Þrír menn voru að ganga niður götu þegar þeir snarstoppa allt í einu fyrir framan einhverja klessu á gangstéttinni.

Sá fyrsti beygir sig niður, skoðar klessuna vel og vandlega og segir svo: “Þetta lítur út alveg eins og hundaskítur.”

Næsti beygir sig líka niður, potar í klessuna, ber fingurinn upp að nefinu, þefar og segir svo: “Þetta lyktar eins og hundaskítur.”

Sá þriðji beygir sig niður við hlið hinna tveggja, potar líka í klessuna og smakkar á henni, að því loknu segir hann: “Þetta bragðast eins og hundaskítur.”

Þá stendur sá fyrsti upp, réttir úr sér og segir: “Hjúkket maður, eins gott að við stigum ekki í hann!”

_______________________________

Tveir menn voru að ganga niður götu nálægt Laugaveginum og haltra báðir. Annar spyr hinn af hverju hann haltri og hann svarar: “Ég var skotinn í fótinn í stríðinu og hef ekki jafnað mig almennilega….. En hvað með þig? Af hverju haltrar þú?”

Þá svarar hinn að bragði: “Hundaskítur hinum megin við hornið”