Á gömlu Skjálfta- og Murk korkunum var einsleitur hópur manna sem skildi hvern annan. Þessi hópur er hér enn…..

Það sem hann segir má bara ekki kafna í óhljóðum frá öðrum….og það erum við sem stundum Quake…sem verðum að útiloka draslið frá hinu sem skiptir máli.

kv.
DaXes

mar getur verið hooked on da computah og samt átt kött :) ég á ekki kött en ég veit um kveikara sem eiga þá

True dat Parri
Ég mundi ekki segja mig háðan vélinni, en mikið fjandi myndi ég sakna hennar.
Og já, við söknum skjálftakorksins, rifrildanna og það að ef einhver póstaði þá var það undir nafni og fólk vissi hver var að baki.

Já lol ég man þegar ég kallaði þig Parri… Gömlu góðu dagarnir =)

það er alveg hægt að verða hooked á tölvunni sinni… ég var það og er smá hooked. Talvan gerir svo mikið dásamlegt… ahhh.. talvan….
þú ert heppinn að vinna við tölvur ;). Ég á kött og stunda áhugamálið Kettir en er ég fáviti. Það er bara skoðun annarra. Flottar greinar x-rated

Já, hux mafían er nú ennþá til, hún vill bara að við höldum að hún sofi!!!

Samkvæmt því sem ég hef lært í líffræði, þá getur allt orðið ávanabindandi ef það veitir manni vellíðan og/eða er gaman.

Það geta s.s. allir orðið fýklar í allan andskotann.

Ég er fýkill sjálfur. T.d. er ég núna inná bókasafni á sörfa á netinu eins og ég geri yfirleitt í frímínútunum.

U been drinkin again …. ?

Jah það eru barra n00bz sem eru að rústa samfélögum.Annars er ég quite addicted kannxi Mildly Addicted.FUCKED UP greinar skila árangri!!!

Ég held að flestir sem “stunda” hugi.is/quake hafi lesið eitthvað eftir Xrated (er annað hægt?). Ég er í þeirra hópi. Undanfarið hefur lítið verið skrifað hérna nema fréttir (sem flestir fá annarsstaðar frá) og svo hugleiðingar Xrated. Ég þekki Xrated ekki persónulega, og greinarnar hans hafa oft á tíðum farið í taugarnar á mér. Ég hef sjaldan nennt að lesa þær, og oft stimplað þær fyrirfram sem “snakk” þegar ég sé hver höfundurinn er. Ég viðurkenni að þetta er hræðileg þröngsýni, en svona erum við flest. Núna opnaði ég hugi.is/quake áðan og sá enn eina greinina frá Xrated. Ég var að því kominn að smella á “Hugi - Kettir” bookmarkið þegar mér datt í hug að lesa nú einusinni heila grein eftir Xrated. Af textamagninu að dæmi skyldi maður halda að það væri fljótgert, en vegna þess hve framsetningin er ruglingsleg tók það mig ærinn tíma að lesa þessar vangaveltur. Margir sem hafa tekið sig til og lesið heilar greinar eftir Xrated eru á þeirri skoðun að hann sé ófyndinn, útbrunninn og einmana rugludallur sem ætti að fara með bullið sitt annað. Ég var á þeirri skoðun lengi vel, en núna er ég kominn með eitthvað nýtt og byltingarkennt sem ætti að geta breytt skoðun margra á fyrirbærinu Xrated. Til að fyrirbyggja allan misskilning þá ætla ég að segja það hér og nú að þetta er ekki háð. Fyrirvari sem örugglega er ekki óþarfur þar sem ég hef átt það til að vera svolítið háðskur á köflum.

Það sem ég gerði þegar ég var búinn að renna yfir greinina hér að ofan var það sem allir þurfa (sé ég núna) að gera ætli þeir sér á annað borð að skilja grein eftir Xrated: að skipuleggja textann. Þetta er einfalt. Xrated er gjarn á að hoppa úr einu í annað, en greinar hans innihalda oftast nokkur megin þemu, sem unnt er að flokka setningar og málsgreinar eftir. Í þessari grein sýnist mér að séu bara tvö þemu, nefnilega 1) tölvufíkn og 2) fortíðarþrá. Ég ætla að aðskilja þessi þemu og fjalla aðeins um þau hér að neðan, sitt í hvoru lagi.

Tölvufíkn
Hér varpar Xrated fram þeirri spurningu hvort hann sé háður tölvum, og í framhaldinu spyr hann lesendur að hinu sama. Hann bendir á allan þann tíma sem hann eyðir fyrir framan tölvuskjá (bróðurpartur dagsins) og tekur einnig til þá staðreynd að hann kjósi tölvuna fram yfir sjónvarpið, eitthvað sem ég held að margir tölvuáhugamenn geri. Í ljósi alls þess tíma sem hann ver í tölvum spyr hann sjálfan sig “Er ég tölvufíkill?”. Það sem etv. vantar í spurninguna er: hvað er fíkn? Hvenær verður áhugamál að fíkn? Hvað er það sem aðgreinir heilbrigða ástundum áhugamáls frá sjúklegri fíkn? Það eru auðvitað til ýmsar skilgreiningar á þessum tveim hugtökum, og engin einhlít leið að svara þessum spurningum. Hið eina augljósa sem ég sé í þessu er að tölvur koma orðið allstaðar við sögu. Það vinna mjög margir við tölvu allan daginn. Sem dæmi gæti ég nefnt að báðir foreldrar mínir sitja fyrir framan tölvuskjá meira eða minna allan daginn, en ég myndi ekki kalla þau tölvuáhugafólk, hvað þá tölvufíkla. Tölvur eru tæki sem notuð eru útum allt, í atvinnulífinu sem og við afþreyingu. Tölvur eru til á flestum íslenskum heimilum, á hverjum einasta vinnustað í landinu. Þeir eru líklega að verða fáir sem ekki sjá að minnsta kosti tölvu á hverjum einasta degi. Það svarar að sjálfsögðu ekki spurningunni hverjir séu tölvufíklar, en þetta er vísbending (held ég) um að þeir séu færri en við höldum etv.

Fortíðarþrá
Þetta þema hefur verið Xrated mjög hugleikið í gegnum tíðinu. Á því hundavaði sem ég hef farið yfir greinar hans í fortíðinni hefur þetta þema næstum alltaf verið til staðar. Margir afskrifa þetta sem tilgangslaust og ófrjótt “nostalgíu væl” í manni sem ætti að snúa sér fram á við í staðinn fyrir að einblína aftur fyrir sig. Of mikil fortíðarþrá er að sjálfsögðu ekki af hinu góða, en hins vegar mega margir hlutir muna fífil sinn fegri, og sjálfsagt að benda á það þar sem hrörnun eða afturför hefur átt sér stað. Íslenska quake samfélagið er einn slíkur vettvangur. Það er hárrétt hjá Xrated að gamli skjálftakorkurinn var mun líflegri og skemmtilegri en hugi.is/quake er nú. Í raun eru þessar tvær síður algjörlega andstæðar. Skjálftakorkurinn hafði innra líf, miklar umræður og rifrildi fóru fram þar á fábrotinni síðu. Hugi.is/quake er hins vegar mjög stórkostleg umgjörð utan um ekki neitt. Hér fara ekki fram neinar umræður og sannarlega engin rifrildi. Xrated og bergmálið í mesta lagi. Þetta vita flestir. Ástæðurnar fyrir þessu eru hins vegar á reiki. Xrated gerir í grein sinni enga tilraun til að útskýra þessa þróun. Ég hef heldur engar skýringar á reiðum höndum. Kannski hefur quake spilurum fækkað svona mikið eða kannski hafa þeir ekki lengur um neitt að tala. Hver veit.

Lokaorð
Það eina sem ég vildi gera með þessu svari var að benda sjálfum mér og öðrum á það að greinar Xrated innihalda oft á tíðum einhvern kjarna, þó að það þurfi að leita að honum. Þessar tvær spurningar sem hann setur fram í grein sinni (“Hvað er tölvufíkill?” og “Hvað varð um skjálftakorkinn?”) eru spurningar sem vert er að svara. Kannski er hann að reyna að hvetja til umræðu um þessi mál, en það er örðugt ef einu svörin sem maðurinn fær er “Þegiðu bullari” og “Og, Xrated, þú ert svo fyndinn!”. Ég tek fram að ég _er_ ekki Xrated, þannig að ég veit ekkert meira en aðrir um hvað hann meinar í raun og veru með þessum greinum sínum. En þetta er svona mitt “take” á þessu öllu saman. Ef þú hefur lesið svona langt, þá bara óska ég þér til hamingju. Endilega svaraðu einhverju vitlegu!

Þetta er bara allt svo True ! já marr getur sko orðið ROSALEGA Hooked á tölvunni btdt(been there done that) ég ráðlegg engum að horfa á of mikið manga/anime verra er heroín þessi skítur marr verður að dl'a næsta þætti um leið og hann kemur ! þúst tekur 2 tíma að dl'a og 20min að horfa ekki rétt hlutföll! annað sem þú minntist á sem ég er mest sammála þér með
Ég sakna :

1) Pressure/Scope
2) Gulag
3) og allra hinna sem gátu fengið alla til að verða brjálaða :)

úff Scope var rosalegur á sínum tíma ! hélt alveg fjörinu á korkum með svona 20post á dag eða eitthva ;) ég hef spilað aq síðan 96/97 eða eitthvað en kom aldrei alveg inn í quake samfélagið fyrr en ég fékk first adsl og þá var ekki lagt þangað til að www.skjalfti.is fór og hugi.is kom ég var mjög active hér í byrjun og komst í tal ofurhuga og ég veit ekki hvað en þessar greinar og allir þessir helvítis korka þetta er bara of dreift og of mikið af drasli quakarar er ekki það margir að það sé fjör í þessu svona !
well nenni ekki þessu bulli lengur, XRated á samt heiður skilið fyrir að benda fólki á þetta ! Eru ekki allir sammála um að það var miklu meira gaman í gamla daga eða ?

Allir á einn kork bara snilld ;)

Sniðug grein, eins og allar hjá þér. ÞÚRT SNILLINGUR!!! En……………….. ég er hooked QuakeARI, en heiti þó ekki Ari, og ég á líka kött. …SUSS… Kötturinn minn er afar fallegur. Jafnvel eins fallegur og þegar marr hittir einhvern í hausinn með sníper og hann splunrast fyrir framan mann í AQ. En jó……

Ég er hooked á tölvunni minni það er alveg á hreinu, en ég vil skilgreina fíkn sem eihva sem þú getur ekki hætt að gera og það háir þér á einhvern hátt eins og að þú vakir á nóttunni og mætir of seint í vinnu, hreinlega verðir að fá það sem þú þarft til að svala fíkn þinni þo það komi niður á þér eða öðrum. Tölvur geta verið fíkn(btw er það pottþétt í mínu tilfelli, þetta er soldið sick, meina ég hef spilað aq í meira en 600 klukkutíma samkvæmt clq) málið er bara hvernig mar lítur á það.


p.s. ég tók aldrei þátt í gamla skjálfta korknum so……eða voða lítið