Ég held að það sé öruggast fyrir þig og Tarzan að hreinlega fjárfesta í öryggisbelti fyrir hann í bílinn.
Þá er hann ekki laus, hann hreinlega gæti valdið slysi ef hann er að hoppa svona frammí.

Ég hinsvegar veit ekki hvað gæti hafa ollið þessari hræðslu hjá honum allt í einu.

Þessi belti fást allavega í gæludýrabúðum, þau eru fest utan um búkinn á hundinum og svo fest í öryggisbelti bílsins.
Ég veit að svona belti hjálpaði mikið hundinum hennar tengdó, sá hundur var alltaf taugahrúga í bíl, en núna er hann voða stilltur.
Held að hundurinn sé stilltari því hann getur ekki vaðið um allan bílinn, leggst bara niður og sofnar svo.

Æji, greyið. Fjárfestu í bílbelti fyrir hundinn…! Þú getur líka notað það sem ól og farið út að labba með hann. Það er það eina sem mér dettur í hug víst þú vilt ekki fá þér búr.

ég mæli líka með bílbelti, ég er alltaf með minn í svoleiðis þó hann hafi nú alltaf verið voða góður í bíl hjá mér.. passaðu þig líka á því að vorkenna honum ekki þá heldur hann að það sé eitthvað til að vera hræddur.. hrósaðu honum frekar ef hann er góður..
ps. svo eru sumir hundar sem geta ekki verið í bíl nema í búri, ég þekki einn svoleiðis.. veit að þú vilt ekki kaupa búr, bara benda þér á það..

Hmm ég mundi bara kaupa mér Belti eða reyna að hafa hundinn sem minns í bílum…Tíkin min elskar að vera í bíl, eitt sinn var hundakofinn hennar Bílinn hans pabba svo hann var bara opinn allan daginn og notaður þegar þess þurfti…Svo einn daginn sendi pabbi mann á bílnum sínum eitthvert í kópavog, en maðurinn vissi ekkert að tíkinni og tíkin gerði ekki neitt því hun elskar svo bíltúra og hann fattaði það þegar hann var í kópavogi að það var hundur í bílnum..hehe ekki eru allir hundar eins. En fáðu þér bara beltið….

hæ,ég á hana emblu irish setter,vinkonu hans tarzans,hún er vanalega mjög góð í bíl,þegar hún er í beltinu sínu,en hún vill sko alls ekki vera aftur í skotti (þegar þess er kostur)þá vælir hún eins og brjálæðingur og reynir að henda sér yfir sætið,ég hef samt lent í því einu sinni að hún tók svona kast svipað og tarzan og þá var hún nú samt í bílbeltinu sínu,hún bara vældi og barðist um og reyndi að snúa sig úr beltinu,þó hún væri í aftursætinu hjá dóttur minni,hún gekk meira segja svo langt að reyna að leggjast ofan á hana,við þurftum að stoppa bílinn nokkrum sinnum á leiðinni og ekkert gekk,svona var hún alla leiðina.En það skrýtna er að svo hefur þetta aldrei gerst aftur,hún er alltaf jafn ánægð að fara í bílinn.Vona að Tarzan lagist,Við verðum nú að komast í næstu settergöngu :) annars væri kannski bara ráð að tala við hundaþjálfara,þeir gætu kannski hafa heyrt um einhver svona dæmi og hafa einhverjar hugmyndir til að hjálpa þér.kveðja frá Emblu og co