Unnarb fyrir 23 árum, 6 mánuðum Fjöldi lestra: 1525

Valdníðsla

Nú er rökleysis hugsun valdamanna orðin algjör. Ég trúði ekki mínum eigin eyrum þegar ég frétti af því að það ætti að lóga hvolpum tíkar sem ER í sótthví vegna smithættu hvolpa hennar því innflutningur þeirra er ólögmætur. Vissulega er ekki leyfilegt að flytja inn hvolpafulla tík en að grípa til þessara öfga er fáránlegt. Er virkilega ekki hægt að refsa Mörtu öðruvísi en að aflífa hvolpa vesalings tíkarinnar. Væri sekt ekki nærri lagi? Ef réttlætissýn landbúnaðarráðuneytisins, með Guðna í fararbroddi, er svona brengluð þá á ég ekki von á miklum úrbótum í grænmetishneykslinu. Þetta er ekki síður ALGJÖRT HNEYKSLI.

Ég skora á ykkur <a href=“mailto:gudni@althingi.is”>Guðni</a> og <a href=“mailto:hakon.sigurgrimsson@lan.stjr.is”>Hákon</a> (sem skrifar undir bréf Landbúnaðarráðuneytisins til Mörtu) að skoða þetta mál með réttlæti í huga því allir vita að það stafar engin smithætta af þessum hvolpum þó þessi innflutningur sé tæknilega ólögmætur.

Látið í ykkur heyra og endilega látið <a href=“mailto:hakon.sigurgrimsson@lan.stjr.is”>Hákon</a> og <a href=“mailto:gudni@althingi.is”>Guðna</a> heyra ykkar álit á þessari því miður valdníðslu ákvörðun. Skráið ykkur einnig <a href="http://www.hugi.is/hundar/variousfunctions.php?adgerd=vote_egaetla&aetla_id=292&ahuga_id=66“>hér!</a>

Ég hafði samband við Mörtu sem skrifaði þetta bréf til mín og ykkar…

Rottweilertíkin Xantja Van Het Dornedal kom í Hrísey þann 12.3 frá Belgíu, ég hafði lent í vandræðum á síðasta ári með Doberman hund sem kom verulega horaður út úr einangrun þannig að ég fylgdist reglulega með tíkinni. Það var síðan um 25 apríl sem mér berst til eyrna frá rekstraraðila einangrunarstöðvarinnar að hugsanlega sé tíkin hvolpafull og það standi til að fá staðfestingu á því mánudaginn 30.04. Þegar ég hef aftur samband þann 30 er búið að staðfesta að Xantja sé hvolpafull, mér bregður nokkuð en hef strax samband við ræktandann út í Belgíu og fylgir með svar hans, það næsta sem gerist er að ég hef samband við sóttvarnardýralækni en hún kvaðst ekkert hafa við mig að tala og benti mér á ráðuneytið og yfirdýralækni, það er þó SKYLDA hennar að láta hundeiganda vita ef eitthvað er að dýrinu meðan það er í einangrun.
Fimmtudaginn 3 maí fæ ég svo bréf frá Landbúnaðarráðuneytinu undirritað af Hákoni Sigurgrímssyni þar sem mér er sagt að hvolpum tíkarinnar verði lógað við fæðingu, og verði tíkin ekki gotin fyrir þann tíma sem hún á að losna út þá verði henni haldið þar til hún er gotin og hvolpunum lógað, bréf þetta fylgir með. Einnig fylgir með bréf frá lögmanni mínum til ráðuneytis.

Mér er einnig kunnugt um allavega 8 tíkur sem hafa komið hvolpafullar í gegnum einangrunastöðina, og eins hafa komið 2 eða 3 læður og allavega ein hefur gotið í einangrun og fór heim að loknum einangrunartímanum með sína kettlinga, einnig gaut 1 tík í einangrun og fékk hún að fara heim með hvolpana.

Með þakklæti fyrir hjálpina,
Marta Gylfadóttir

Bréf frá Landbúnaðarráðuneytinu:

Hinn 10. október 2000 veitti landbúnaðarráðuneytið yður leyfi til innflutnings á Rottweiler tík frá Belgíu og er hún nú í einangrun í Einangrunarstöð gæludýra í Hrísey.

Samkvæmt meðfylgjandi bréfi frá embætti yfirdýralæknis, dags. í dag, hefur sóttvarnardýralæknir stöðvarinnar staðfest að tíkin sé hvolpafull.
Samkvæmt 1. lið í innflutningsskilyrðum skv. lögum um innflutning dýra, nr. 54/1990, sem tilgreind eru í umsókn um innflutningsleyfi fyrir hund og þér hafið undirritað, er óheimilt að flytja inn hvolpafullar tíkur.

Hér er því um ólöglegan innflutning að ræða.

Í áðurnefndu bréfi yfirdýralæknis er lagt til að hvolpunum verði
lógað strax við fæðingu.

Með vísan til ákvæða 3. mgr. 2. gr. laga um innflutning dýra, nr.
54/1990, og liða 1 og 4 í áðurnefndum innflutningsskilyrðum í umsókn um
innflutningsleyfi fyrir hund, hefur ráðuneytið ákveðið að fallast á
tillögu yfirdýralæknis og gefið fyrirmæli um að hvolpunum verði lógað við
fæðingu.

Þetta tilkynnist yður hér með. Ráðuneytið mun krefja yður um greiðslu
á öllum kostnaði sem af þessari aðgerð hlýst.

F.h.r.
Hákon Sigurgrímsson

 
Bréf frá ræktandanum úti í Belgíu varðandi slysapörun: 
Hi Marta,
We were talking about Xantja having puppies last night in the family and we were discussing how this was possible since we did not breed her. Suddenly my youngest son began to cry and now he has confessed that in the week prior to her departure he let her together with our male and that they did very ”funny".
This is the unfortunate thing that happened and we have to appolozise for this big inconveniance.
Let me know how things go with her.
regards,
yooooooooooooooooooooooooo, Kris.
Reyniers Kris
Belgium.

Manhattan fyrir 23 árum, 6 mánuðum

þetta er alveg glatað, ég trúi þessu varla.

Fyrra álit

Schafer fyrir 23 árum, 6 mánuðum

Þetta finnst mér ekki fallega gert.
Það hlýtur að vera einhver önnur lausn(viðulög) á þessu enn að lóga saklausum hvolpum.

Fyrra álit

gotti fyrir 23 árum, 6 mánuðum

Hvernig geta menn gert þetta? Þetta er eins og að slátra innflytjendum, þeir komu jú ólöglegja til landsins og hvolpar og hundar eru alveg jafn miklar ef ekki meiri tilfinningaverur og við mennirnir. Þetta myndi ég bara kalla morð!

Fyrra álit

Vefstjóri fyrir 23 árum, 6 mánuðum

Alveg sammála!
Það er engin virðing borin fyrir dýrum.

Fyrra álit

[Notanda eytt] fyrir 23 árum, 6 mánuðum

Hvar er Samviska ráðherrans!!!
Hver getur tekið svona ákvörðun nema samviskulaust fólk?
Er ekki kominn tími til að ráðherrann snúi sér að öðrum vettvangi.
Þetta getur ekki verið endanleg niðurstaða.
Ég vona fyrir Mörtu hönd að þeir sem að þessu máli koma hugsi sig tvisvar um og sjái að sér.

Fyrra álit

hulda fyrir 23 árum, 6 mánuðum

Gott svar gotti og alveg er ég sammála!
Og já hvernig væri að gera svona undirskriftarlista! ég væri ekki lengi að fleygja minu nafni á hann

Fyrra álit

Zaluki fyrir 23 árum, 6 mánuðum

Ég held að þessum hvolpum verði ekki lógað, allavega vona ég það.
Þeir hefðu getað lógað þeim ef að þetta hefði ekki komið í fjölmiðlana, en ég held að flestir hafi mikla samúð með tíkinni, hvolpunum og auðvitað eigandanum, þannig að almenningsálit vegur held ég þyngra en vilji og heimska svokallaðra ráðamanna þjóðarinnar.

Sameinumst nú og sendum Guðna póst og sýnum honum að okkur sé ekki sama!
Að refsa hvolpum sem eru ekki einu sinni fæddir er þvílík grimmd, og ég tala nú ekki um hvernig það fer með tíkina að láta taka þá frá sér strax eftir gotið :/

———————————————–

Fyrra álit

NBB fyrir 23 árum, 6 mánuðum

Hvernig væri að búa til lista svo við gætum öll skráð okkur á hann. Eða að þú mundir semja staðlað bréf sem við getum öll sent inn til þeirra í belg og biðu. Það er meira vit í því heldur en að fara að senda mönnunum bréf og kannski einhverjir vitleysingar með hótanir í gangi. Það rýrir bara stöðuna. Baráttukveðjur …

Fyrra álit

Vefstjóri fyrir 23 árum, 6 mánuðum

Ég setti upp lista, tengill í hann er í greininni að ofan. Eða þið getið copy og paste'að þetta í address gluggann….:
http://www.hugi.is/hundar/variousfunctions.php?adgerd=vote_egaetla&aetla_id=292&ahuga_id=66

Fyrra álit

JediMLD fyrir 23 árum, 6 mánuðum

Þetta á ekki að gerast í nútímasamfélagi. Vá…

Through me is the way to the sorrowful city.

Fyrra álit

Mal3 fyrir 23 árum, 6 mánuðum

Hvernig sem á málið er litið er vart réttlætanlegt að aflífa hvolpana og það við fæðingu!!!

Fyrra álit

lhg fyrir 23 árum, 6 mánuðum

Þetta var náttúrulega bara slys í þessu tilfelli en ef þeim verður sleppt í gegn, fer þá ekki fólk bara að flytja inn hvolpafullar tíkur þó það sé bannað af því það veit það kemst upp með það?

Annars finnst mér að það mætti bjóða eiganda að hafa tíkina og hvolpana í einangrun þangað til þeir eru orðnir nógu gamlir til að flytja þá inn og búnir að fá allar sprautur í einangrunarstöðinni. Samt hlyti það að verða rosalega dýrt því ég held ekki að megi flytja hvolpa inn fyrr en 4 mánaða gamla og dagurinn kostar eitthvað 1000 kall fyrir dýrið.

Fyrra álit

Duncan fyrir 23 árum, 6 mánuðum

Það eru ótalmörg (þekkt) dæmi um að tíkur hafi komið inn hvolpafullar (og læður kettlingafullar) (með eða án vitundar einangrunastöðvarinnar).
En í þeim tilvikum var kannski ekki persónuleg kæra á hendur stöðvarinnar (og dýralæknunum) af eiganda tíkarinnar.

Þetta er ekkert annað en barnaleg og heiftarleg hefnd gagnvart hundaeigandanum. Treystu landbúnaðaráðuneytinu til að klúðra öllu sem það kemur nálægt. Mídasaráhrif nema með mykju í stað gulls.

Það eru engin sóttvarna/læknisfræðileg rök fyrir banni á hvolpafullum tíkum. Þessar reglur eru líklega vegna leti starfsmanna þessara einkareknu ríkistofnunarfyrirtæki.

Kveðja
Duncan

Fyrra álit

lhg fyrir 23 árum, 6 mánuðum

Já, maður hefði haldið að það væri ekki smithætta þegar tíkin er bólusett við öllu og hvolparnir eru fæddir í einangrun en ég er náttúrulega ekki dýralæknir.

Fyrra álit

Vefstjóri fyrir 23 árum, 6 mánuðum

Ef fólki væri t.d. refsað með sekt, jafnvel á hvern hvolp, og væri bannað að flytja inn dýr til landsins t.d. næstu 3 árin þá tæki fólk ekki áhættuna. Að refsa dýrunum er eitthvað sem ég skil ekki.

Fyrra álit

clint fyrir 23 árum, 6 mánuðum

Hvaða, hvaða. Þetta eru bara lög. Þessir undirskriftalistar verða hálfmarklausir ef það er safnað undirskriftum fyrir alls konar tittlingaskít.
(Kastið skítnum bara hérna fyrir neðan, híhí)

Fyrra álit

Vefstjóri fyrir 23 árum, 6 mánuðum

Þú ert svo málefnalegur!

Fyrra álit

jongunnar fyrir 23 árum, 6 mánuðum

Er það málið, á svo næst að fara mæla með því að fólk aki yfir á rauðu……eða fari að selja HEROIN……það gilda lög í þessu landi og þeir sem ekki fara eftir þeim geta bara farið e-ð annað og búið þar sem engin lög gilda….

Fyrra álit

Zaluki fyrir 23 árum, 6 mánuðum

Jongunnar, COME ON! Ekki líkja þessu saman við dópsölu og að keyra yfir á rauðu.
Hún hafði enga einustu hugmynd um að tíkin væri hvolpafull, og hún er því ekki að brjóta lögin viljandi, svo fyrir utan það er verið að biðja landbúnaðarráðherra að gefa þessu séns.
Ef að kona sem er flóttamaður fær landvistarleyfi fyrir bara sig eina .. en veit ekki að hún er ólétt, á þá að senda hana í fósturey eða drepa barnið ?
Veit að þetta er frekar extreme dæmi en samt sko .. þetta sökkar!

Ekki vera að snúa svona út úr þessu, þú veist vel að hann er ekki að mæla með lögbrotum.

———————————————–

Fyrra álit

Vefstjóri fyrir 23 árum, 6 mánuðum

Þetta er ekki rétt hjá þér Jón. Það vantar klausu um þetta í lögin. Það er ekki minnst á þetta í lögunum en þeir flokka þetta undir ólöglegan innflutning eins og hvolpunum hafi verið smyglað sem er allt annað mál.

Þeir ættu að setja inn í lögin einhverja refsingu ef tík er hvolpafull t.d. sekt og bann við frekari innflutningi.

Og Jón Gunnar minn þetta er náttúrulega út í hött að lýsa þessu við sölu Heróíns. Þú ert alltaf svo temmilega öfgafullur. Hvernig væri smá chill pill í kaffið…

Fyrra álit

[Notanda eytt] fyrir 23 árum, 6 mánuðum

sumir þurfa alltaf að vera á móti öllu

Fyrra álit

lhg fyrir 23 árum, 6 mánuðum

Ég var að gá að því um daginn fyrir konu hvernig þessar reglur væru og það er greinilega tekið fram að það má ekki flytja inn hvolpafullar tíkur (skilyrði 1) og einnig stendur að ef skilyrðum er ekki fylgt megi þeir lóga öllum dýrunum bótalaust (skilyrði 4). Þetta er á http://www.stjr.is/interpro/lan/lan.nsf/b6b545ac404c5b860025668900542d64/654800082e582caa0025669e002fe835?OpenDocument og þeir sem flytja inn dýr vita af þessu vegna þess að þeir eru látnir skrifa undir þetta.

Hins vegar finnst mér að það mætti nú leyfa grey tíkinni að halda hvolpunum ef það er ekki smithætta af þeim en mér finnst að eigandinn eigi að borga allan kostnað sem einangrunarstöðin verður fyrir út af gotinu og hvolpunum.

Fyrra álit

Duncan fyrir 23 árum, 6 mánuðum

Já, en reglurnar tala ekki um viðurlög. Bara að (skv því sem maður skrifar undir) að eigandi beri ábyrgð. Þegar engin viðurlög eru skráð eru dómarar fengnir til að meta vægi brotsins og dæma EÐA mál af svipuðum toga sem hafa komið upp áður.

Hérna er landbúnaðarráðuneytið að taka það í sínar hendur að vera dómsvald og framkvæmdarvald.

Halldór Runólfsson er (að mínu mati) dýraníðingur sem á engan veginn að sitja í stól Yfirdýralæknis eftir þessa ákvörðun.

Það er ekki verið að refsa eiganda með þessari ákvörðun, heldur ófæddum hvolpum og tík sem er á leiðinni að vera móðir í fyrsta skipti.

Einangrunarstöðin þarf ekki að verða fyrir neinum kostnaði af þessu máli því að einangrunartími tíkarinnar rann út í dag. Undir venjulegum kringustæðum ætti hún að vera komin frá Hrísey núna.

Ég skil ekki af hverju þeir fóru ekki bara beint gegn eigandanum með sektum eða sendu tíkina aftur til heimalands þegar þeir fréttu af þessu? Þar með væri hvolpunum og tíkinni bjargað en eiganda refsað.

Kveðja
Duncan

Fyrra álit

malicious fyrir 23 árum, 6 mánuðum

“did very ”funny“” hehehe alltaf gaman þegar fólk talar svona skemmtilega undir rós :D

en annars er þetta ekki gott mál

Fyrra álit

jongunnar fyrir 23 árum, 6 mánuðum

Ef fólk brýtur lög á það að taka út refsingu fyrir það, þetta er allt spurning um að græða peninga og þetta er ein leiðin sem reynd er…þetta eru bara glæpamenn og þeim á að refsa…..p.s. sjálfur hef ég átt hunda og ketti í löngum bunum en ég hef átt ÍSLENSKA ketti og ÍSLENSKA hunda

Fyrra álit

Gungun fyrir 23 árum, 6 mánuðum

Er nú ekki hægt að láta sérhvern hvolp til fjölskyldna sem tilbúnar eru til að borga
allann kostnað sem hleðst upp á hvern hvolp
í Hrísey? Án þess þó að eigandi tíkarinnar
fá krónu.

E K K I D R E P A H V O L P A N A !?

***********************************
Ég sendi þetta bæði á Guðna og Hákon

Fyrra álit

Gungun fyrir 23 árum, 6 mánuðum

Sendið öll á Guðna og Hákon. Þó þið vitið ekkert hvað þið eigið að segja.. SEGIÐ BARA EITTHVAÐ!!!!!!!!!!!!!!!!!!!!!!!!!!!

Fyrra álit

[Notanda eytt] fyrir 23 árum, 6 mánuðum

Þetta er náttúrulega gjörsamlega útí Hróa Hött að drepa lítil dýr við fæðingu!
En þetta er ólölegur innfluttningur, svo, AFhverju ekki bara að senda hvolpana til baka afur (þ.e til belgíu). Síðan geta þeir komið og lifað eðlilegu lífi.

Morðingjar! (þeir sem kalla sig “landbúnarðarráðhera”) hvernig væri nú að taka ALLA fiska sem koma úr sjónum og drepa þá því þeir eru með HROGN

Fyrra álit

Tzu fyrir 23 árum, 6 mánuðum

afhverju stofnum við ekki bara reikning og söfnum pening til þess að það væri hægt að hýsa hvolpana í hrísey þangað til þeir eru búnir að fá allar sprauturnar, það væri ekki svo vitlaust!!

Fyrra álit

lhg fyrir 23 árum, 6 mánuðum

Það þarf þá að safna nokkuð miklum pening. Samkvæmt reglunum má ekki flytja þá inn fyrr en 4 mánaða gamla. Fast gjald fyrir hvert dýr er 25.000 kr. og daggjald í einangrun er 880 fyrir lítinn hund þannig að fyrir hvern hvolp væri reikningurinn 25.000 + 120 dagar * 880 kr. = 130.600 kr. Rottweiler eru nokkuð stórir hundar þannig að tíkin getur eignast marga hvolpa. Ef hún eignast t.d. 8 hvolpa er reikningurinn rúm milljón samtals og það er fyrir utan sprautur og dýralæknaskoðanir sem hvolparnir þurfa að fá.

Fyrra álit

Lynx fyrir 23 árum, 6 mánuðum

Hvernig í ósköpunum stendur á því að það er ekki hægt að sækja þá um leyfi fyrir hvolpunum líka og leyfa tíkinni þá að vera með þá í tilsettan tíma í viðbót í sóttkví????
Mér finnst þetta nú bara vera óbilgirni, rökleysa og ómannúð. Það hlýtur að vera hægt að leysa þetta á skynsamlegan hátt! Það hlýtur að vera hægt að finna leið til að leyfa hvolpunum að lifa, án þess að stofna öryggi annarra hunda landsins í hættur.
Öll lög eru sett í ákveðnum tilgangi, ekki bara uppúr þurru. Og það hlýtur að vera sjálfsagður hlutur að tekið sé tillit til kringumstæðna í samræmi við tilgang laganna.
Mér finnst þetta bara vera algjör vitleysa hjá þeim. Hverskonar fólk ætlar að fara að lóga hvolpum, ef hægt er að leysa málið á annan hátt?? Kannski finnst þeim bara gaman að drepa hvolpa, hver veit????

Fyrra álit

demonz fyrir 23 árum, 6 mánuðum

það þarf náttúrlulega að halda uppi þeim lögum sem eru í gildi og mér finnst að það megi ekkert bakka frá því. En hvort að lögin eru sanngjörn, það er annað mál. Mér persónulega finnst að það eigi að refsa eigendunum með hárri sekt og fleira en ekki refsa dýrunum. Svo má náttúrulega líta á það hve lítil refsing er við að nauðga konum eða börnum, það er venjulega 6-16 mánuðir eða eitthvað nálægt því! Það að taka svona rosalega hart á svona málum eins og þetta með hundana og taka svo létt á nauðgunun er náttúrulega fáranlegt!
Hins vegar það að þetta með að lóga hundunum sé eins og að lóga ölöglegum innflytjendum er ekki rétt, því að við mennirnir teljum okkur alltaf vera rétthærri heldur en dýrin og það væri hræsni að segja annað!

Fyrra álit

cletus fyrir 23 árum, 6 mánuðum

Þetta er fáránlegt. -Eins og svo ÓTAL MARGT fleira

Mér finnst að viðhorf fólks til dýra þyrfti að breyta verulega.

Dýr ættu að hafa sömu réttindi og við. (Við: úrkynjuðu spendýrin) -Eða öllu heldur meiri rétt þar sem samskiptatækni okkar við þau er takmörkuð.

Fyrra álit

Hundar

Hundar

Ofurhugar

Stjórnendur

Hverjir eru inni

Greinar

Valdníðsla

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi