Vinirnir Jónas og Guðmundur áttu það báðir sameiginlegt að þeir voru
bæklaðir. Guðmundur var með stóra og ljóta kryppu, en Jónas var með
klumpufót. Þeir lögðu það í vana sinn að drekka nokkra bjóra á hverju
kvöldi í krá einni og ganga síðan heim eftir lokun.

Þannig háttaði til að á milli heimila þeirra og kráarinnar var gamall
kirkjugarður og þar sem þeir voru báðir mjög hjátrúarfullir gengu þeir
alltaf hringinn í kringum kirkjugarðinn í staðinn fyrir að fara í
gegnum hann.

Kvöld eitt var Guðmundur búinn að fá sér nokkuð mikið fleiri en
venjulega og sagðist ætla að ganga í gegnum kirkjugarðinn. Jónas
reyndi að telja honum hughvarf, en ekkert gat skemmt það hugrekkiskast
sem Guðmundur var kominn í. Þeir vinirnir skildu því við
kirkjugarðshliðið, því ekki þorði Jónas að fara inn í garðinn um
nótt.

Þegar Guðmundur var kominn langleiðina í gegnum kirkjugarðinn stökk
Djöfullinn sjálfur allt í einu fram undan einum legsteininum.

“Hver ert þú?” spurði Djöfullinn. “Gu-Guðmundur heiti ég,” sagði
Guðmundur og var að gera í brækurnar af hræðslu.

“Hvert ert þú að fara?” spurði sá Svarti. “He-he-heim til mín,” sagði
Guðmundur og benti skjálfandi hendi.

“Heyrðu,” sagði Skollinn og horfði stíft á Guðmund, “hvað ertu með
þarna á bakinu?” “Á bakinu?” át Guðmundur upp eftir honum. “Þetta er
bara kryppa.”

“Komdu með hana,” sagði Djöfsi og hrifsaði af honum kryppuna.
Guðmundur rétti þá úr bakinu og hljóp glaður heim til sín.

Kvöldið eftir hittust þeir vinir aftur á kránni og Guðmundur sagði
Jónasi alla söguna. Jónas sá sér þá leik á borði að losna við
klumpufótinn og fór inn í kirkjugarðinn á leið heim. Það bar allt við
eins og áður, Djöfullinn stökk fram undan legsteini og spurði eins og
áður:

“Hver ert þú?” “Jónas heiti ég,” sagði Jónas og það var ekki laust
við að hann findi til smá hræðslu.

“Hvert ert þú að fara?” spurði sá Svarti. “Heim til mín,” sagði Jónas
og benti þangað.

“Heyrðu,” sagði Skollinn og horfði stíft á Jónas, “hvað ertu með á
bakinu?” “Á bakinu?” sagði Jónas, “Ekkert.”

“Nú, jæja,” sagði Djöfsi þá. “Hérna er kryppa handa þér.”
<br><br><b>******************************************************************************************

I do what I do, I am who I am, if you don´t like it……PISS OFF
-psycho 2001</b>

líttu á heima síðuna mína <a href="http://kasmir.hugi.is/psycho“ target=”_blank“>hér</a>
skrifaðu mér <u><b>HATE MAIL</u></b> <a href=”http://pub.alxnet.com/guestbook?id=2197398“ target=”_blank">hérna</a