Mig langar að biðja fólk um MÁLEFNALEG svör um þetta mál ..
Ekki eitthvað skítkast og leiðindi, því þá verða ekki samþykktar fleiri greinar um þetta mál .. :)

Þetta er fín grein um einmitt áhugavert mál.
Það væri frábært ef fólk gæti sagt skoðun sína án þess að vera með akkúrat þetta…skítkast. (p.s.eigum við ekki að hætta að nota þetta orð, það er svo niðurdrepandi)

Ég hef ekki komið upp á dalsmynni og hef því ekki séð aðstöðuna þar. Ég hef heyrt marga slæma hluti þaðan en suma góða hluti. Ég er ekki að styðja Dalsmynni en ég ætla ekki að rakka það niður heldur.

Við þekkjum konu sem á Beagle tík þaðan og hún er bara prýðileg. Það þýðir reyndar ekki að allir hundar þaðan séu góðir en eins og hjá öllum ræktendum geta komið gallaðir hvolpar (frá náttúrunnar hendi) eða galli vegna ræktanda ég veit hreinlega ekki hvort það er. Beagle hundar eru t.d. þrjóskir og soldið erfiðir í þjálfun og spurning hvort fólk hafi það í sér að aga þá. Það er ekki auðvelt :)

En það hlýtur nú bara að vera þó nokkrir góðir hundar þaðan, ef ekki væru ALLIR sem ættu hund þaðan óánægðir.
Það er samt leiðinlegt að þessir hundar skuli vera útilokaðir frá HRFÍ.

Við ættum að meta hundi eftir því hvernig þeir eru heldur en í hvaða félagi þeir eru. Það ætti ekki að stimpla alla hunda í Íshundum sem lélega og gallaða. Það særir oft eigandann að heyra svoleiðis um krílið sitt. Og fyrir utan það eru ekki allir hundar fullkomnir :)

Ég myndi hinsvegar frekar kjósa hund frá HRFÍ vegna þess að það eru fleiri hundar í því félagi (meira um að vera) og þá er ekki fólk að tala illa um hundinn minn (sem það ætti samt ekki að gera).

Ég tala oft við hundinn minn eins og við manneskju og hún skilur alveg hvað ég segi t.d. viltu koma inn, halda áfram, fara upp á gangstétt, standa á afturfótunum, sitja, heilsa o.s.frv. það er bara besta mál.
Hundurinn minn nýtur þess þegar ég tala við hana því þá veit hún að hún hefur óskipa athygli mína :)

Ég verð nú að segja að það eru ekki hundarnir frá Dalsmynni sem ég er á móti, þetta eru jú allt saman hundar og þurfa á ást og alúð að halda. Það er aftur á móti fólkið sem er með Dalsmynni sem ég er á móti. Mér finnst ekki réttlætanlegt að fjórar manneskjur hugsi um 240 hunda, ég veit ekkert sorglegra en að hundarnir þar þurfi að búa í búri alla sína ævi og geri ekkert annað en að framleiða hvolpa. Það að fólk eigi hund eða hunda frá Dalsmynni er ekki slæmt, heldur er slæmt þegar fólkið á Dalsmynni selur mjög dýru verði hvolpa sem hafa engan veginn verið undirbúin nægjanlega undir lífið. Það er mjög algengt að fólk lendi í vandræðum með hundana þaðan en það er náttúrulega ekkert einskorðað við Dalsmynni. Það er aftur á móti miklu meira af því að fólk fái sér sinn fyrsta hund sem kemur frá Dalsmynni og hefur þar af leiðandi ekki mikla reynslu til þess að bæta upp fyrir mistökin sem gerð voru á fyrstu 6-8 vikunum. Þessi tími skipir virkilegu máli, því á þessum tíma lærir hvolpurinn að tala við aðra hunda, skoða fólk og nýja hluti sem geta virst hættulegir s.s. ryksugur o.fl. Mér finnst ekki réttlætanlegt að þetta fólk geti lifað af því að rækta hunda eins og refi, en fólk myndi aldrei fara á refabú til þess að leita sér að gæludýri.

Tengslin við Íshunda eru náttúrulega þau að Dalsmynni stofnaði það félag til þess að geta selt hundana frá sér sem hreinræktaða hunda, þeir eru hluti af samtökum sem virðast ekki vita af því. Ástæðan fyrir því að Dalsmynni var á sínum tíma rekið úr HRFÍ var sú að á sýningu kom hundur af tegund sem dómarinn sendi útaf því hann gæti ekki verið af þessari tegund. Þá var beðið um foreldrana í DNA próf en ekki komu þeir, þótt það sé ákvæði í reglum HRFÍ sem ræktendur þurfa að fara eftir. Þá voru systkinin boðuð í DNA og tekin stikkprufa úr nokkrum öðrum gotum og það kom í ljós að í öllum gotunum voru þeir hundar sem áttu að vera systkini ekki einu sinni skyld. Þar var fólið á Dalsmynni búið að ljúga, svíkja og falsa ættbækur. Heldur þú að þú hefðir verið sáttur við það að kaupa hreinræktaðan hund dýrum dómum og komast svo að því að hann væri blendingur? Ekki voru hundarnir verri fyrir vikið en af hverju að halda uppi þessari fjölskyldu með því að kaupa landsins dýrustu blendinga.

Ég hamra enn á því að fólki er ekki illa við hundana sem koma frá Dalsmynni, allavega ekki mér, en mér er aftur á móti meinilla við fólkið á Dalsmynni. Ef það kæmi til þess að Dalsmynni yrði lokað og hundarnir teknir myndi ég eflaust verða ein af þeim fyrstu til þess að bjóðast til þess að veita hundi þaðan tækifæri til þess að eiga hamingjusamt og gleðiríkt líf, þar sem hann gæti fengið athygli og ást og hugsað yrði vel um hann. Ég efast ekki um það að auðveldlega væri hægt að finna heimili fyrir alla hundana sem gætu lifað eðlilegu lífi og ég vona satt best að segja innilega til þess að það muni koma til þess að Dalsmynni verði lokað og hundunum komið fyrir sem gæludýrum á venjulegum heimilum.

kveðja zheelah

Þegar ég fór með systur minni á Dalsmynni til að kaupa hvolp þá hafði ég aldrei heyrt neitt um þennan stað. Ásta tók vel á móti okkur þegar við komum þangað. Það fyrsta sem ég tók eftir var mikil þvag lykt og var gólfið allt út í þvagi eftir hvolpana sem var verið að sýna væntalegum kaupendum. Hvolparnir voru svo búnir að vera að leika sér saman og velta sér upp úr bleytunni þannig að ekki var heldur góð lykt af hundunum. Ég leit inn um glugga frá forstofunni og sá þá 3 hunda saman í búri sem var opið að ofan og voru dagblöð á gólfinu og þvag og skítur á honum. Þessi búr eru ekki nógu stór fyrir 3 hunda, þeir geta varla heyrft sig án þess að einhver hundur sé fyrir þeim og þeir fá ekki nægilega góða hreyfingu í þessum búrum. Við máttum ekki fara þangað inn en ég heyri ærandi tónlist þarna inni og sagði Ásta að þetta væri til að róa hundana

Við komum þangað til að leyta af Chihuahua hvolpi og urðum ástfangin af fyrsta Chihuahua hvolpinum sem við sáum. Hann var rosalega skemmtilegur og það var eins og hann hefði beðið okkur um að taka hann með augnaráðinu (voða sætt :)) Hann var 4. mánaða og hafði verið skilað einusinni áður vegna ofnæmis. Hvolpurinn var með skúffu og sagði Ásta að það væri allt í lagi, að hún myndi lagast þegar myndi stækka. Við vissum ekkert um hreinræktaða hunda þannig að við fórum voða glöð heim með hundinn.

4. mánaða þá gat hann ekki farið niður stiga, ekki hoppað upp í sófa, ekki hopað niður úr sófa. En hann var fallegasti og besti hundur í heimi.
Stuttu eftir að við fengum hann þá tókum við eftir eyrnamaur í greyið hundinum sem veitt höfðu honum veruleg óþægindi, hann var alltaf að klóra sér. Þetta var rakið til Dalsmynnis. Skúffan er ennþá til staðar og hefur stækkað. En þessi hundur er mjög duglegur og fagnar manni alltaf ákaflega vel þegar hann sér mann. En hann þolir ekki þegar fólk segir “bless” við hann og verður svaka móðgaður. Ég elska hann út af lífinu og myndi aldrei skipta honum út fyrir annan hund. En þessi hundur getur aldrei tekið þátt í hundasýningum út af skúffunni og stærð/þyngd. Systir mín hefur ekki enn þá fengið ættarbókina hans en fékk samt rukkun frá Íshundum um daginn *skrítið*

Núna er annar lítill sætur hvolpur frá HRFÍ kominn á heimilið. 2 mánaða þá fór hann upp og niður tröppurnar, hoppaði niður frá sófanum (of lítill ennþá til að hoppa upp í sófa) En þeir eru bestu vinir, sofa og leika sér saman og mér þykir jafn vænt um þá báða. Skiptir engu máli frá hvoru hundaræktunarfélagi þeir eru, manni þykir vænt um hundana sína.

Ég hef kynnst báðum félögum HRFÍ og Íshundum og er mikill mundur á þroskastigi hundanna, vinnubrögðum og aðkomu hjá félögunum.

Núna er ég búin að segja hvað mér finnst, allveg óháð því sem ég hef lesið frá öðrum.

Þið eruð ótrúleg, mar skrifar grein sem byggist upp á því einu að biðja ykkur um að rakka ekki niður HVORUG félögin, reynir að fá ykkur til að tala saman sem hundaeigendur en ekki sem fávitar sem eru að reyna sanna fyrir heiminum að þið eigið heima í leikskóla, “pabbi minns er sterkari en þinns!!” En nei nei gekk í smá stund, svo fara allir inná leikskólann aftur!!!
Getiði allavega ekki fundið nýtt ágreinings mál?? hérna er eitt, hundarnir ykkar eru ljótir :-) bara eitthvað annað en þetta… please verið vinir. Þetta getur gengið endalaust svona, ef ríkið lokar Dalsmynni þá vitiði hvor vann okey? þangað til skuluð þér ekki dæma einn né neinn, hvorki HRFÍ, Íshunda né Ástu. Ekkert okkar hefur rétt á rógburði og slúðursögum, við myndum brjálast ef það yrði gert við okkur. Þannig að = elskum friðinn og tölum um EITTHVAÐ ANNAÐ.
En takk fyrir góðu svörin sem komu fyrst í stað.

MBK: Raví

Ég var að leita mér að hundi og var að skoða á netinu og skoðaði þar á meðal allt um Dalsmynni og það sem var sagt um þann stað svo að ég leitaði til HRFÍ og talaði þar við konu. Hún sagðist ekkert ætla að segja um Dalsmynni fyrr en hún myndi skoða staðinn sjálf svo að ég ákvað að fara þangað og skoða og ekki get ég sagt að aðbúnaðurinn né aðstaðan fyrir hundana sé góð. Hlandlyktin var yfirgnæfandi, búrin lítil, búið að setja filmur fyrir gluggana svo að enginn sæi inn og lætinn sem upp hófurst þegar var verið að gefa greyjunum að borða. Greinilegt að það sé barist um bitana. En samt sem áður þá fór ég þaðan með lítinn æðislegan hvolp sem ég er mjög svo ánægð með þó svo að það sé búið að taka svolítið langan tíma að kenna honum að skíta og míga úti. En gallinn við þettað allt saman er það að allir eru til í að tala um þettað og segja sínar skoðanir en ekkert er gert í málunum ! Hvenar rann fresturinn sem Ásta fékk til að laga allt út ? Og afhverju er ekkert um þettað búið að koma í fjölmiðlunum ? Ef stöð 2 eða rúv myndu hafa samband við ástu og biðja hana um viðtal og fá að skoða aðstæður og hún myndi segja nei eða biðja um langan frest þá er hún sennilega að fella eitthvað, er það ekki ? Það hlýtur að vera hægt að senda stöð 2 eða rúv e-mail eða hringja í þá og biðja þau um að fjalla um þettað svo að eitthvað verði gert í málunum. Svo hvernig væri ef við myndum öll standa saman og senda þeim smá skeyti og þrýsta svolítið á þau um að gera eitthvað í þessu, þá kanski mun vera eitthvað gert en ekki bara talað !
Kveða Imba

Jæja krakkar mínir! Það er búið að skrafa svo mikið um Dalsmynni hér frá þeim sem eru á móti og þeim sem halda með þeim. En er ekki mál til komið að Dalsmynni hreinsi sig af þessum rógburði (sem þeir segja að allir séu með) og opni dyrnar fyrir okkur og sýni okkur alla þá “frábæru” “nýmáluðu” aðstöðu sem þeir hafa? Þeir geta afgreitt þetta mál í eitt skipti fyrir öll og boðað fjölmiðla og aðra og opnað fyrir þeim dyrnar ef þessar ásakanir á hendur þeim eru bara bull og vitleysa!!
Ég skora bara á ykkur í Dalsmynni að gera hreint fyrir ykkar dyrum ef þið viljið fá frið. Ef þið hafið ekkert óhreint í pokahorninu þá þurfið þið ekki að hafa neinar áhyggjur, er það??
Ég get alveg sagt það að þessu linnir ekki fyrr en það verður gert. Þetta er algerlega í ykkar höndum.