Maður á ekki að skamma dýrin þegar þau koma til mans! Það á að vera skemmtilegt að koma til eigandans svo auðvitað er hundurinn ekkert að koma ef hann man að þetta eru viðtökurnar sem hann fær.

Þetta er kolröng aðferð. Hundurinn lítur svo á að þú hafir verið að refsa honum fyrir að koma til þín. Hundar hafa þannig minni að ef þú getur ekki skammað hann um leið og hann gerir eitthvað, þá fattar hann ekki hvað er verið að skamma hann fyrir.

Dæmi um hvernig hundar geta tengt atburði var t.d. í hundaþjálfunarbók þar sem þjálfarinn átti tík sem lenti í að hlaupa saman við hund sem hann átti. Hinn hundurinn var mjög stór þannig að það var eins og að hlaupa á vegg og hún tognaði eitthvað og var aum í nokkra daga. Nú tengdi tíkin slysið ekki við þennan hund eða við svæðið þar sem þetta hafði gerst heldur bæði hundinn og svæðið og annan hund sem var með þeim. Hún hljóp sem sagt áfram á þessu svæði með öðrum hundum eða öðrum hvorum hundinum sem hún var að hlaupa með þegar þetta gerðist en ekki þeim báðum. Hins vegar gat hún hlaupið með þeim báðum annars staðar. Hundar hafa bara ekki vit til að tengja að þú sért að skamma þá fyrir eitthvað sem þeir voru að gera fyrir 5 mínútum.