Ef þú ert búin að fá hvolpinn inn á heimilið þá er hann orðinn nógu gamal til að læra ýmislegt sem þér dettur í hug en þú verður að muna að hann er enn í raun bara barn

kveðja zheelah

Ég held að það væri langsniðugast fyrir þig að skreppa með hvolpinn á námskeið, svona til að byrja ævina vel hjá honum.

Það er vel hægt að kenna honum allt þetta sjálf/ur, en oft er betra að fá hjálp frá fagaðilum ef þetta er í fyrsta sinn sem þú ert að þjálfa hund. Einning spilar kynið svolítinn þátt í því hvernig þeir taka við þjálfun.

Bara muna líka að hafa skýrar reglur frá upphafi, td með hvar hann má og má ekki vera, td með að vera í sófanum, uppi í rúmi, eða sníkja mat frá borðinu og þessháttar smáatriði sem geta orðið hvimleið þegar hundurinn eldist. (allavega leyfði ég mínum hundum ekki að sofa í sófanum eða rúminu né sníkja frá borðinu)

Einnig langar mér að benda þér á eitt sem ég kenndi labrador tíkinni minni, það var að í hvert sinn sem við komum inn úr göngu, eða þegar ég losaði hana úr ólinni úti á gönguferðum, þá lét ég hana setjast, og hún mátti alls ekki standa upp eða hlaupa af stað fyrr en ég sagði “frjáls”
Ef hún hljóp af stað áður þá kallaði ég hana inn og lét hana setjast á nákvæmlega sama stað og lét hana bíða þar til ég sagði orðið.
Ég mæli ekki með að hefja þessa þjálfun fyrr en hundurinn hlýðir innkalli 100%, gott er að nota flexi framlengingarólar til þess að þjálfa þá í að koma þegar maður kallar á þá.

En já, erfitt að segja frá öllu í einum pósti. :/
Ef það er eitthvað spes sem þú ert að spá í, þá endilega spurðu og ég skal svara eftir bestu getu, ég er enginn hundaþjálfari, en ég kann orðið sitthvað um eitt og annað ;D
Og án efa eru einhverjir af hinum snillingunum hérna með einhver góð ráð fyrir þig líka.

Gangi þér vel, og til hamingju með félagann þinn, ég vona að þið eigið eftir að eiga góða og hamingjusama ævi framundan saman :)<br><br>——————————
“Það besta sem Guð hefur skapað er …… nýr dagur”

Hvaða tegun er þessi hvolpur ?
Hvað er hann gamall ?<br><br>“The more people I meet the more I like my cat.”

Til hamingju með nýja hvolpinn!
Þú getur strax byrjað að þjálfa hundinn þinn upp, en passa samt að ofgera honum ekki.
Nú skiptir mestu að færa hann á blöðin þegar hann setur sig í stellingar til að pissa og kúka. Segja alltaf nei þegar hann byrjar, því það er allt í lagi að hann verði aðeins hræddur við að pissa/kúka út á gólfi. Ekki láta hann vera að valsa um allt hús. Þú átt að geta fylgst með honum öllum stundum, annars fer hann að merkja sér staðina út um allt sem þú sérð ekki. Síðan er bara nei-ið góða. Banna honum að gera allt sem þú vilt ekki að hann geri strax. Hann verður líka fljótur að hlýða nafninu sínu. Þegar hann fer að hlýða því, þá á að gefa honum verðlaun. Sama er að segja þegar hann fer á pappírinn að verðlauna hundinn um leið og hann er búinn að ljúka sér af.
Ég mæli eindregið með fyrir þig að fara á námskeið. Þú skalt bara hringja strax..(ég mæli með Gallerí Voff)…og svo verður hringt í þig þegar þú kemst að. Fínt að fara svona í kringum 4 mánaða aldurinn. Það er alveg sama hvað maður þykist vera klár, þá er alltaf eitthvað sem maður lærir, fyrir utan það að þarna á námskeiðinu ertu að gefa þér tíma í að vinna með hundinum þínum, sem maður myndi ekki gera eins mikið heima hjá sér. Ég get sagt þér það að mér fannst þetta frábært að fara á þetta námskeið og bráðnauðsynlegt fyrir bæði mig og hundinn. Leið og maður hefur náð réttu tökunum á hundinum, þá gengur þetta eins og í sögu. Ég ætla síðan aftur á framhaldsnámskeið núna í haust og mig hlakkar rosalega til að kenna honum ýmsar kúnstir. Þetta er bara rosalega gaman þegar maður kemst á réttu brautina.
Svo er líka með hana Ástu Dóru að þú getur alltaf hringt í hana á símatíma sem hún er með og spurt hana ýmsa spurninga, ef það er eitthvað að vefjast fyrir þér varðandi hundinn.
Gangi þér vel!