kiddisig fyrir 21 árum, 3 mánuðum Fjöldi lestra: 1648

Hvaleyrarvatn

Ég vildi segja ykkur frá leiðinlegu atviki sem ég lenti í, í dag. Hér á eftir fer
kvörtunarbréf sem ég sendi á Hafnarfjarðarbæ, Morgunblaðið, Dagblaðið og
Fréttablaðið.

Sæl verið þið.

Í dag eins og marga aðra daga ákvað ég að fara með hundinn minn upp að
Hvaleyrarvatni í Hafnarfirði til að viðra hann. Ég hef gert þetta í um það bil 2 ár og
það hefur aldrei verið skilti þarna sem segir til um hvort að hundar megi vera
þarna eða ekki. Þetta er nokkra mínútna akstur frá bænum að malarvegi með
vatni og fallegri náttúru og ekkert skilti sem bannar lausagöngu hunda, reiknaði
ég með að ég væri í fullum rétti.

Þegar ég var í mínum mestu makindum að viðra hundinn og ónáða ekki sálu þá
kemur eftirlitsmaður og rekur mig í burtu af svæðinu, því ég var með hund. Ég
spurði hann af hverju það væru þá ekki skilti sem sýndu að lausaganga hunda
væri bönnuð þar og hann svaraði því að hann einfaldlega vissi það ekki og hann
væri sammála mér að það þyrfti að setja upp skilti. Það sem reitir mig virkilega til
reiði er að ég hef búið í Hafnarfirði nánast alla mína ævi og ég hef eins og ég
sagði hér áður farið með hundinn minn á nánast hverjum degi upp að
Hvaleyrarvatni án nokkurra vandkvæða. Meðan ég var þarna sá ég að minnsta
kosti tvo aðra hundaeigendur í kringum vatnið. Ég hef séð í það minnsta 100
mismunandi hundaeigendur í kringum vatnið og suma hef ég séð oftar en einu
sinni. Ég mundi skilja það ef það væri bannað að vera með hunda við vatnið á
varptímum en mér finnst þetta rosalega leiðinlegt.

Kvörtun mín fellst í því að Hafnarfjarðarbær býður hundaeigendum ekki upp á
nein svæði til að vera með hundana sína á og við erum reknir af þeim fáu svæðum
sem við teljum okkur mega vera á. Margir hundaeigendur hittast á svæði sem er
kallað Bali og er innan bæjarmarkanna svo ég býst við að það sé líka bannað. Það
kæmi mér ekki á óvart ef hundaklúbbar hittist oft við Hvaleyrarvatn þar sem það
eru ekki til nein almennileg svæði til að vera með þá á. Ég er rosalega reiður og ég
mun ekki gefa núverandi bæjarstjórn mitt atkvæði í næstu kosningum, einnig
mun ég flytja úr bænum næst þegar ég flyt.

Það er augljós staðreynd að ef bærinn mundi búa til svæði fyrir hundaeigendur,
myndi það vera mjög lélegt því í dag er bókstaflega allsstaðar bannað að vera
með hunda.

Mér finnst ansi hart að þurfa að keyra langar leiðir, t.d. inn á Geirsnef, til að viðra
hundinn minn “löglega”. Við mannfólkið hrifsum öll svæði af dýrunum og gefum
ekkert til baka!

Með kveðju og von um birtingu,
Kristinn Örn Sigurðsson.

Ég skil ekki af hverju köttum er alltaf svona frjálst að vera lausir. Þeir eru jú
hreinlegri en skv. minni reynslu þá eru þeir mun hætturlegri öðrum dýrum, t.d.
fuglur og þess háttar.

Ég vona að ég fái góð viðbrögð við þessari grein og allt skítkast er afþakkað.

DanniV8 fyrir 21 árum, 3 mánuðum

Já ég er alveg sammála þér. Það mætti alveg vera með eitthvað svæði þar sem maður má vera með hundana sína óteymda eða hvað sem maður segjir. Þó að ég á ekki heima í Hafnarfirði þá á þetta samt við um mig. Ég er ekki 100% viss en ég efa að það er til eitt einasta svæði á landinu þar sem maður má vera með hundinn sinn í lausagangi, nema einhver svæði sem eru fleyri mínútur í burtu frá íbuðarhverfi. Uppí sumarbústaðasvæði sem kunningi minn á sumarbústa á er t.d. ekki leyfilegt að vera með hundinn óteymdann, þó að þú ert inná þínu landi. Líklegast vegna þess að landið sem kunningi minn á er ekki girt af með gaddavír eða eitthvað.

Samt hef ég heyrt um að fólk fer með hundana sína út að labba um nætur þegar það er að bera út eða eitthvað álíka, eða bara vakna um nóttina til að fara með hundinn út að labba, who knows? En allavega, ég myndi aldrei gera það, einfaldlega vegna þess að ég þarf að vera vakandi til þess, og ég er ekki bestur í að halda mér vakandi :)

Kveðja, Danni

Fyrra álit

popo fyrir 21 árum, 3 mánuðum

Þakka þér fyrir mjög svo þarfa grein fyrir þá sem eiga hunda, því það er alveg rétt sem þú segir að það er orðið ansi fátt um staði þar sem við getum verið með hundana, á Geirsnef fer ég aldrei, þótt mér væri boðið, enda segja dýralæknar, ekki fara út á Geirsnef, þar er allt morandi í sýklum. Það væri gaman ef Heilbrigðiseftirlit hunda, myndi útbúa kort af þeim stöðum þar sem við megum vera með hunda, ég veit reyndar um Rauðavatn, en um fleirri staði veit ég því miður ekki, þakkar þér að vekja máls á þessu, Kveðja Hallgrímur.

Popo , the mighty one…

Fyrra álit

eyr fyrir 21 árum, 3 mánuðum

Takk fyrir góða grein.
Því miður þá ert þú ekkert einn í þessu máli, þetta virðist vera út um allt stór Reykjavíkursvæðið ekkert landsvæði frátekið fyrir hunda. Ég bý t.d í Mosfellsbæ þar er að vísu samkvæmt korti frátekið svæði nálægt einum skólanum hundaland og ég rosalega ánægð fór á staðinn til að skoða með hundinn minn og viti menn allt afgirt með rafmagnsgirðingu fyrir hesta ; )en þar sem að ég er nú hestamaður líka þá var ég ekkert að láta þetta trufla mig.
Var að lesa á hundavef Suðurlands að þeir hafa þetta sama vandamál líka, ekkert landsvæði fyrir hunda þar heldur. Kannski að hundaeigendur á stór Reykjavíkursvæðinu ættu að fara að safna undirskriftum (við erum nú talsvert stór hópur) og fara að biðja um úrbætur
baráttu og göngu kveðju

Fyrra álit

aaaaa fyrir 21 árum, 3 mánuðum

Sorry en vill ekki vera leiðinleg ( þetta er samt mjög góð grein) en þetta var ekki hundaeftirlitsmaðurinn sem rak þig af svæðinu, ég vinn hérna á heilbrigðiseftirlitinum og talaði eftirlitsmanninn sem sagðist ekki hafa farið á Hvaleyrarvatn, einhver hefur bara verið að vera leiðinlegur við þig með leiðindi.

En svo er málið að ekki er komið upp skilti sem bannar hundahald þarna eins og í Heiðmörk og við Víðirstaðavatnið.

En ef þið farið á heilbrigdiseftirlit.is og í hundahald, þar getið þið skoðað reglurnar betur :)

kveðja aaaaa

Fyrra álit

kiddisig fyrir 21 árum, 3 mánuðum

aaaaa:

Ég veit þetta var eftirlitsmaður þar sem þetta er er fyrrverandi besti vinur minn og æskuvinur. Ég stórefa að hann væri það óþroskaður að fara að vera með svona leiðindi við mann, sérstaklega þar sem hann þekkir mig.

Auk þess sá ég hann fara í kringum vatnið og tala við alla hundaeigendur, efa að hann mundi gera það bara upp á djókið.

Fyrra álit

aaaaa fyrir 21 árum, 3 mánuðum

Þá hefur þetta ekki verið hundaeftirlitsmaðurinn sem er bara einn og er yfir Hafnarfjarðabæ, kópavog, garðabæ og bessastaðarhrepp, sem heitir Jón. Ef þú trúir mér ekki hringdu þá bara í hann og talaðu við hann eða til mín ég mundi svara þér, upp á skrifstofu og gefa þér samband til hans.

Ég talaði við hann og sýndi honum greinina og hann sagði ekki hafa farið þarna uppeftir.

Hvar starfar þessi vinur þinn sem eftirlitsmaður, ef ég má spyrja????

Fyrra álit

kiddisig fyrir 21 árum, 3 mánuðum

Hann starfar sem eftirlitsmaður hjá Hafnarfjarðarbæ (ekki sem hundaeftirlitsmaður). Hann sér semsagt um að framfylgja reglum varðandi Hvaleyrarvatn og örugglega fleiri staði sem bærinn hefur lögsögu með.

Fyrra álit

aaaaa fyrir 21 árum, 3 mánuðum

Það er samt voðalega skrítið ef hann er að senda þig í burtu. Því í rauninni máttu alvega vera þarna með hund í taumi (sem þú varst reyndar ekki með). Úr því að það er ekkert skilti þarna sem bannar hunda.

Fyrra álit

kiddisig fyrir 21 árum, 3 mánuðum

Eitt í viðbót. Þessi eftirlitsmaður var frá Hafnarfjarðarbæ. ;)

Fyrra álit

Louis fyrir 21 árum, 3 mánuðum

Sæll Kiddisig

Ég verð að segja að þetta þykir mér afar dapurlegar fréttir. Þessi eftirlitsmaður var hann sem sagt á vegum Heilbrigðiseftirlits Hafnarfjarðar- og Kópavogssvæðis ? Þykir mér þetta sérkennileg athugasemd hjá honum.

Í samþykkt um hundahald í Bessastaðahreppi, Garðabæ, Hafnarfirði og Kópavogi kemur fram í 9. grein “Hundur skal ávallt vera í taumi á svæðum þar sem umferð ökutækja eða gangandi fólks er almenn og skal ávallt fjarlægja saur eftir hund”.

Hvaleyrarvatn er nú ekki beint inni í miðjum Hafnarfirði. Auðvitað er sjálfsagt að kalla til sín hund og setja á hann taum ef maður mætir fólki við Hvaleyrarvatn eða hvar sem er. Það hljómar frekar þversagnarkennt að vilja njóta náttúrunnar og útivistar en þola ekki að mæta hundi.

Margir hundeigendur hafa nýtt sér þetta svæði m.a. í þjálfun á vatnavinnu. (Í þeim aðstæðum er afar erfitt að hafa taum á hundi, þ.e. ef hann er langt úti í vatni).

Þykir mér réttmæti þessara athugasemda eftirlitsmannsins fremur hæpnar. Tel ég líklegt að ef brugðið verður á það ráð að banna hunda á svæðinu muni hundeigendur sem í dag eru ófáir ekki láta það óátalið enda hér um mannréttindamál að ræða.

Sérmerkt svæði fyrir hunda hafa hingað til ekki gefist vel. Eðlilegast er að fólk samnýti útivistarsvæði. Einstaklingar sem stunda útivist geta ekki verið tryggðir fyrir því að þeir mæti ekki hundi frekar en öðrum dýrum.

Gaman væri að heyra fleiri álit varðandi þetta mál.

Kveðja Louis

Fyrra álit

mayday fyrir 21 árum, 3 mánuðum

Alveg sammála öllu sem þú skrifar.

Fyrra álit

Jezzybelle fyrir 21 árum, 3 mánuðum

Ég og bróðir minn höfum einmitt oft farið með hundinn okkar á Hvaleyrarvatn og ekki haft hugmynd um að það væri bannað. Hef einmitt aldrei tekið eftir neinum skiltum um það.

Fyrra álit

nalani fyrir 21 árum, 3 mánuðum

Þetta er bara rugl. Þú ættir að meiga vera með hundinn lausan þarna, ef hann stekkur ekki á fólk.

Ég bara verð að svara þessu “Ég skil ekki af hverju köttum er alltaf svona frjálst að vera lausir. Þeir eru jú
hreinlegri en skv. minni reynslu þá eru þeir mun hætturlegri öðrum dýrum, t.d.
fuglur og þess háttar.”
Ef þú ætlar að segja þetta verðuru fyrst að hætta að borða kjöt og gefa hundinum þínum grænmeti!

Fyrra álit

aaaaa fyrir 21 árum, 3 mánuðum

Afhverju verður maður að hætta borða kjöt og gefa hundum sínum grænmeti?? ég er ekki að skilja þig hérna.

Svo er líka gott, þegar þið eruð með hundana lausa að kalla á þá til ykkar og halda í þá á meðan þig gangið framhjá fólkinu.

Fyrra álit

bjornjul fyrir 21 árum, 3 mánuðum

Sæll

Ég er sammála því að Hvaleyrarvatn er drauma útivistarsvæði fyrir hunda og eigendur þeirra. Við í Hvuttaklúbbnum ( http://hvuttaklubburinn.hugi.is/ ) Höfum haft reglulegar göngur þarna á veturna. Ástæða þess að við göngum ekki þarna á vorin/sumrin/haustin er sú að þetta er veiðiaðstaða fyrir börn og ellilífeyrisþega og trúi ég því að þeir vilji ekki hafa lausa hunda í kringum sig á meðan þeir eru að veiða. Allavega hleypur tíkin mín út í hvern poll sem hún sér og syndir, því hún hefur mjög gaman að því. Þetta gæti ég trúað að sé ein af ástæðunum fyrir því að þetta sé bannað. Ég er einnig sammála að það ættu þá að vera skilti sem segja til um þetta, og findist mér þá að það ættu að vera svona “Hundar bannaðir” skilti sem undir stæði “Nema í taumi”, eins og ég hef séð á nokkrum stöðum (mig minnir í Elliðaárdalnum). ÞAð er hægt að keyra framhjá húsinu sem er við endan á vatninu, og aðeins lengra uppeftir, upp smá brekku og að annarri vinstribeygju. Þar er svæðu sem eflaust ætti að fá frið til að viðra hunda, en ég veit ekkert hvort það er leyfilegt. Við munum allavega halda áfram með göngur þarna eftir að veiðitímanum lýkur ef það kemur ekki upp skilti.

f.h. Hvuttaklúbbsins
Björn Ágúst Júlíusson og Traci

kv,

Fyrra álit

kiddisig fyrir 21 árum, 3 mánuðum

Blessaður Björn.

Ég hef farið með tíkina mína að labba þarna fyrir ofan og þetta er nú lítilfjörlegt svæði. Ég skil vel að þetta sé bannað á vorin, á varptímanum en mér finnst að þetta ætti að vera leyfilegt ef fólk tekur tillit til annarra. T.d. kalla ég mína tík alltaf inn og læt hana setjast þegar ég mæti einhverjum. Ég tek tilli til annarra en hvar er tillitssemin í minn garð?

Við erum rekin af öllum svæðum. Það er ekki eitt svæði sem ég get leyft tíkinni minni að synda á nema á Geirsnefi og það er örugglega alveg jafn bannað eins og á Hvaleyrarvatni.

Ég veit þú meintir vel með svari þínu en svona er þetta bara..

Kveðja,
Kristinn og Loppa.

Fyrra álit

spekoppur fyrir 21 árum, 3 mánuðum

Sæll Kiddi!!
Ég er innilega sammála þér og stið þig í þessu. Ég var þarna í gær með minn hund ….og þá var annar hundaeigandi þar með sinn hund. Ég hef aldrei séð skilti þarna. Svo mega hestamenn vera út um allt þarna. Það er búið að leggja göngubra

Fyrra álit

kiddisig fyrir 21 árum, 3 mánuðum

Akkurat! Reyndar mega hestamennirnir ekki vera þarna en þeir stelast..

Mér var boðið að hringja og fá fund með bæjarstjóra sem ég ætla að gera.

Mér finnst þetta gjörsamlega óviðunandi. Við erum að borga fleiri þúsundir króna í gjöld á ári en fáum ekkert á móti. Við erum ekki með og höfum aldrei haft neinn almennilegan stað til að vera með hundana okkar í Hafnarfirði þannig að bæjarstjórnin getur alls ekki afsakað sig með því.

Fyrra álit

mutla fyrir 21 árum, 3 mánuðum

Gott hjá þér!
Endilega skrifaðu hérna eftir fundinn hvernig var.
kv

Fyrra álit

kiddisig fyrir 21 árum, 3 mánuðum

Ég mun gera það.

Kveðja,
Kristinn.

Fyrra álit

kiddisig fyrir 21 árum, 3 mánuðum

Svona fyrir þá sem vilja vita þá var þessi grein birt í fréttablaðinu í dag (8. ágúst) á blaðsíðu 14 undir dálknum “Bréf til blaðsins”.

Ég þakka Fréttablaðinu fyrir birtinguna!

Kveðja,
Kristinn.

Fyrra álit

kiddisig fyrir 21 árum, 3 mánuðum

Þið getið náð í blaðið hérna ef þið viljið: http://www.frett.is/pdf/030808.pdf

Fyrra álit

spekoppur fyrir 21 árum, 3 mánuðum

Það verður gaman að vita hvað Lúlli bæjarstjóri gerir…..get ekki beðið:)

Fyrra álit

kiddisig fyrir 21 árum, 3 mánuðum

Það fá líka allir að vita ef hann verður með stæla. ;)

Fyrra álit

Hundar

Hundar

Ofurhugar

Stjórnendur

Hverjir eru inni

Greinar

Hvaleyrarvatn

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi