Þetta er nú viss sigur útaf fyrir sig, nema auðvitað fyrir Dalsmynni.
Held að flestir hafi vitað af þessu þó.

Nú er mér spurn .. hvað verður gert í þessu ?

Þetta er orðið þreytt ástand. Það vita allir um meðferðina sem hundarnir fá á Dalsmynni en ekkert er gert. Undirskriftarlistar hafa gengið á milli manna, blaðaskriftir og fréttaflutningur, en ekkert gerist:( Það eina sem virkar er að sjá til þess að vinir manns og vandamenn kaupi alls ekki hunda frá Dalsmynni. Ef Dalsmynni selur ekkert er enginn rekstrargrundvöllur fyrir “verksmiðjunni”.
Kveðja zzzofandiii

ég skil ekki - afhverju er einhver ekki búinn að finna lög sem geta lokað búinu, eða jafnvel búa til lög. Flestir hundar þar fá eyrnamaur og líður alveg rosalega illa.
En veit einhver hvað það eru margir hundar þar og hvað búið er stórt?

ég segi nú bara eitt verið ekki að segja einhvað sem þið hafið ekki sjálf skoðað hvað sem það er er alls ekki að verja Dalsmynni mér er nokkuð sama hvort þessu verður lokað en skoðið þetta áður en þið segið að þarna sé drulla um allt sem þið flest lesið um í fjölmiðlum…..

Sótti þetta á www.dyravernd.is til leiðréttingar:

“Rangur og villandi málflutningur.

Í Fréttablaðinu 23. júlí sl. um Dalsmynni er birt skýrsla eftir Magnús Guðjónsson dýralækni þess efnis að hann hafi farið í reglubundna skoðun þangað á vegum Umhverfisstofnunar. Hinsvegar er ekki skýrt frá því að skoðunarferðin var farin í apríl sl. og því er ekki verið að lýsa ástandinu á hundabúinu eins og það er í dag. Svona málflutningur er dýravernd ekki til framdráttar. Sjá meira.

Og svo er öll greinin hér:

Dalsmynni – gömul skýrsla.

Í Fréttablaðinu 23. júlí sl. um Dalsmynni er birt skýrsla eftir Magnús Guðjónsson dýralækni þess efnis að hann hafi farið í reglubundna skoðun þangað á vegum Umhverfisstofnunar. Hinsvegar er ekki skýrt frá því að skoðunarferðin var farin í apríl sl. og því er ekki verið að lýsa ástandinu á hundabúinu eins og það er í dag.

Í skýrslunni segir Magnús að mikill óþrifnaður hafi verði í herbergjunum og að hans mati jaðraði þetta við illa meðferð á dýrum. Magnús segir einnig að mikil vanhöld séu á að farið sé að þeim lögum og reglum sem liggi til grundvallar rekstrinum og vill ekki hafa meira en 2 smáhunda í hverju búri. Í nýjum reglum um hundahald frá Umhverfisstofnun segir hinsvegar að: “Ekki skulu vera fleiri smáhundar en 7 í sama búri, og 5 hundar af stærð 10-20 kg saman í stíu. Hundar sem eru 20 kg og stærri eiga ekki að vera fleiri en 3 í stíu”, svo ekki er stofnunin á sama máli og dýralæknirinn.

Umhverfisstofnun hefur upplýst að Dalsmynnismálið er komið í farveg í kerfinu og tíminn leiðir í ljós hvað verður”. Þetta var í apríl og ekki hefur Umhverfisstofnun séð ástæðu til að fara aðra skoðunarferð, svo ekki líta þeir málið svona alvarlegum augum.

Í sömu frétt er haft eftir formanni Hundaræktarfélagsins að það hafi lengi barist gegn Dalsmynni og viljað láta loka því. Svo segir formaður HRFÍ: “þessi bú starfa samkvæmt sömu lögum og búrekstur, þar sem dýr eru alin til slátrunar” Þetta er alrangt með farið og hið rétta er að hverskonar búrekstur fer eftir lögum um búfjárhald en hundarækt fer eftir dýraverndarlögum.

Í Hundaræktarfélaginu er fjöldinn allur af ræktendum stórum og smáum. Ekki er vitað til að neinn af þessum ræktendum hafi leyfi til dýrahalds í atvinnuskyni eins og Dalsmynni, sem borgar skatta af rekstrinum. Hundaræktarfélagið vill hinsvegar vera með svokallaða “heimaræktun”, sem er eftirlitslaus með öllu og greiðir ekki opinber gjöld af starfssemi sinni. Þessum ræktendum, sem ekki eru alli til sóma, er ómöglegt að fylgjast með og dýrin hafa það ekki alltaf gott. Þetta vilja dýravinir ekki.

Það má eflaust finna margt að rekstri Dalsmynnis en svona æsingakendur áróður þjónar engum tilgangi, nema að skaða Dalsmynni og þetta er ekki rétta leiðin til að bæta hag dýranna.


Aldrei að trúa blöðunum svona orðrétt. Athuga málin frá báðum hliðum fyrst til að mynda sér álit. :>))
kv demco