Ég sagði aldrei að það væri pottþétt að það hefðu verið unglingar sem skemmdu þetta. Ég sagði hins vegar að unglingar væru ábyrgir fyrir flestum skemmdarverkum sem eru unnin og það er bara eftir því sem ég þekki af mér og mínum félögum. Hefur þú nokkurn tímann skemmt eitthvað eða einhver sem þú þekktir? Og hvað var þá þú eða viðkomandi gamall?

Skv. minni reynslu þá fara unglingar útí að skemma þegar þeir hafa ekkert annað að gera, jú, sumir fara í skátana eða íþróttir og svo eru hinir sem hafa ekkert að gera og sumir þeirra fara útí að skemma hluti og tagga til að stytta sér stundir en samt alls ekki allir. Hins vegar þegar fólk er komið með bílpróf og farið að taka skólann aðeins alvarlegar eða komið í vinnu, þá hættir það nær undantekningarlaust að skemma hluti. Það er ekki að flækjast á hundaleiksvæðum á kvöldin heldur vegna þess að það er miklu skemmtilegra að t.d. fara á pöbb. Unglingar eru hins vegar miklu líklegri til að fara með landann sinn inn á slík svæði þar sem þeir mega hvergi drekka.

Þú spyrð hvort ég gæti fullyrt að einhver sem keyrir fullur sé karlmaður. Ég tók það fram í því sem ég skrifaði að það væri ekki hægt að fullyrða að svo væri en það væri hins vegar hægt að segja að það væri líklegra.