Ég hata alla hunda sem bíta og glefsa!

Hmmmm. Minn hundur lét alltaf svona með vettlinga og hanska. Það sem við gerðum var það að við gáfum honum gamla hanska og vettlinga til að naga og bíta og rífa. Hann lét þá okkar hanska í friði á meðan. Ég óska þér góðs gengis og vona að hann hætti þessu hjá þér.

Kveðja
Guztus

Já þetta hljómar eins og þessi týpísku hvolpalætin sem allir hvolpar eru með :)
Hann er frekar stór tegund að hann er kannski sterkari en meðalhvolpur, bítur fastar, er þyngri o.s.frv. (og rífur þess vegna göt á fötin).
Hvað er hann þungur/stór?
Gott að þú ert búin að panta námskeið því það gæti tekið soldinn tíma að láta hann hætta þessu.

Hann vill örugglega bara leika sér og er pirraður í kjaftinum (því hann þarf eitthvað meira að naga).
Ég veit t.d. að það vilja ekki allir hundar hvaða bein sem er. Minn hundur vill t.d bara 2-3 tegundir af beinum (og það eru til milljónir tegunda) og ef hún fékk ekki gott bein vildi hún ekki naga það (mikið), bara naga okkur eða innbúið okkar :)
Ég er örugglega búin að kaupa eitt bein af öllum gerðum sem til eru í heiminum, svo núna veit ég hvaða bein henni finnst góð :)

Hún beit einmitt svo mikið fyrst, ég var bara ákveðin við hana (svona eins og mér heyrist þú vera) og hún gegndi mér svo en hún vildi alls ekki gegna krökkum (eins og hún vissi að þau væru börn og réðu engu á heimilinu).

Við eldri á heimilinu þurftum bara að passa hana vel þegar hún var með börnum og vera alltaf viðbúin að skamma (segja NEI!) hana ef hún beit (ætlaði að bíta), að lokum óx hún upp úr þessu.

Mín tík fór ekki í hvolpaskóla svo þetta tók lengri tíma en hefði þurft held ég.
Endilega að kaupa helling af allskyns bein og dóti til að naga og leika mikið við hann (svo hann fari ekki að leika sér við buxnaskálmar stelpnanna :)
Gangi ykkur Max vel
Kveðja Rebs

Hjarta,

ÞÚ VERÐUR AÐ LÁTA LÆKNINN KÍKJA Á BITIÐ SEM KOM ÞEGAR AÐ HANN BEIT STELPUNA ÞÍNA TIL BLÓÐS, ÞÚ VERÐUR.
Hundurinn gæti nefnilega hafa smitað stelpuna þína af einhverjum kvilla t.d. hundaæði.

Þú verður!

Sæl, við lentum einmitt í því sama með okkar hund sem var náttúrulega hvolpur þá, að hann var alltaf að bíta í fötinhjá dóttur okkar og reyndi oft að bíta hana í puttana, en við tókum á því á þann veg, greinilegt var að hann var að reyna að komast upp fyrir hana í virðingarstiganum svo að við létum hann í taum og daman teymdi hann um húsið og lét hann hlýða sér. Við kenndum henni að það væri hún sem réði og að hún ætti ekki að láta hann vaða yfir sig. Hann er Beagle hundur núna orðinn 18 mánaða en hún er nú fjögurra ára og verður fimm í janúar, þannig að hún var ansi ung þegar hún fór að ráða yfir honum. Hann lærði að bera virðingu fyrir henni gerir þetta aldrey nú orðið, enda ef henni finnst hann vera að valtra eitthvað yfir sig þá bara tekur hún í ólina hjá honum og lokar hann inni á gangi. hún kann að segja NEI við hann og gerir það bara vel. Við fórum líka með hann á námskeið hjá Ástu Dóru og líkaði bara vel. En nú erum við komin með annan Beagle, þannig að þeir eru tveir og daman lætur þann nýja hlýða sér í einu og öllu. Prófaðu eitthvað líkt þessu og vittu hvort þa'virki ekki eitthvað. Gengi þér annars bara vel og vonma ég að þetta komi þér að góðum notum. Hveðja Sigga1

Þegar hundurinn minn var lítill, þá beit ég hann bara til baka ef hann var eitthvað að ibba sig. Yfirleitt bara smá í eyrun, það var alveg nóg.

Kannski þarf hvolpurinn að finna að hann er neðstur í virðingarstiganum. Sinntu alltaf stelpunum á undan honum og láttu þær alltaf borða á undan. Ef hann virðir þær ekki og þær að reyna að skipa honum fyrir, þá getur líka hjálpað fyrir þær að gera sig stærri með því að fara upp á stól eða rúm. Frændi minn var smá hræddur við hundinn minn þegar hann var lítill og mamma kenndi honum að fara uppá stól og segja nei. Ég veit ekki hvort það virkaði eitthvað betur á hundinn en alla vega var hann ekki eins hræddur :)

Það sem Max er ekki að fatta er það að tennur meiða. Þetta er einn af ókostunum við það að taka hvolp of snemma frá móður sinni og systkinum. Það sem ég myndi ráðlegga þér að gera er að ef að hann fer að bíta í buxurnar á stelpunum þá eiga þær að standa kyrrar, ekki hlaupa því þá er meira gaman hjá honum. Ef hann væri með systkinum sínum myndi hann líka “prófa” tennurnar sínar á þeim og það væri gert við hann líka. Þegar hvolpur bítur annan hvolp of fast vælir hann hvellt og bítur svo oft til baka. Max veit ekki hvað það er vont að láta bíta sig svo ég myndi mæla með því að vera ekki með tístudót því hljóðið í tístunni er mjög svipað væli í barni sem meiðir sig og það er hvetjandi fyrir hann að framkalla þetta tíst í börnunum líka. Það er mjög sniðugt ef að stelpurnar eru orðnar nógu gamlar til þess að hafa áhuga á því að láta hann gera eitthvað að leyfa þeim að hjálpa og kenna honum, því þannig lærir hann líka að þær eru ofar í virðingarstiganum en hann. Ef hann bítur þær þá myndi ég láta þær eða þig urra á hann og taka utan um munninn á honum líkt og mamma hans myndi gera, það verður þó að passa að ef að börnin eru ekki orðin nógu gömul til þess að fatta hvort þær geri of harkalega eða ekki, en þá bara að urra. Hann verður að skilja urrið líka því annars gæti hann lent í vandræðum seinna meir ef hundur urrar á hann því hann vilji ekki tala við hann og Max myndi ekki skilja. Það er mjög gott að hegða sér eins mikið og móðir hans myndi gera þegar kemur að uppeldi á hundi sem fór svona snemma frá móður sinni því þetta er allt hluti af því sem hann lærir frá viku 6 til 10.

Ef þú hefur einhverjar spurningar eða vantar einhverja hjálp þá skal ég með glöðu geði reyna að hjálpa þér eftir bestu getu :)

kveðja zheelah

Fáðu þér vatnsbyssu eða blómaúðara stilltan á mjóa bunu og sprautaðu á hvolpinn þegar hann bítur um leið og sagt er hátt og hvellt NEI!. Það gefst oft vel, og hvolpurinn fer að bera virðingu fyrir vatnsbyssunni sem helst þó stelpurnar noti hana.

Vertu bara nógu ákveðin, honum finnst hann vera hærra í virðingastiganum enn þær og ef hann gerir þetta og þú sérð hann gera það því að það þýðir ekkert að gera það mínútu síðar heldur verður það að gerast á augnablikinu sem það er að gerast þá að taka mjög hart í hann, og ef hann bítur í hendurnar á ykkur eða börnunum þarf að taka utanum kjaftinn á honum og skamma hann, það má aldrey leifa honum neitt svona því hann skilur ekki að hann megi stundum gera hlutina og stundum ekki.

Veistu…þetta er frekar algengt held ég!
allavega átti ég enga heila sokka þegar hundurinn minn var á þessum aldri;)

oftast er meiri leikur í honum við krakkana því að þau eru nottlega að leika sér og djöflast og þá kemur hann og heldur að hann megi vera með og hreinlega gerir sér ekki grein fyrir því að þetta má ekki !!

málið er að láta stelpurnar vera nógu og duglegar að skamma hann þegar hann gerir eitthvað við hann og svo bara hunsa hann!

Mér var bennt á það hjá dýralækni að taka í hnakkann á hundinum og ýta honum ákveðið niður í gólf(ekki harkalega samt) og segja bara “NEI” við hann og labba svo í burtu og hunsa hann! þetta er það sem tíkurnar gera við hvolpana og þeir skilja það oftast best