Chihuahua? Nei.
Mæli frekar með Papillon ef þú ætlar að fá þér smáhund. Vinur minn á þannig hund. Hann er mjög skemmtilegur, vælir ekki og pissar úti. Ef ég fengi mér smáhund fengi ég mér þannig og ég mæli hiklaus með þeim.

Sjálfur á ég íslenskan hund og við áttum annan svoleiðis á undan honum. Þeir geta verið mjög skemmtilegir en líka mjög leiðinlegir.

Gelt:
Það loðir við þá að þeir séu geltnir sem er satt að vissu leiti en ekki algilt. Gamli voffinn minn gelti nánast stöðugt en hinn geltir mjög lítið. Merkilegt líka að það heyrist ekki í þeim ef einhver er sofandi.

Hárlos:
Þeir eru til bæði loðnir og snöggir en ég held að þeir fari álíka mikið úr hárum, bara misstór hár :p Það þarf samt ekki að kemba þeim á hverjum degi, það er bara spurning um það hversu pjattaður þú vilt vera með hundinn þinn.

Þeir eru mjög blíðir, húsbóndahollir, barngóðir, glaðlyndir og alltaf til í leik. Gamli voffinn minn lék á fullu við nýja hundinn, sem þá var hvolpur, en sá gamli var orðinn 12 ára gamall! Það er líka mjög auðvelt að kenna þeim allskonar skipanir og brögð og það verður ekkert erfiðara með aldrinum. Ég mæli eindregið með þeim en passað þig bara á því að fá hund sem er ekki geltinn!
Það er auðvelt að fara með þá í ferðalög, þeir taka lítið pláss og fagna útiveru.

Ef þú ert annars að leita þér að hundi sem geltir ekki neitt þá mæli ég með Labrador. Ég held að ég hafi aldrei heyrt þannig hund gelta… Enda hlýtur að vera ástæða fyrir því að veiðimenn nota þessa hunda svona mikið :p


Hafðu það svo bara í huga að það er mikið af slæmum ræktendum þarna úti. Það er ekki sniðugt að lenda á hundi með alvarlega sálfræðilega galla, bældir, geðveikir osfrv. Reyndu helst að fá hund frá einhverjum sem þú þekkir og treystir.

Hvað með Pug? Eru þeir ekki svo kelnir og þægilegir, stuttur feldur, litlir göngutúrar afskaplega hændir að fjölskyldunni sinni (reyndar að öllum… talað um að í stað þess að gelta að innbrotsþjófi þá myndu þeir reyna fá hann til að leika við sig eða klappa). Reyndar veit ég ekki hvernig er að kenna þeim og hvernig er að hafa þá með börnum… spurning hvort að Pug hér á huga gæti ekki frætt þig betur um það. Hún er sérfræðingur í þeim, veit barasta allt um tegundina. Eini ókosturinn sem ég hef heyrt um þá er sá að þeir séu svo félagslyndir að ef þeir eru einir heima allan daginn þá eiga þeir til að verða þunglyndir, en það er hægt að laga með að hafa tvo pug-a. Einnig þarf að hreinsa fellingarnar framan í þeim.
Ég sá þátt um Pug einu sinni og þá var sagt sem svona almennt skapgerðareinkenni á Pug væri að þeir vilja bara fá að elska eigandann sinn og vera elskaður á móti. Það er hreinlega tilgangur lífs þeirra, og alveg toppurinn á tilverunni hjá þessum litlu krúttum.
Kv,
angie
og gangi þér vel í leitinni að hinum “ fullkomna ” hundi

Hæ EstHer

Chihuahua: Mér finnst þeir voða sætir og skemmtilegir en veit um marga svoleiðis sem eru ekki 100% húsvanir fyrr en allt að 6 mánaða eða eldri. Mín Poodle tík varð húsvön á 2 vikum eða eitthvað. Sem sagt áður en hún varð 3ja mánaða. Annars held ég að þú takir ekki mikið eftir hárunum sem Chihuahua missir mikið, enda lítið flatarmál af feld miða við stærri tegundir. Svo geta þeir náttúrulega verið barngóðir ef þeir alast upp með börnum en þeir eru svo litlir að það er auðvelt fyrir óvita að meiða þá, allavega auðveldara en Labrador að aðra sterkbyggða hunda. Margir gelta mikið en það er bara eins og með marga hunda að fólk nennir ekki að taka fyrir það. Feldhirða lítil með snögghærðan, aðeins meiri með síðhærða.

Beagle: Þrjóskir, já. Vitlausir, Nei! Þeir geta verið erfiðir, sérstaklega fyrir óvant hundafólk, en ef maður heldur sér við efnið og gefur þessu tíma þá kemur út yndislegur hundur. Þeir eru með sterkt þefskyn og eiga það til að flakka vegna þess (elta lyktina langa leið) en vel agaður hundur er hlýðinn hundur. Mér finnst þessir hundar algjör snilld! Rosalega skemmtilegir og ótrúlega fallegir og vel gefnir. Þeir geta alveg lært trikk og svoleiðis líka, ef þú nennir að kenna þeim það. Barngóðir hundar með mjög litla feldhirðu.

Annars er Poodle bestur! Hehe..já ég á einn svoleiðis og hann er snilld. Eins og ég sagði var hún enga stund að læra að gera sitt úti (reynda fyrsti hvolpurinn í gotinu til að læra það) og kann allskona trikk. Hún er orðin 5 ára og ég get enn kennt henni ný trikk auðveldlega, tekur bara nokkur skipti og hún kann það. Ég er með millistærð af Poodle en það er til Toy poodle sem er minni. Hún þar enga rosalega hreyfingu, bara göngutúr og/eða leik í garði en best er að taka góðan göngutúr daglega til að hundurinn verði hamingjusamur :) Hún fer ekki úr hárum en þarf klippingu öðru hverju, það á að fara með þá á 6 vikna fresti en það er í lagið að lengra líði á milli ef þú nennir að greiða hundinum og sért sama þó hann verði soldið loðinn ;) Annars eru Standard Poodle held ég barnavænni en minni tegundirnar (aðallega því litlu eru viðkvæmari, má ekki vera of harðhentur) en ef hvolpurinn venst börnum verður hann örugglega barnavænn. Poodle elska að láta knúsa sig og kjassa og vilja allt fyrir mann gera, hún er 5 ára og ennþá talað við hana eins og þegar hún var hvolpur…litla sæta dúllan ;)

Annars getur þú líka pælt í Papillon, Tibetian Spaniel og Pomeranian, þeir eru allir æðislegir smáhundar. Þekki ekki Cavalier og Basset hound nógu vel en held að það sé ekki mikið af Basset hound til, veit annars ekki. Fá svo að hitta hunda ræktenda og vita hvenig þeir eru og hvernig þér líkar við þá, þá sérðu kannski frekar hvort þér líkar við þessa eða hina tegundina.
jæja vona allavega að þetta hjálpi þér eitthvað við valið.

Ég á Beagle tík og hún er þrjósk en hún hlíðir öllu!, það þarf bara mikla þolinmæði og þá verða þeir algjörir englar.

AM. Cocker Spaniel hann fer ekki úr hárum eins og Cavalier og einnig þónokkuð fallegri.

ég átti Beagle hund,hann var afskaplega erfiður gat engan vegin verið einn heima. Hef heyrt að þeir séu rosalega erfiðir eins og minn var, en þeir eru afskaplega fallegir og góðir með börnum.
Cavalier er hundur sem mig langar afskaplega mikið í, er bara búin að lesa um hann og hann virðist vera yndislegur : )
Gangiþér vel

Má ég benda þér á einn hund?? það er Norfolk Terrier, hann er alveg agaleg mikil dúlla, lítill og orkumikill, á hvuttar.net stendur þetta um hann:

Norfolk Terrier er einstaklega skemmtilegur lítill hundur, orkumikill, elskulegur, aðlagandi og í góðu jafnvægi. Hann er yfirleitt auðveldur í þjálfun. Þótt þeir séu litlir hafa þeir nær endalausa orku og hafa gaman af því að leika við börn. Norfolk Terrier nýtur þess að vera einn af fjölskyldunni og honum semur vel við alla fjölskyldumeðlimi, þar á meðal aðra hunda. Hann þolir kalda veðráttu vel. Norfolk Terrier er góður varðhundur, sem lætur vita ef ókunnugur nálgast húsið.

Semsagt…. eini ókosturinn er að hann geltir! ! !

Sæl EstHerP

Cavalier: Pabbi á þannig hund, hann er á fimmta ári núna minnir mig. Hann er ekkert hrifinn af börnum þó svo að hann hafi alltaf verið í kringum börn, urrar ef þau eru of nálægt honum og hann vill alls ekki að þau séu að vesenast eitthvað í honum. Hann er ekkert fyrir það að láta segja sér að sitja, liggja o.s.frv. og það tók pabba tæpt ár að venja hann á að gera þarfir sínar úti. Samt ætla ég alls ekki að segja að allir cavalier hundar séu svona, þetta er bara eini hundurinn af þessari tegund sem ég þekki.

Chihuahua: ég á 3 tjúa og þeir eru allir frábærir! Ég var ekki í neinum vandræðum að venja þá, sá fyrsti sem ég fékk lærði á þremur dögum að pissa í kattakassa(bjó í blokk þá). Svo lærði hann að láta vita þegar hann þurfti út, ekki mikið mál þar. Hinir tveir sem ég á eru bara með kattakassa og nota hann alltaf. Það tók innan við viku að kenna þeim á hann svo ég hef ekki lent í neinum vandræðum með það. Mínir hundar eru rosalega mannelskir, dýrka börn jafnt sem fullorða, troða sér í fangið á öllum til að fá knús. Þeir gelta ekki mikið, aðallega ef þeir heyra einhvern koma og það er ekki til taugaveiklun í þeim. Kannski hef ég bara verið heppin með mína hunda því ég hef ekki lent í neinu veseni með þá eins og svo margir virðast hafa lent í.

Basset hound: veit eiginlega ekkert um þessa tegund en mér finnst þeir alger krútt! Er byrjað að rækta þá hérna? Hef bara séð einn slíkan hér..

Beagle: hef ekki kynnt mér þessa tegund heldur en bara heyrt að þeir séu orkuboltar og þurfi góðan aga. Með röngu uppeldi geti þeir orðið erfiðir og einnig að þeir séu mjög gjarnir á að strjúka og elski að grafa holur út um allan garð.

Pomminn er líka tegund sem mér finnst frábær. Ég á einn pomma og hann er yndislegur. Mjög gott að kenna honum, alltaf til í að leika sér og finnst gott að kúra og fá knús. Þeir pommar sem ég hef kynnst eru mjög barngóðir og þægilegir í alla staði.

Gangi þér vel að finna rétta hundinn og endilega láttu vita hvernig fer! :)

Bestu kveðjur, T.

Ég á nú 2 Silky Terrier. Mínir gelta nánast ekki neitt..það koma nokkur bofs þegar dyrabjallan hringir og smá hljóð ef einhver nálgast húsið. Ég held að það sé spurning um hvernig þú elur hundinn þinn upp. Silky fer ekki úr hárum, eru litlir, kúka lítið og borða lítið…semsagt mjög þægilegt. Og næg hræfing fyrir þá eru að hlaupa nokkra hringi inni hjá manni ef maður getur ekki farið í göngutúrinn. Silkyin þarf mikinn aga og þegar þú ert kominn á rétta braut þá gerir hann allt fyrir þig…mjög auðvelt að kenna þeim. Við vorum með 2 bræður á hvolpanámskeiði og þeir stóðu sig mjög vel..einn fékk 10 og einn fékk 9,7 í einkunn…það ætti að sýna hvað það er auðvelt að kenna þeim…og núna erum við að kenna þeim allskyns kúnstir og það tekur stuttan tíma þegar maður er kominn með grunnþjálfun í þessu. Það er amk mín reynsla og fólk hefur einmitt verið að segja við mig hvað þeir eru alveg frábærir og hvað þeir eru góðir hundir. Hafi ekki vitað til þess að þeir væru svona ljúfir og auðveldir í meðförum. Svo held ég að í sambandi við börn og terrierhunda…þá er það líka spurning um að kenna þeim að umbera börn..alveg eins og með aðra hundategundir. Það hefur nú oft verið orð á því að smáhundar og börn lyndi ekki vel saman, því að oft er verið að banna börnum að vesenast með litlu hundana, sem gefur þeim hundum þau skilaboð að börn eru hættuleg. Ég er með 2 börn á heimilinu og ég hef óhikað leyft þeim að vesenast með hundana. Ég kenndi mínum börnum hvernig á að umgangast þá..sem og hundunum. Ef þeir fóru að urra á börnin mín, þá tók ég í þá og almennilega. Þetta er bara spurning um ákveðni fyrstu 1-2 árin og þá eru þetta eins og ljúflingar. Ég held að fólk bara hreinlega taki ekki þetta nógu föstum tökum, eins og með þetta urr og gelt gagnvart öðrum hundum og mönnum strax í byrjun. Það þarf að taka á þessu strax…ekki á morgun. Svo eru eflaust hundar eins misjafnir og þeir eru margir.

Þannig að ég mæli með Silky Terrier, duglegir, gáfaðir og mjög auðvelt að kenna þeim, hafa yndi af því að hlaupa um allt og elska mann út af lífinu…njóta þess að kúra hjá manni og það er bara svo margt jákvætt..að þetta neikvæða hverfur alveg. Maður þarf að átta sig á eðli hundategundarinnar, þá gengur betur að ala þá upp.
Þegar þú síðan kaupir þér hund, þá myndi ég skoða mjög vel aðstæður hjá tíkinni og hvernig umhverfi þeir alast upp í fyrstu vikurnar. Það skiptir gríðarlegu máli upp á skapgerðina. Og líka hvernig skapgerð foreldrar hvolpsins hafa.
Gangi þér vel!

Þetta er erfið ákvörðun úrvalið mikið en það er gott að nota útilokunaraðferðina.

Ég þekki ekki mikið þessar nýju tegundir en á Chihuahua og hann er alveg yndislegur og fer út að gera þarfir sínar er ekki í búri en hefur púða sem hann liggur á og sefur á á daginn þegar hann er einn. Hann er loðin en verð ekki mikið vör við að hann fari úr hárum hann er stundum svolítið hvumpin eða bregður svolítið en gelti ekki mikið.

Basset eru alveg yndislegir þekki konu sem á tík og hund en tíkin er víst full ung 1 1/2 held ég en hundurinn er eldri þannig að það verða ekki hvolpar fyrr en á næsta ári og það verða fyrstu Basset hvolparnir hér á landi trúi ég veit reyndar um hund annars staðar en held að það sé ekki tík þar.

Mæli ekki með Silki Terrier allavega ekki tíkum þær eru að ég hef heyrt eða geta verið grimmar, svo þarf feldurinn mikkla ummhirðu.

Gangi þér vel í að velja

mér finnst flest allir hundar krúttlegir, ég þekki tegundirnar samt ekkert=)
en stelpur mínar…. ekki vera að rífast svona. Lovely var bara að segja að henni líkaði ekki við hunda eins, það var kannski frekar gróft að segja að þeir væru viðbjóðslegir en hún meinti bara eins og fólk klippir þá og setur glingur á þá og eitthvað sem Þeim finnst örugglega ekkert þægilegt. Hún var ekkert að tala illa um hunda almennt.
Kveðja
Sweet =)

Lovely…ef þú lest það sem maður skrifar þá kannski sérðu hvað ég er að meina. Það hafa allir rétt á því að koma sínum skoðunum á framfæri en það þarf ekki að vera með dónalegar athugasemdir,eins og að finnast eitthvað vera ógeðslegt og óþolandi. Það er alveg hægt að segja hlutina á betri máta..og það hefur verið dálítið hér á Huga að fólk er með ljótt orðbragð og segir ekki frá sínum skoðunum á málefnalegan hátt og orðar hlutina betur. Það er hreinlega niðurdrepandi fyrir fólk að senda inn greinar hér og svara þeim þegar fólk er að senda svona harðorð svör með sterkum neikvæðum lýsingarorðum. Það er mín skoðun.
Ég er alveg sammála því að hvernig púðluhundar eru rakaðir finnst mér ekki fallegt. Mér finnst þér miklu fallegri með sinn eðlilega feld. En fólk þarf að vera dálítið opið og kynna sér hundategundirnar vel áður en það dæmir þá. Stundum hreinlega hefur púðluhundurinn í næsta húsi verið leiðinlegur og sígeltandi, en svo er kannski annar púðluhundur í húsinu þar næst við mjög skemmtilegur og góður. Þannig að það er ekki hægt að dæma eina tegund bara sí sona ef maður hefur bara kynnst kannski einum hundi af einhverri tegund.

Ástæðan fyrir því að ég vildi t.d. smáhund, var einmitt út af því að ég er með börn á heimilinu. Þeir eru bara miklu meðfærilegri. Það er tvennt ólíkt að vera með stóran hund og lítinn hund. Ég veit það, þar sem ég hef átt hvorugtveggja. Eitt er víst að ef maður er svo óheppinn að hundurinn manns myndi verða geðveikur og bíta, þá er það betra að hundurinn sé minni heldur en stærri, því ekki myndi ég vilja ímynda mér það ef stór hundur myndi bíta lítið barn..það er á hreinu að það yrði mikið verra en hjá litlum..þó svo að þeir geti gert mikinn skaða.
Og eins og hún sagði hér fyrir ofan, þá skiptir uppeldið öllu máli, alveg sama hvaða hundategund þú ert með.
Og með Silky Terrier, þá er ekki mikil feldhirða á þeim..amk finnst mér það ekki. Maður greiðir þeim einu sinni á dag, skolar af þeim ef þeir hafa pissað mikið utan í feldinn og baðar þá einu sinni í viku, en það er betra fyrir silkyin að baða oftar uppá að flækjur komast ekki í feldinn. Þá er þetta ekkert mál. Það er alltaf einhver vinna að vera með hund…það er alveg á hreinu sama hvaða tegund það er…annars væri þetta ekkert gaman. En lúxusins að vera með hund sem fer ekki úr hárum er bara þvílíkur.
Karlhundarnir eru mjög ljúfir en það er eina við þá er að þeir eru mikið fyrir að merkja í kringum sig og taka tarnir stundum og spræna utan í pífulakið hjá manni og fleira. Og það byrjar um leið og þeir verða kynþroska og það er víst ekkert við því að gera nema þá að gelda þá. Þeir eru rosalega húsbóndahollir og elta mann út um allt.
Varðandi Beagle, þá fékk ég þær upplýsingar á hundanámskeiði sem ég var á að þeir væru nánast ekki með neitt sársaukaskyn og það væri mjög erfitt að skamma þá og taka í þá. Það yrði víst að byrja strax á því að taka almennilega í þá ef þeir væru eitthvað óþekkir og að þeir þekktu muninn á réttu og röngu. Og svo hef ég heyrt að þeir séu ekki húsbóndahollir, hlaupa út í buskann um leið og þeir komast út og koma bara ekkert aftur…en ég hef ekki átt svona hund þannig að ég hef ekki neitt vit á því.
Endilega láttu okkur vita þegar þú hefur ákveðið hvaða hundategund þú vilt. Bíðum spennt hérna…!!

ef þetta er þinn hundur sem er inn í egóinu þínu eða hvað sem það heitir þá finnst mér þannig hundar ekkert ljótir bara aðallega þeir sem eru með svona klippingu þar sem á sumum stöðum er buið að raka eða klippa hárin af

kveðja lovely:)

Sko nú á ég 3 smáhundategundir !

Silky terrier= Ég á tvær tíkur sem eru alveg frábærar, þær eru systur og þær eru mjög samrýndar og hafa ALDREI slegist. Þeir hafa auðvitað aðeins rifið kjaft en engin læti. Feldhirðan er ekki eins mikil og fólk segir það er bara að brsta þær reglulega og þá er þetta ekkert mál. Þetta eru með húsbóndafyllstu hundunum sem ég þekki auðvelt að þjálfa og hlýða þér í einu og öllu. Allaveganna mínar :)

Pomeranian= Algjörar snúllur sem elska að liggja hjá þér uppí sófa og láta að klappa sér. Ég á tvær tíkur og þær eru sætastar í heiminum. Það er svoldil feldhirða en hún er mest þegar hvolpafeldurinn fer úr svo fer það minnkandi. Því það má hvorki baða né bursta of mikið svo undirfeldurinn skemmist ekki. Það er eins og þeir séu alltaf brosandi:) Alveg frábærir hundar í alla staði.

Chihuahua= Ég er nýlega búin að fá mér Chihuahua tík sem er alveg frábær. Hún er snögghærð og þarf því litla sem enga feldhirðu. Það þarf að passa að henni verði ekki kalt hún á því nokkrar peysur til að halda á sér hita :)Hún alveg elskar mömmur sína og vill helst ekki gera neitt annað en að sitja hjá henni og pabba stundum líka;)Hún er alveg svakalega kelin og finnst best af öllu að liggja undir sæng með okkur. Hún gjammar stundum þegar útidyrahurðin opnast en það minnkandi með strangra uppeldi;)

Vonandi hjálpar þetta eitthvað
Kveðja Guðbjörg og hundahjörðin

þú getur farið á hvuttar.net til að finna tegund

en chihuahua eru svoldið frekir vinkona mín á svoleiðis hund

Kæra EstHerP
Ég myndi benda þér á alveg frábæra hundategund
það er Japenes Chin þessi tegund er alveg frábær geltir aldrei fer lítið úr hárum og er mjög barngóð.Þetta eru litlir hundar og alveg svakalega fallegir.
kveðja Bli.

Sæl EstHerP.
Það er ekki mikið framboð á þessum hundum,en næsta got sem ég veit af er í endaðan febrúar.
Tíkur kosta 180 þús en hundar eru á 150 þús.
kveðja Bli

Ég vildi bara segja þér að ég þekki hana Bli og og hundurinn hennar er algjört æði ég mun allaveganna pottþétt fá mér svona seinna :)

Ég mundi náttúrulega tvímænalaust mæla eindregið með Cavalier ég á einn svoleiðis sjálf…. þeir eru mjöööög barnagóðir og það er ekki einneinasti cavalier skapstyggur og þeir verða aldrei grimmir alltaf bara ljúfir og góðir. Þeir fara bara 2 sinnum á ári úr hárum, en auðvitað alltaf einhvað smá allan ársins hring. Það er mjög létt að kenna þeim, minn er búinn að læra að sitjast,liggja,kyrr,komdu,rúlla og heilsa og hlýðir þessu alltaf.

Ég mundi segja nei við chihuahua þeir geta verið mjög grimmir og halda að þeir séu 100 sinnum stærri en þeir eru það fer mjög eftir typum hvort þeir seu barngoðir eða ekki, og lika mjög eftir uppeldinu og heimilisaðstæðum. og þeir gelta endalaust það þarf ekki meira en jafnveld að stappa í gólfið og þá trillast þeir, það mundi ekkert ganga að vera með lítið barn og svona hund.

Mér finnst Beagle persónulega æðislegir en ef það er ekki farið rétt að uppeldinu þá getur allt farið í klúður annars eru þeir æðislega barngóðir rétt einsog cavalierinn. Það er ekki hægt að segja að þeir séu vitlausir, þeir geta bara verið þrjóskir.

Ef það eru einhverjar fleiri spurningar þá endilega láttu vaða.

Kv. Vala

Ég mæli með Labrador, en allir chihuahua hundar sem ég hef séð, gelta geggjað mikið og eru leiðinlegir.