Úff, það eina sem dettur í hug er að setja eitthvað sterkara lok ofan á moldina :/
Tíkin mín gerði þetta líka, þetta var ferlega hvimleitt vandamál, og mér gekk illa að venja hana af þessu.
Það eina væri að reyna að góma hana í hvert einasta sinn sem hún gerir þetta, því að það er ekki séns að skamma þá eftir á.
Það hefur verið sagt við mig að ef að það á að skamma hund fyrir eitthvað sem hann hefur gert af sér þá verði að gera það innan 3 sekúndna, annars hefur hann ekki hugmynd um fyrir hvað er verið að skamma hann.
Ef að þú ert heima allan daginn þá mæli ég kannski með að þú útbúir áldós, utaf af kóki eða bjór eða einhverju og setjir í hana steina eða eitthvað þannig að það heyrist hvellt í henni ef að hún er hrist, límir fyrir gatið með límbandi eða einhverju slíku. Svo þegar að þú sérð að hún er að fikta í þessu læðist þú að henni og bregður henni, en það er mjög mikilvægt að hún sjái ekki dósina eða fái að þefa eða leika sér að henni.
Eftir nokkur skipti ætti hún að fara að tengja þetta fikt sitt við það að það kemur hávaði sem henni er illa við.
Það var hundakennari sem mælti með þessu við mig þegar að ég var að venja fyrri hundinn minn af gelti, og þetta virkaði.

Svo er annað, ef að hún er að gera þetta á meðan þú ert sofandi eða ekki heima, þá er jafnvel spurning um að hafa hana í búri á meðan þú ert ekki nálægt henni. Hef heyrt marga mæla með því og aðeins heyrt góð meðmæli með því. Bara að hafa mjúkt og gott teppi inni hjá henni og vatnsdall, þá ætti ekki að væsa um hana. En þetta er auðvitað bara í stutta stund, eða á meðan þið sofið.

Vona að þetta bjargist einhvernvegin hjá þér, og að blómið þitt hafi það af.

Hundakveðja, Zallý :)

Ég á tík sem gerði allveg það sama þegar hún var hvolpur, þegar maður kom heim var moldarhaugurinn á gólfinu og hún drullug og mjög skömmustuleg. Hún tók líka bara eitt tré fyrir (stór pálmi).
Ég fékk mér þunna tréplötu með gati fyir tréið og setti yfir. Nú er hún orðin 3 ára eog er hætt þessu. Þannig að ég gat tekið plöturnar. Allt annað líf!