnið inn en samt..Skandall, það er frábær hljómsveit með 3 hæfileikaríkum stelpum. Þær eru að fara að keppa í hæfileikakeppni í kvöld.

segi það nú… ég er alltaf að reyna koma mer inn í band.. ég get sungið og spilað á gítar…. ég og vinkonur minar ætlum skooo að stofna band einhvertimann..:) og keppa í musick tilraunum:)

veistu, ég er svona stelpa sem dauðlangar að vera í hljómsveit, sama hvort ég myndi spila á hljóðfæri eða syngja….en gallinn er bara að ég hef ekki efni á neinu tónlistarnámi né hljóðfærum, svo þetta er allt frekar fúlt…..væri til í bassa eða trommur :D

ég barasta veit það ekki!!!!

ég ætla að fara að læra á trommur!! =O)

Ég þekki nokkrar stelpur sem fíla rokk(er sjálf fyrir rokk) og síðan sona 2 sem kunna eitthvað á gítar og bassa og solis :P en það er svo heimskulegt, til dæmis í okkar skóla að fm týprunar og einhverjar stelpur sem hlusta á justin og britney og eitthvað ógeð (sry!) og þær dæma þær sem hlusta á rokk (allavega sumar)og segja að þær séu bara gervilegar og að reyna að vera eitthvað. sem er þvílíkt kjaftæði…. Einsog fólk megi ekki vera með sinn tónlistarsmekk! Hehehe vona að fólk hafi skilið það sem ég var að reyna að koma útúr mér héddna :D

Ég hef oft velt þessari spurningu fyrir mér líka. Mér finnst stórmerkilegt hvers vegna stelpur spila ekki meira á hljóðfæri í hljómsveitum sem spila dægurlög, rokk, popp, eða þess háttar. Það ber meira á þeim í klassískri tónlist.

Ég fæ mig samt ekki til að trúa því að það sé vegna einhvers strákasamsæris, eða vegna einræðistilburða karla. Stelpur eru um það bil jafn margar og strákar, þannig að þær ættu ekki að þurfa á því að halda að fá náðarsamlegast pláss í böndum sem er stjórnað af strákum. Þær gætu t.d. myndað sínar eigin kvennahljómsveitir, eða bara hljómsveitir sem eru opnar fyrir báðum kynjum, en stjórnað af stelpum.

Ég held að þetta sé einmitt dæmi um það að konur hugsi einfaldlega öðruvísi. Svona brölt fellur þeim einfaldlega ekki í geð, eða að þær treysta sér einhverra hluta vegna ekki í þetta, þó að á því séu auðvitað undantekningar.

Hugsanlega dettur einhverjum í hug að neyða í gegn breytingar á þessu ástandi með því að beita t.d. jákvæðri mismunun, - sem er mjög í tísku um þessar mundir. Það mætti t.d. banna hljómsveitum að koma fram opinberlega, nema a.m.k. helmingur meðlimanna séu konur!

Mér dettur reyndar í hug að hér sé einfaldlega um kynhegðun að ræða. Karlar stofna bönd í þeirri von að þeir verði vinsælir og uppskera takmarkalausa athygli kvenna fyrir. Ég hef tekið eftir því að ef konur ná langt í þessum bransa, þá eru það konur sem dýrka þær, en ekki karlar. Stelpur taka upp tískuna sem kvenstjörnurnar mynda, hengja myndir af þeim upp á vegg í herberginu sínu o.s.frv. En það eru sömu stelpurnar sem hengja upp myndir af strákastjörnunum og láta sig dreyma um taumlausan rómans.

Þetta er stórmerkilegt rannsóknarefni.

Kveðja, Bossanova

ég var að pæla…mér fynnst stelpuhljómsvitir gegt cool og ég væri allveg til í að sjá feliri!EN…ég hef orðin vör við það að stelpur sem reyna að gera eikka “nýtt” sem strákar gera miklu meira, þá verað þær fyrir því að strákarnir sem kunna eikkað á etta segja para “puff” og að þær gegta ekki neitt á hljófæri!! og þess vegna þora fáar stelpur að prófa sig áfram á þessu tónlistarsviði!
Bara mín kennig. Hafið þið ekkert tekið eftir þessu?Ég sjálf er með mikinn áhuga á þessu stelpurokki! og segi því að allar þær stelpur sem gegta spilað á hljófæri eða á röddina sína, að stofna band! :D

Sko stelpur eru bara þannig held ég að þær pæla allt of mikið fyrir fram í stað þess að byrja bara að æfa og sjá hvað setur, hugsa þær alla mögulega hluti, eins og t.d. Skildi ég komast í hljómsveit og þá hvað verður úr því, verður það bara ekki tímasóun, ég verð aldrei fræg, skildi ég hafa e-a hæfileika í það…?

Þannig held ég að það sé nú bara, ég verð nú samt að segja að mér finnst stelpur í hljómsveitum mjög “cool” það er þetta “dare to be different” dæmi. Eins og trommuleikarinn í myndbandinu með
Lenny Kavitz, við lagið “Again” (minnir mig), nokkuð SVÖL sko!!!

en ertu búinn að pæla í því hvurslags að með því að skrifa þessa grein ert þú að sýna kynjamismun, maður á ekki að pæla hvort það eru strákar eða stelpur í hljómsveit, það skiptir engu máli, það er tónlistin sem skiptir máli en ekki hvor kyn fólkið sem er í hljómsveitinni er. Ég hlusta stundum á Janis Joplin og Björk en annars er það þannig að flestir tónlistarmenn eru karlkyns, skrýtið. En ég þekki nokkrar stelpur sem eru í hljómsveit saman og þær eru alveg ágætar, en ég er líka í hljómsveit og mér finnst að fólk ætti ekki að hlusta á stelpu-hljómsveitir BARA útaf því það eru stelpur í þeim, en ef þær gera góða tónlist þá er það skiljanlegt að fólk hlusti á þær.

Ein ástæðan fyrir að tónlistar-snillingarnir eru oftast karlmenn (þá er ég að tala um Bach, Mozart, Lennon og Dylan, þannig snillinga) er útaf að snilligáfa felst í X-litningi og konur eru með tvo X-litninga og eru afköstin ekki jafn ýkt og hjá karlmönnum sem eru bara með einn X-litning og þess vegna eru flestir snillingar í heiminum karlmenn en heimskasta fólk í heimi eru líka karlmenn en konur eru mun jafnari þegar kemur að gáfum heldur karlmenn.

En stelpur þið skuluð fara að semja tónlist eins og menn!!!

(ég vil taka það fram að þetta var bara smá spaug ekki móðgast stelpur og stofniði hljómsveitir og ef þið kunnið bara á þverflautu eða fiðlu eða eitthvað þannig þá skuluð þið ekki hætta að æfa á ykkar klassíska hljóðfæri því það er svo flott að heyra svona hljóðfæri í rokk-hljómsveitum, td Jethro Tull, Kolrassa Krókríðandi)

já þetta er rosalega rétt hjá þér..það eru bara næstum engar stelpur í þekktum hljómsveitum nema þær séu söngkonur..ég er 14 ára stelpa og er í þremur hljómsveitum…söngkona í einni, trommur á einni og spilaði á bassa í einni sem er sona eiginlega dauð, auk þess sem ég spila ekki á bassa venjulega..var bara tilraunastarfsemi..En jammz einmitt ég er að berjast á móti þessum ranghugmyndum að strákar eigi bara að spila á trommur og gítar og stelpur á þverflautu og píanó..þetta er bara fáranlegt!! Já stelpur..við verðum bara að fara að koma með eina góða stelpu-rokksveit hérna á íslandi!!

Gott dæmi um þetta rokkviðhorf kemur í ljós þegar maður hlustar á Radíó Reykjavík (sem er btw uppáhalds útvarpsstöðin mín). Eins og þetta er frábær stöð fæ ég alltaf smá klíju þegar þeir byrja að tuða um að þetta sé “þinn bíll” og að þú eigir ekki að láta konuna ráða. Í MíNUM bíl er Radíó Reykjavík ráðandi og það er ÉG sem ræð því. Þoli ekki svona steríótýpu dæmi að stelpur hlusti ekki á rokk og ról heldur liggi bara yfir Britney og co.

Stelpur rokka líka!!!

Icewoman sem spilar á bassa og er stolt af því :)

ps. Gunzi hljómar alveg eins og GunniS *hrollur*

Unglingsstelpur nenna ekki að æfa á popp-hljóðfæri(rafmagnsgítar, rafmagnsbassi og co.) og nýta sér mútur strákanna til að gerast söngkonur. En svo þegar sveitirnar verða eldri og strákarnir farnir að geta sungið er stelpunum sparkað úr þeim. Það er bara tækifæris-sinnun og illska stelpnanna sem er að rústa íslensku tónlistarlífi :þ

Nei annars þá er ég sammála þér að mestu leiti fyrir utan það að það eru mjög margar stelpur sem æfa á klassísk hljóðfæri. Reyndar eru það ekki fjölbreytt hljóðfæri, eða með tölu: Flauta, Klarinet og Fiðla. Þó hef ég tekið eftir ágætri kynjablöndu í mörgum íslenskum lúðrasveitum í flestum málmblásturshljóðfærum nema túbu kannski.

Það vantar samt stelpur í rokkið!

Já ég er sammála en í poppheiminum er mikið af þessu.
En lítið í rokkinu það er að segja á hljóðfæri það langar mig að sjá stelpu að taka rosalegt gítarsóló.

Mér líst vel á þessar umræður hérna… ég sjálf er mikið búin að vera að spá í þessu.
Ég er sjálf bassaleikari og búin að spila í 7 ár, vera í FíH og “er” á 4.stigi… þannig að ég er ekki bara byrjandi. Og mér finnst alveg svakalegt hvað það er mikill munur á kynjunum í þessum málum. Ég er t.d. mjög mikið að spá í tónlist, hljóðfærum, græjum og þess háttar. Á nokkra bassa, gítara, trommusett og magnara…. þannig að ég tel mig ekkert vera slakari en strákarnir í tónlistarpælingum. Ég er bara í tónlistinni vegna þess að ég hef svo mikin áhuga, ekki til þess að vera eitthver töff bassastelpa.
Það er alveg sorglegt þegar stelpum langar að spila á eitthver hljóðfæri en gera það ekki vegna þess eins að vera stelpur…!
Við stelpurnuar þurfum að átta okkur á að rokkið og spilið er ekki bara fyrir strákana… heldur megum við líka vera með.

Ég hef ekki nennt að lesa öll svörin en verð að vera sammála einhverjum sem skrifaði hér á undan að það skiptir engu máli hvers kyns þú ert né hve gamall þegar þú ert að semja tónlist, þú sem listamaður ert að semja hana og það sem þú gerir í þessu tilfelli tónlistin er það sem fólk á að líta á en ekki endilega sá sem skapar hana. Svo held ég líka að málið sé svolítið að flestar stelpur eru bara svona “fínni” eða þannig eru kannski ekki allveg týpurnar í að berja á trommurnar eða plokka bassan en auðvita leynast þær þarna líka en bara í mikið minna magni. Það er mikið meira um að þær séu að þenja raddböndin eða spila á fiðluna eða píanó þannig eru bara flestar stelpur að eðlisfari. Þetta er held ég líka eins með marga aðra hluti fyrir utan tónlistina. Afhverju eru flestir smiðir strákar og flestir konur sem vinna á saumastofu konur ?