Skil ekki af hverju fólk tekur “kynhreina” hunda svona fram yfir þá blönduðu! Ekki eins og þeir séu eitthvað betri…

Ég fann fyrir þessu á hvolpanámskeiði með minn hvolp, við vorum ekki eins “vinsæl” og með “sætan” hund eins og þau með hreinræktaða, ég fann þetta mjög sterkt frá einum þjálfaranum!!! Sá það líka að hún hélt mest upp á hreina springera og lét það óspart í ljós með einn sem var þar.
Þetta er svo sorglegt, blendingar eru nefninlega ekkert verri en “hreinir” hundar :(

Það er svo margt sem maður fer á mis við þegar maðru á blending, allskonar námskeið sem eru bara ætluð “hreinum” hundum.

Þessi blanda sem þú átt er mjög algeng í Bandaríkjunum og gengur undir nafninu Golden-Lab. Annars ekkert því til fyrirstöðu að þú standir fyrir því að stofna veiðihundaklúbb sem er opinn öllum og býður uppá námskeið fyrir alla án tillits til þess hvort þeir eru hreinir eða ekki. Sumir sem eiga veiðihunda gefa bara skít í þetta snobb hvort sem er. Ég heyrði einhverjar kellingar vera að tala um það á hundasýningu fyrir nokkrum árum að maður einhver ætti ótrúlega fallegan Golden Retriever. Veiðihundur með alla vöðvana á réttum stað og þær hefðu vilja sjá hann á sýningu en kallinn hafði bara ekki áhuga.

Ég fann mjög mikið fyrir þessu þegar ég átti blöndu. Fyrsta daginn sem ég fékk hana fór ég með hana til vinkonu minnar sem átti 2 hreina hunda. Mamma hennar kemur til dyra. Og alveg varstu að fá hund. Ég alveg voða stolt og segi Já. Þá segir hún “Hvar fékkstu Þetta” Ég var ekkert smá fúl að kalla hundinn minn ÞETTA.

Síðan fyrir ári var keyrt á hana og fórum við upp á spítala. Og sagði dýralæknirinn að við værum heppinn að bílinn hefði ekki stoppað því við værum ekki með leyfi og hefðum við þurft að borga skemmdirnar á bílnum. En kerlingin vissi ekki að við vorum með leyfi og ólin hefði dottið af við slysið.

Blendingar eru ekkert verri en aðrir hundar. Eftir að við misstum blendinginn okkar fengum við okkur hreinan. Enginn munur!!
Er meira að segja að spá í að fá mér annan og verður það þá Blendingur. Pott þétt.

Við áttum hund fyrir mokkrum árum sem var blanda séffer/labrador og var hann alveg yndislegur. Nú erum við að fá okkur labrador, hreinan en ekki með ættbók. Ég var ekkert að leita sérstaklega að hreinum, þetta var bara fyrsta sem ég fann og ákvað að skoða málið. En ég hefði alveg eins viljað fá mér einhverja blöndu. Ég er reyndar ekki búin að fá hann, nokkrir dagar enn í bið…alveg að koma að því að ná í hann c",)

já djös viðbjóður er þegar fólk lætur sona við blendinga.. mér finnst ekkert að blendingjum… þeir eru flestir held ég besta skinn!!

grejin.. eins og svandís sagði hérna fyrir ofan þá er þetta eins og að tala um svertingja og hvítíngja..!!

ömurlegt… íslendingar eru heimskir!!

Jamm skil bara ekki hvað sumt fólk hefur á móti blendingum. Þegar maður fær sér hreinan hund veit maður nokkurn vegin hvernig hann munn verða.

En þegar maður fær sér blending veit maður ekkert hvernig hann munn verða og finnst mér það vera spennandi. Hvort hann munn verða stór eða lítil, Loðinn eða snöggur. Og aðal hvernig á litinn.
Eins og tíkin mín sem ég missti var blanda af Border Collie, Labrador og íslenskum.
Og var hún lítil(aðeins minni en íslenski),Snögghærð og svört,hvít og brún.
Algjör dúlla.

Þegar þú blandar svona líkum hundum saman, þ.e. báðir foreldrarnir eru retrieverar, þá veistu auðvitað cirka á hverju þú átt von. Þar sem þessar tegundir hafa mjög líka ef ekki eins eiginleika, fyrir utan feldinn auðvitað, þá er svosem ekki mikið um blöndun að ræða. Venjulega þegar um blendinga er að ræða er ekki mikið spáð í hvernig blöndunin gæti heppnast, þar af leiðandi hefur þú ekki hugmynd um hvers konar hund þú ert að fá. Ef þú færð þér retriever eða t.d. pointer þá veistu að þú ert að fá veiðihund en þeir eru notaðir til mismunandi veiða. Ég á pointer og það er einfaldlega í eðli hans að taka stand á rjúpur og hrossagauka, enda gerir hann það án þess að við höfum kennt honum það og er þó ekki nema 9 mánaða. Pointer hundar þurfa líka talsverða hreyfingu og við förum með hann út tvisvar sinnum á dag í a.m.k. klst í senn. Þar sem hann er hreinræktaður vitum við nákvæmlega hvernig við eigum að hugsa um hann og við vitum líka miklu meira um eiginleika hans heldur en ef hann væri blandaður. Það er yfirleitt það sem skiptir máli þegar velt er fyrir sér kostum og göllum milli hreinræktaðra og blandaðra hunda, ekki hvort blandaðir séu eitthvað verri en hinir. En því miður er staðreyndin oft sú að blandaðir hundar fást gefins og ég hef allt of oft séð fólk fara verr með þá en það myndi gera með hreinræktaða. Það er eins og að fyrst það þarf ekki að borga fyrir þá að þeir séu einhvers minna virði eða eitthvað. En það er bara ekki þannig, þeir þurfa alveg jafnmikla athygli og umönnun og hreinræktaðir og ætti ekki flokka sem svipuð húsdýr og ketti, enda allt annars eðlis. Eigendur margra blandaðra hunda fara síður með þá á hlýðninámskeið sem er auðvitað mjög mikilvægur þáttur í uppeldi hunds. Ekki bara fyrir hundinn sjálfan heldur líka fyrir eigendurna svo þeir viti betur hvernig hugsa á um hann og þjálfa hann. Í þínu tilviki er þetta öðruvísi. Þú átt hund blandaðan af tveimur mjög líkum tegundum og hefur greinilega þjálfað hann mjög vel og veist vel hvað þú ert að gera. En þó svo menn vildu gjarnan viðurkenna þinn hund í veiðihundafélagið er ekki svo glatt hægt að gera það við aðra blandaða hunda því menn vita einfaldlega ekki hverju þeir eiga von á frá þeim. Þeir hafa ekki þekkta, ákveðna eiginleika. Þú getur ekki bent á blending og sagt já hann er svona og svona eða eitthvað. Það er bara því miður ekki hægt að veita einhverjum einum sérmeðferð.

Þessi umræddi hundaþjálfari Guðrún, er ekki jafn slæm og sumir hérna vilja segja.
Ég fór sjálf á námskeið hjá henni með blendinginn minn og fyrsti tíminn var mjög erfiður. En um leið og maður náði að skilja hana var hún algjör snillingur og hún var mjög mjög góð við hundinn minn… sem já er blendingur… og hann var æðislega hrifin af henni.

Ég reyndar tók eftir því hjá henni að mér fannst hún vera frekar hörð við þá sem voru eimmitt að koma með svaka flotta og fína hreinræktaða hunda með ættartölu og dæmi og héldu að þau þyrftu ekkert að gera heldur bara að sitja og láta þjálfarann um að þjálfa.

Það sem þessi kona hefur til að bera er hreinskilni og kannski er stundum erfitt að fá það beint í feisið hvað maður gerir vitlaust o.s.frv.

Allavega þá finnst mér að fólk ætti ekki að hætta við að fara á námskeið hjá henni því að það væri að missa af miklu… verið bara hörð af ykkur og kyngið stoltinu… það er það besta fyrir voffan ykkar.

Er þessi umræða um að ættbækur séu “snobb” enn til?
Þessi umræða var við líði fyrir ca. 10 árum eða svo.
Ættbókin sem fylgir hreinræktuðum hundum er ekki snobb. Heldur er þetta eina sönnunin sem til er um hreinleika viðkomandi hunds og það hefur ekkert með snobb að gera.
Hundurinn þinn er það sem kallað hefur verið krossblendingur og það eina sem labrador og golden eiga sameiginlegt er að þeir eru báðir retriever. Þetta eru mjög ólíkar tegundir að upplagi.
Þú getur vel skráð hundinn þinn í Veiðihundadeild HRFÍ (það er eina veiðihundadeildin sem ég veit um) en þú getur ekki látið hundinn þinn taka þátt í veiðiprófum. Einfaldlega vegna þess að veiðiprófin eru ræktunarmarkmið og ræktunarmarkmið eiga eingöngu við um hreinræktaða hunda. Sama er það með námskeiðin sem haldin eru á vegum Hundaskóla HRFÍ fyrir retrieverhunda. Þau námskeið eru eingöngu fyrir hreinræktaða hunda vegna þess að leiðbeinendurnir verða vita hvaða tegund er verið að þjálfa svo þeir geti gefið réttar leiðbeiningar. Fólk er að borga slatta af peningum fyrir þessi námskeið og á að fá það sem það borgar fyrir.
Það sem þú minnist á að blendingurinn sé fljótari að ná vissum hlutum en sá hreinræktaði sem þú áttir. Þetta hefur ekkert með gæði þess hreinrækataða eða blendingsins að gera. Þú mátt ekki gleyma því að þetta eru einstaklingar sem eru misjafnir eins og þeir eru margir. Þetta getur þessvegna verið spurning um þroskastig viðkomandi hunds.
Það er ekki að ástæðulausu sem þessar kröfur allar eru tilkomnar.
Gleymdu ekki einu, ef krafan um hreinræktun og sönnunarbyrði hreinræktunar væri ekki til staðar þá væru þessar hundategundir ekki til.

fólk hlýtur að mega hafa sínar skoðanir á hlutunum. sumir vilja hreinræktaða hunda og aðrir ekki. auðvitað eru sumir sem þurfa sinkt og heilagt að setja út á það sem aðrir eiga, en ég held að það séu ekki bara eigendur hreinræktaðra hunda. ef maður elskar hundinn sinn og er stoltur af honum, þá ætti manni að vera nok sama ef einhver setur út á hann, bara vegna uppruna! svo má ég nú til með að taka upp hanskann fyrir læknana á dýraspítalanum í víðidal. ég hef nokkuð oft þurft að fara með minn þangað og starfsfólkið þar er hvert öðru vingjarnlegra…finnst mér allavega. ég leyfi mér nú að efast um að eitthvert þeirra “hati” einhverja ákveðna hundategund. við skulum aðeins hugsa okkur um áður en við förum að rægja nafngreint fólk á grundvelli eins atviks. það lýsir best karakter þess er skrifar! ef maður er óánægður með þjónustu eða framkomu starfsfólks á dýraspítala og hvar sem er, á maður frekar að kvarta beint við það fyrirtæki og jafnvel sjálfan starsmanninn. ekki vaða með það beint á netið. það getur ýmislegt legið að baki og við skulum ekki gleyma að álagið er örugglega oft mikið á dýralækna. Jæja, nóg um það. Reynum svo bara að vera kurteis og málefnaleg hér á Huga, það er svo ofboðslega leiðinlegt að lesa greinar sem eru illa skrifaðar, neikvæðar og niðurrífandi.
kveðja,
garun

Ég skil ekki þetta snobb í fólki. Svipað og það væri stofnað félag eingöngu fyrir hvítt fólk eða svart fólk eða þá sem eru með X stórt typpi..

Mér finnst þetta sýna hversu lágt fólk getur farið. Hverjum er ekki sama þó hundurinn sé hreinn eða ekki þegar hann er góður? Tíkin mín er yndisleg og hún er ekki hrein.

Margir þessara hreinu hunda eru orðnir svo náskyldir að þeir fá mikla kvilla. Er það ekki mjög algengt t.d. hjá *HREINRÆKTUÐUM* labrador að fá einhverja gigt?

Persónulega þoli ég ekki snobbað fólk, gæti aldrei umgengist það. Mér persónulega finnst þetta vera skortur á þroska hjá fólki.