Mitt álit er að það eigi að hafa eftirlit með hundunum og ekki láta þá í hendur hvers sem er.
Og ekki banna þá.

kv. Johann

Hefur fólk haft eitthvað slæma reynslu af þessum hundum hérna?

Það er auðvita ræktandans að sjá um það að velja réttu eigendurnar,þó það geti klikkað stundum.Það er líka ræktandans að rækta undan hundum sem eru í lagi í kollinum.

Ég get ekki séð hvernig þeir ætla banna þessa hunda!!það ætti frekar herða eftirlitið með hverjir eru með hunda sem hafa ekkert við þá að gera. Hef sagt það áður að svona öflugir hundar hafa ekkert að gera í höndum aðila sem eru í kast við löginn eða margdæmdir glæpamenn.
Mér finnst líka vanta soldið jákvæða umfjöllun frá ræktendum og ábyrgum eigendum af doberman/ rottweiler. Það er ekki nóg að láta þessa umræðu bara snúast um hvernig fólk heldur að þessir hundar/eigendur séu.
Ég hitti Rottweiler um daginn 1 árs gamla,hún var alveg yndisleg(ofvaxin kelirófa) og á frábæran eiganda.

Kveðja schafe

Mér finnst sjálfsagt að það sé fylgst vel með því hverjir fá hunda af þessum kynjum.
En að setja bann á þessar tegundir yrði bara til þess að auka enn á hræðslu fólks.
Það myndi eflaust hugsa um Doberman og Rottweiler sem kolóð kvikindi ef þeir yrðu bannaðir með öllu hérna.

Ég vil aðeins að útvaldir aðilar fái þessa hunda, og að það yrði að skylda seljendur til að afla sér góðra upplýsinga um fólkið sem kaupir þá, jafnvel að fá meðmæli með þeim.

Ef að það yrði gert, þá efast ég um að kæmu upp nein vandræði varðandi þessa hunda, og þjóðfélagið myndi taka þá í sáttina.

Það verður að taka tillit til þess að flest fólk sem er hrætt við þá hefur ekki séð þá öðruvísi en slefandi urrandi og bítandi í bíómyndum, aldrei séð þá sem gæludýr.
Náttúrulega eru þetta engin gæludýr þannig séð, þeir þurfa að hafa eitthvað fyrir stafni, enda vinnuhundar.

Á að banna þá, þeir eru brjálæðir hundur sem drepa allt og alla.

ég held að það ætti ekki að banna innfluttning þessara tegunda, ef að þær fá rétta ummönnun.
Fólk ætti kannski að sækja námskeið og þurfa að sýna leyfi ti lað fá hundana…??

Ég hef alls ekkert á móti þessum hundum…!!

Ég held að það væri ráð að breyta reglunum í svipað og að fá byssuleyfi. Þar þarf að taka bóklegt og verklegt námskeið og próf til að fá að kaupa byssu. Það myndi skila ábyrgari hundaeigendum og fólk myndi einnig hugsa sig betur um áður en það fær sér hund. Það er allt of mikið um að fólk fær sér hvolp sem það losar sig svo við þegar hann er ekki lengur lítill og sætur.

Ég veit samt að þetta mun sennilega aldrei vera gert og er eflaust flókið í framkvæmd þar sem ekki eru nærri öll got skráð. Allavega engin blendingsgot held ég.

Geta ekki allir hundar verið hættulegir. Þetta er bara spurning im uppeldi á hundinum. Dobermann og Rottwiler hundar eru eingir bitvargar ef þú elur þá rétt upp. EKKI SATT!!!!!

Sæll, Mig langar fyrst til að segja þér að fyrir svona 4-5 árum voru þessar tegundir bannaðar hér, nú svo fór fólk að kvarta af hverju þessari tegunum. Rökin voru þau, að þeir þóttu vera grimmir og stórhættulegir fólki, nú svo fór að þeir fengu leyfi til að vera, en það sem gerist er það, að meiri en helmingur þessara hunda lenda í höndum á svo kölluðum handrukkunum og hjá fólki sem er í eiturlyfjum, ef að ræktendur hefðu fylgst með hvert og hvernig þeim vegnaði, væri þessi staða ekki svona í dag. Þeir verða bannaðir, það hef ég eftir öruggum heimildum. Þannig að það eru ræktendur sem eyðileggja fyrir fólki sem vill fá sér þessar tegundir, ég kenni þeim alfarið um að þeir verða bannaðir, þarna getum við bara ásakað ræktendum, og engum öðrum, ég kalla þetta græðgi á hæsta plani.

eru þeir ekki bara þjálfaðir til að býta þessir hundar, ég meina er ekki alveg hægt að þjálfa þá venjulega og gera úr þeim heimilishund?

Oftast er þetta bíómynda hræðsla í fólki með þessa hunda. Þetta eru prýðis varðhundar en geta samt verið meiriháttar gæludýr, rétt eins og hver annar seppi. Þeir eru samt sem áður árásagjarnari en t.d. íslenski hundurinn. Þó fer það allt eftir uppeldi og ummönnun.
Tek dæmi um þann íslenska að það er í eðli hans að reka rollur. Læknir einn átti svona hund og þegar hann fór upp í bústað og seppi með var hundur ekki lengi að reka allar rollur lengst í burtu. Óbeðinn. Aftur á móti nokkrum árum síðar þegar sá íslenski var fallinn frá og læknirinn kominn með nýjan hund, sá var af labrador-kyni. Hafði ekki minnsta áhuga á rollunum. Þefaði af blómunum og hafði það náðugt og lét eigandann ekki skipa sér fyrir með að reka rollurnar í burtu.
Enga hunda skal banna, eftirlit er það sem þarf þegar kraft miklir hundar eru annars vegar.

Hef það ekki lengra,
Siggibet

Eru ekki allir hér með það á tæru að það eru ekki til slæmir hundar….aðeins slæmir hundaeigendur. Svona rétt eins og ekkert barn fæðist fullt af illsku og hatri, það er lærð hegðum eins og grimmd hunda.

Því ekki þá bara að banna alla hunda???
eins og ég hef áður sagt, íslendingar eru aular sem láta einhverja stjórna sér og segja sér fyrir verkum.

með kv. Íslendingur og hundaeigandi

Ég hef aldrei átt hund, en ég hef rekist á Doberman og Rottweiler og mér sýnist þeir bara vera hin ljúfustu gæludýr. Það að banna hundategundir vegna þess að einn og einn fáráður getur ekki alið upp hundinn sinn er fáránlegt og ekki hægt að rökstyðja. Þetta er bara enn eitt dæmi um fávisku manna sem bitnar á dýrunum.

Mér finnst rosalega asnalegt að það sé verið að banna þetta.
Sko..ég frétti að fólk eða einhverskonar rukkarar
eða svo, noti þessa hunda til að hræða fólk og þeir bara ota grey dýrunum á fólkið…..
Ég þekkti Dobermann hund (sem flutti síðasta sumar..)hún var rosalega góð..
En ég hef heyrt að svona hundar verði einhvern vegin taugaveiklaðir eða einhvernveginn soleis,
og þeir settir í einangrun.
ég verð bara að segja að ég er algjörlega á móti þessu!!!!

Kveðja,
Minny12

Mér finnst rosalega asnalegt að það sé verið að banna þetta.
Sko..ég frétti að fólk eða einhverskonar rukkarar
eða svo, noti þessa hunda til að hræða fólk og þeir bara ota grey dýrunum á fólkið…..
Ég þekkti Dobermann hund (sem flutti síðasta sumar..)hún var rosalega góð..
En ég hef heyrt að svona hundar verði einhvern vegin taugaveiklaðir eða einhvernveginn soleis,
og þeir settir í einangrun.
ég verð bara að segja að ég er algjörlega á móti þessu!!!!

Kveðja,
Minny12

Veit einhver hér, eftir áræðanlegum heimildum, um dobermann eða rottweiler sem hefur bitið einhvern og hversu oft það hefur þá komið fyrir??
Sjálf hef ég aldrei heyrt um neinn hund af þessum tegundum sem hafa bitið nokkurn mann (að frátöldum Jóni hundaeftirlitsmanni, veit ekki hversu alvarlegt það var). Ég hef bara heyrt sögur um einhvern sem þekkti einhvern sem átti frænda sem sá dobermann ráðast á hund o.s.frv… kjaftasögur sem í mörgum tilfellum magnast upp og breytast eftir því sem þær fara manna á milli.
Þeir dobermann/rottweiler hundar sem ég hef komist í kynni við er allir blíðir og hafa ekkert gert af sér.
Ég er alveg tilbúin til að mæta ef það verður haldinn einhver fundur um þessi mál, jafnvel þó að þessir hundar verði ekki bannaðir, að þá er ekki vitlaus hugmynd að eigendur og ræktendur þessara tegunda taki sig saman og láti gott af sér leiða. Kynna þessar tegundir og reyna að breyta þessum fordómum og vanþekkingu sem virðist öllu ráða þessa dagana.

Kveðja, Tristen.

Langaði bara að benda þeim sem lítið vit hafa á Rottweilernum að það er komin Íslensk Rottweilersíða upp. (smá pimp hér) :Þ
http://www.iso.is/rottweiler/

Það er alveg satt að ræktendur hafa ekki verið að standa sig sem skyldi í eftirliti með hundum sem þeir selja frá sér af þessum tegundum. Það er í raun mikið þeirra að velja væntanlæga eigendur og er það mjög sorglegt hversu margir þessarra hunda hafa farið á flakk. Ef við skoðum aðra ræktendur sem eru með aðrar tegundir þá eru þeir sem eru að standa sig eitthvað vel yfirleitt að hafa eftirlit með hundum frá sér og ef eitthvað kemur upp á þá taka þeir þá til baka. Með þetta huga verður nú eiginlega að segjast að dobermaninn hefur orðið verr úti en rottinn því hann hefur verið ræktaður lengur (fleiri got). Það er mjög sorglegt að miðað við það hversu ung tegund dobermaninn er hversu illa er búið að fara með hann. Það er mikið til af hundum á landinu en það er búið að skapgerðarmeta fáránlega fáa. Af öllum hundunum á landinu er búið að skapgerðarmeta 6 doberman og engan rotta.

Þegar kemur að mínum doberman hundi (sem ég er annar eigandi að) þá hef ég reynt að gera eins mikið og ég hef getað með hann. Það eru samt alls ekki nógu margir aðrir sem hugsa eins því í raun eru um eða yfir 60 doberman hundar á landinu.

Þetta er tegund sem skiptir mig miklu máli og ég mun berjast við það að reyna að breyta hugmyndum fólks um þessa hunda. Ég hef séð þó nokkuð af þeim í röngum höndum, þá hjá fólki sem fær sér þessa tegund í misjöfnum tilgangi og hjá fólki sem gerir sér ekki grein fyrir því að þetta er vinnuhundur ekki mubla!

Það er eins og ég sagði að miklum hluta til ræktendum að kenna hvert hundarnir fara, einn er fluttur úr landi, einn er að framleiða þá á Dalsmynni, og öðrum virðist vera saman (ATH ekki algilt). Við verðum bara að vona það að ræktendur framtíðarinnar hafi meiri metnað og meira vit í kollinum.

kveðja zheelah, doberman eigandi og áhugamaðu

Það er eitt sem mig langar til að vita, afhverju segir enginn neitt í sambandi við það að það er vitað mál, og ekki það þýðir ekkert fyrir neinn að neita því, að Dobermanhundar hafa drepið aðra hunda út á Geirsnefi, einnig hafa Scheffer og Rottweiler gert það líka, það þýðir ekkert að mótmæla þessu, því þetta er helber sannleikur, ég skora á þá sem eiga hlut að máli að gefa sig fram, reyndar er það óþarfi, því þetta er eins og staðan er í dag, er þá nokkur furða að fólk sé hrætt við þessa hunda, ég bara spyr, en ég hlusta ekki á mótmæli, því sannleikurinn er jú það sem máli skiptir.

Ég vildi bara benda á, þar sem að það eru svona margir ábyrgir doberman og rottweiler eigendur hérna inni, að ef hundarnir eru skráðir í HRFÍ þá hvet ég ykkur eindregið til þess að fara með hundana í skapgerðarmat, næsta mat verður í maí. Með þessu mati er hæst að komast að því hvort að það eru í raun einhver vandamál með þessa hunda hér á landi, eða hvort að líkt og þeir hundar sem hafa verið prófaðir hafa sýnt (en þeir eru fáir) að það sé allt í góðum málum.

Að banna einhverja ákveðna hunda er frekar fáranlegt, sérstaklega af því að einhver er hræddur við þá.
Ég hef það á tilinningunni að þó svo að meðfædd skapgerð hundsins spili sitt hlutverk í því hvernig hann hagar sér í kringum aðra hunda, þá sé það að mestu leiti á ábyrgð eiganda og þjálfara að sjá um að hann skilji muninn á réttu og röngu.
Það er hægt að taka afar friðsælan hvolp og ala hann upp í að verða grimmur varðhundur, og dóbermann eru nú ekkert svo grimmir í eðli sínu, en þér eru oft uppaldir til að verða það.

Það sem ég er að reyna að segja er að það ætti að velja eigendur hunda vel, því að það getur ekki hver sem er alið upp hund.

T.d. þá eiga nágrannar pabba míns á Garðabænum bolabít, en sá hundur er búinn að bíta dætur þessa nágranna tvisvar, og hlýðir engum skipunum og gerir það sem honum sýnist, og þessum nágranna finnst þetta allt í lagi.
…Ég spyr, hvar liggur rót vandans, hjá eigandanum eða hundinum?

Smá fróðleikur um reglurnar:
Óheimilt er að halda hunda af eftirtöldum tegundum:
a. Pit Bull Terrier
b. Fila Brasileiro
c. Toso Inu
d. Dogo Argentino
e. Blendinga af ofangreindum tegundum
f. Blendinga af úlfum og hundum
g.—– Aðrar tegundir sem hættulegar eða óæskilegar eru að fenginni reynslu eða mati sérfróðra aðila.——————-

Grimmir, varasamir og hættulegir hundar. Aflífun.
19. gr.
Hafi eigandi hunds eða eftirlitsaðili ástæðu til að ætla að hundurinn sé grimmur eða varasamur, skal eigandi sjá til þess að hundurinn sé ávallt mýldur utan heimilis síns.
Ef hundur telst hættulegur, getur eftirlitsaðili, tjónþoli eða forráðamaður hans krafist þess að hundurinn verði aflífaður og er þá skylt að verða við þeirri kröfu, enda hafi verið leitað álits sérfróðra aðila, s.s. dýralæknis eða hundaþjálfara, sem viðurkenndur er af Heilbrigðiseftirlitinu, áður en ákvörðun um aflífun er tekin.

Sérstaklega liðurinn G.
Þar sést hverjir ráða þessum málum.
HVERJIR eru það??????
Þarna sést það líka hvað það er mikilvægt að við gerum eitthvað í þessum málum, áður en þessir sérfróðu aðilar gera eitthvað til að banna þá.
Stöndum saman og verjum orðróm þessara hunda.
Þeir hafa FULLAN rétt á sér.

Mér finnst það bara rugl að það eigi að banna þá!
Það fer bara eftir því hvernig fólk elur hundana hvort þeir séu grimmir og bíta!! Bróðir minn á 7-8 mánaða Rottweiler og hann er besti hundur sem er til! Hann hefur alldrei bitið neinn og það er svo auðvelt að kenna þeim!!!!
Það ætti ekki að láta fólk sem hefur enga reynslu af hundum fá að kaupa sér þá.

Jóhanna