Ég er með blending af Schafer og íslenskum fjárhundi og hef prufað ýmislegt þar sem hann er með mjög viðkvæman maga og hættir til að fá niðurgang. Dýralæknirinn telur að hann hafi jafnvel gölluð meltingarfæri.

Ég hef prufað fóður sem heitir “James Wellbeloved” og á að vera gott fyrir hunda sem eiga í erfiðleikum með að melta. Síðan hef ég prufað “Science Plan” og einnig sjúkrafóður frá því merki.

Nú gef ég honum “Pro Plan” sem fæst í Garðheimum. Mér finnst það mjög gott en keypti það til að byrja með vegna þess að Ásta í Gallery Voff gefur sínum Schaferum það og hún mælti sérstaklega með því.

kv. Thyrla

ps. Ég gef kettinum mínum “Royal Canine” og það hefur reynst mér mjög vel:)

Mínir hundar eru á Royal Canin , ég er með Íslenska fjárhunda og þeir eru frábærir í feldinum ég hef prufað önnur fóður en hundarnir mínir fengu bara hárlos á því fóðri :(
En núna eru þeir með fínan glansandi feld og fá alltaf frábæra dóma fyrir feldin á sýningum :)

Hún Doppa mín er hálfur schafer og sennilega íslensk/border blanda og mér finnst Royal Canine hafa komið best út. Einnig kaupi ég öðru hvoru ProPlan til að breyta aðeins til fyrir hana.
Svo náttla borðar hún alla afganga af mat, brauð með smjöri og lifrarkæfu er í miklu uppáhaldi og svo kartöfluskræl.

Er með kettina líka á Royal Canine og öðrum þeirra finnst hundafóðrið frá þeim alveg frábærlega gott og stelst oft í hundaskálina til að éta þó hann eigi nóg í sinni skál.
Kveðja,
IceCat

Ég er með Weimaranerhvolp sem er að vaxa og dafna þess vegna kaupi ég Royal Canin, ég set smá olíu út á fyrir hana. Annars er hún mjög góð í feldinum og í holdafari :)

Ég er með tvo Schafer og annar þeirra er rosalega ofnæmisgjarn þannig að ég er eiginlega að prófa mig áfram með matinn.
Hann er með ofnæmi fyrir Royal Canin, Science Plan og Nutro, reyndar hefur hann verið á ofnæmismatnum frá Science plan og það hefur virkað fínt en við erum að reyna að finna einhvern “venjulegan” mat fyrir hann skv. dýraæknaráði. Núna erum við með þá á mat sem heitir Lone star sem hefur reynst vel hingað til (ekki komin mikil reynsla á hann samt) en við þurfum líka að velja fóðrið vel þar sem ofnæmissjúklingurinn er líka hjartveikur :s
Endilega ef þið hafið reynslu af einhverju góðu fóðri, látið vita.

Kv.
Isiss

Við gefum Mikka Royal Canin og friskies

Ég gef hundunum mínum Nurture hundafóður - og kettinum gef ég Nurture kattafóður. Besta fóður sem ég hef komist í kynni við - og á góðu verði líka :-)

Mér hefur fundist sumar tegundir af hundafóðri vera frekar ( brjálæðislega ) dýrar. Með Nurture fóðrinu fæ ég hágæða fóður á góðu verði.

Kveðja,
baski.

Ég gef mínum hundum Nurture fóðrið sem þeir þrífast mjög vel á. Þetta er virkilega gott fóður og ekki er það verra að það er nokkuð ódýrt (miklu ódýrara en Royal Canin) þó ég hafi notað það áður.

Er með Pommara og nota Royal Canin. Svo er hún orðin soldið tannlaus þannig að ég þarf að bleyta fóðrið hennar :)

corel

Nurture hunda- og kattafóðrið fæst í gæludýraversluninni Dýrahald í Mosfellsbæ.

Kveðja,
baski.

Ég er með Beagle hund og er hann með ofnæmi, okkur var ráðlagt af lækni að prófa Canin d/d sjúkrafóður og hefur hann verið á því í tæpt ár og virkar það mjög vel. Kláðinn hætti og hárlosið einnig.Einnig er feldurinn glansandi og einstaklega fallegur. og hundinum líður mjög vel af því.

Ég er með Labrador hund 3 1/2 árs og ég hef gefið honum fóður sem heitir NURTURE, mér finnst það mjög gott fóður og ekki dýrt.