Annar hundurinn okkar er einmitt frekar óöruggur en hann var alveg sallarólegur eftir að hann fékk róandi og heyrðist ekki boffs í honum :o) Gott að heyra að þú ert í Garðabænum, þau róuðu mig mikið og hjálpuðu á allan hátt.

Flugið okkar fór í loftið 7:35 um morguninn og ég gaf þeim róandi rétt fyrir 5 um morguninn. Sendiferðabílinn sem keyrði okkur kom svo rétt fyrir 5:30 og þá hafði ég smá áhyggjur því ég sá engan mun á þeim :o) Ég hélt að þau yrðu meira sloj og ,,dópuð" að sjá, en um leið og þau voru sett í bílinn urðu þau rólegri og voru það alla leið. Ég var búin að tékka þau inn rétt fyrir 6:30 og starfsfólk Flugleiða var mjög almennilegt. Mjög gott að vera með aðstoð út á velli því ef þú ert að fara með morgunflugi þá er mikið að gera. Þau stóður bara í búrunum sínum og horfðu á allt mannfólkið á meðan ég tékkaði þau inn og voru sallaróleg, sem er EKKI líkt þeim :o)

Ég þurfti að bíða lengi eftir þeim á flugvellinum hér úti. Ég fór að færibandinu þar sem töskurnar koma og beið þar. Notaði tímann og fann hvar ætti að tolla þau og talaði við fólkið í tollinum. Ég þurfti reyndar að bíða MJÖG lengi eftir að fá þau og var orðin FREKAR stressuð. Síðan kom bara sér bíll keyrandi með þau greyin að færibandinu þar sem töskurnar komu. Þar tók ég við þeim, fór með þau í gegnum tollin þar sem þau voru tekin út úr búrunum og örflagan skönnuð og farið yfir alla pappíra.

Það er örugglega hægt að fá aðstoð á flugvellinum ef þú talar við þá fyrir fram og telur þig þurfa þess. Fólkið í tollinum hjálpaði mér og svo hóaði ég bara í einhvern starfsmann og bað hann um að hjálpa mér. Ef ég hefði bara verið með eitt búr hefði ég líklega bjargað mér ein þar sem ég var heldur ekki með neinn farangur. Var bara með einn lítinn bakpoka sem ég tók með mér í handfarangur. Ég klikkaði á því hvað búrin voru stór og flugvallakerrurnar litlar :o)

Síðan héldum við áfram í innanlandsflug sem gekk líka alveg eins og í sögu!

Ég get minnsta kosti sagt með góðri samvisku að þetta var miklu minna mál fyrir þau heldur en ég hefði trúað. Þau sváfu mikið sólarhringinn á eftir en svo var allt orðið eins og áður og þau æst að kynnast nýjum heimkynnum :o) Við þurftum svo lögum samkvæmt að fara með þau til dýralæknis hér í Noregi tveimur dögum eftir að við komum og það var allt í ljómandi.

Gott hjá þér að kynna þér þetta tímalega og þetta á eftir að ganga vel hjá ykkur :o)

Kveðja, Thulu