Já, mig langar að vita vottorð frá dýralækni um hvað? Annars bara hið besta mál að ræktendur geti bannað að rækta undan ákveðnum hvolpum. Nú er ræktandinn að reyna að bæta tegundina og þú getur verið með hvolp sem er fínn heimilishundur en eitthvað smá “útlitsgallaður” þannig að hann er ekki ræktandanum til sóma, þá er alla vega betra að setja það skilyrði að hann sé geldur en að honum sé lógað.

Þá er það væntanlega svoleiðis að ef ég ætla að kaupa hvolp sem ég get ræktað undan, þá þarf ég að borga aðeins meira.

Fróðlegt :)

Takk fyrir þakkirnar absolutpei, en það sem ég átti við í greininni var að ef ég minntist á það við fólk að gelda karlhund eða taka tík úr sambandi leit fólk á mig eins og ég væri klikkuð, nei það mátti alls ekki gera slíkt, og af hverju, jú það er til dæmis útbreiddur misskilningur heima að tík verði að eignast hvolpa einu sinni á ævinni, þvílík steypa. Með dýralæknavottorðinu átti ég við vottorð um geldingu :-)) þetta minnir mig einnig á þegar til mín hringdi kona og var að spyrja um hvolpa, maðurinn minn varð fyrir svörum og þegar konan í miðju símtali spyr hann ósköp eðlilega,venur maður þá ekki af því að pissa inni með því að dýfa nefinu á þeim í pissið???Maðurinn minn er nú aldeilis ekki sammála þeirri uppeldisaðferð og spyr konun því á móti myndir þú nudda barninu þínu í framan með pyssubleijunni þegar þú er að venja það af bleiju??? Konunni varð svo mikið um að hún skellti á og hringdi ekki aftur, en þetta dæmi sýnir á hvaða stigi hundamenning er á Íslandi. Það hefur einnig reynst erfitt að kenna Íslendingum mun á gæðum hvolpa, það er, þessi er heimilishundur-pet,
þessi er ræktunarhundur-breeder, og að lokum koma svo sýningarhundarnir-show,eins og sagði í greininni reyndi ég að aðskilja verðin á heimilis og syningar/ræktunarhundum, en til hvers? Meðan HRFÍ gefur ræktendum ekki kost á að fá takmarkaða skráningu er þetta ekki hægt, fólk fór heim með hundana svo heyrðist ekki meir frá því,og þetta sama fólk gat svo ræktað undan sínum hundum sem það fékk á minna verði og ég gat ekkert gert, þannig að eftir það voru bara allir seldir á sama verð. Ég hef eins og absolutpei verið mest í sambandi við USA og ræktendur þar, margir þeirra sem eru með mína tegund selja alls ekki hvolpa til ræktunar eða sýningar, heldur eingöngu sem heimilisdýr, það er ekki nema til fólks sem ÞEKKIR þá sem þeir selja ræktunar/sýningar hunda, og það hefur stundum verið ansi erfitt að fá það sem maður vill vegna þessa. Eins er það mín skoðun að ef þú ert að selja sýningar/ræktunarhund þá selur þú hann ekki 8 vikna, þeir hundar sem ég hef flutt inn í mína ræktun hafa ekki komið fyrr en í fyrsta lagi 4-5 mánaða og þá einungis ef ræktandinn er sáttur við að senda þá sem ræktunar/sýningar hunda. Ég hef verið beðin núna um hunda til Þýskalands, Svíþjóðar og Frakklands, en það er sama með mig ég sel ekki sýn/rækt. hund fyrr en viðkomandi hundur er 4-5 mánaða og það kostar mig auðvitað meira, þannig að slíkur hundur á að vera dýrari en sá sem látinn er 10-12 vikna.Það er allt of algengt að fólk heima kaupi köttinn í seknum, vill sýna en fær ekki hund sem er hæfur til þess að sýna og oftar en ekki er það “ræktanda” hundsins að kenna,það nefnilega eins og ég hef sagt áður mikið til af því sem á ensku er kallað bacyard-breeders, það er fólk sem á eina tík og einn hund sem eru pöruð saman einu sinni á ári, alltaf sama pörun og þetta kallar fólk hundarækt:-))) Munurinn á gæðum hunda:

Heimilishundur-pet, er sá hundur sem ræktandi hefur við 8-10 vikna aldur litla trú á að verði sinni tegund til hagsbóta í ræktun.

Ræktunarhundur-breeder, er sá hundur sem ekki er af einhverjum ástæðum heppilegur sýningarhundur en er þó talinn af ræktanda geta verið tegundinni til hagsbóta í ræktun, til þessa geta legið margar ástæður hvolpur getur orðið fyrir slysi eða bara einfaldlega ekki viljað sýnast og því ekki nothæfur sem slíkur, en hann getur á sama tíma uppfyllt ræktunarstaðalinn fullkomlega og verið að öllu leiti mjög verðugur ræktunarhundur.

Sýningarhundur-show, er sá hundur sem ræktandinn telur vera frambærilegann sem slíkann, en eins og ég hef sagt eru fæstir ræktendur sem ég þekki tilbúnir að segja slíkt um 8 vikna hvolp, flestir vilja bíða með hvolpa þar til þeir eru um 4-5 mánaða aldurinn, bara til að vera vissir. Það er nefnilega ekki ræktanda til framdráttar að selja “súperhvolp” 8 vikna sem er svo bara pet þegar hann verður 4 mánaða :-))
Jæja nóg að sinni, ég vil þakka fyrir málefnalegar umræður“LOKSINS”

ljoninja, hér og víðar erlendis tíðkast það að ræktendur ýti undir að hundar séu geltir og tíkur teknar úr sambandi með því að borga til baka hluta verðsins sem greitt var fyrir hvolpinn í upphafi, komi kaupandi með vottorð um að þetta hafi verið framkvæmt frá dýralækni, þegar ég tala um hér þá á ég auðvitað við hér í Danmörku en þar er ég búsett. “Og að það sé ekkert skrítið að þetta hafi ekki fengið hljómgrunn”!!! Af hverju ekki? Það er jú ég sem ræktandi sem býð þetta og tapa peningum á því ekki hvolpakaupandinn, þetta fékk ekki hljómgrunn hjá hvolpakaupendum vegna þess að þeir hugsa ansi margir, ég borgaði fyrir hvolpinn og seinna get ég látið hvolpinn borga til baka með hvolpum!!!! Þetta hef ég fengið ótalsinnum að heyra frá hvolpaeigendum ekki bara frá hvolpaeigendum með hunda frá mér heldur almennt.
Marta