Jónas fékk vinnu hjá Vegagerðinni á Vestfjörðum og var sendur upp á heiði til að athuga vegstikur og moka oní verulega stór hvörf í veginum. Þegar Jónas er búinn að vera óeðlilega lengi uppi á heiði fer verkstjórinn í talstöðina, kallar hann upp og spyr hann hvort ekki sé allt í lagi.

„Það er smá vandamál hérna,“ segir Jónas. „Ég keyrði á einhverja helvítis skeppnu hérna uppi á miðri heiði og hún er enn föst á grillgrindinni!“

„Þetta kemur fyrir,“ sagði verkstjórinn og bölvaði fjárbændum hressilega. „Dragðu bara hræið út af veginum og við látum athuga þetta í fyrramálið.“

„En það er einmitt vandamálið. Skeppnan er ekki dauð. Hún er föst í grindinni og emjar og ólmast ef ég kem nálægt og ég er hræddur um að ég geti slasast ef ég fer eitthvað að fást við hana.“

„Sko, það er kindabyssa hægra megin í hanskahólfinu og þú getur notað hana til að skjóta skeppnuna. Dragðu svo skrokkinn útaf veginum svo enginn annar keyri á hann og komdu svo heim,“ sagði verkstjórinn.

„Ókei,“ sagði Jónas.

Enn leið hálftími og ekkert bólaði á Jónasi, svo verkstjórinn kallaði hann aftur upp og spurði hvort það væri ekki allt í lagi.

„Ja, ég gerði eins og þú sagðir, en ég er enn fastur.“

„Hvað er nú? Dróstu ekki skrokkinn útaf veginum eins og ég sagði þér?“

„Jú, en mótorhjólið hans er enn fast undir bílnum.“
<br><br><b>******************************************************************************************

I do what I do, I am who I am, if you don´t like it……PISS OFF
-psycho 2001</b>

líttu á heima síðuna mína <a href="http://kasmir.hugi.is/psycho“ target=”_blank“>hér</a>
skrifaðu mér <u><b>HATE MAIL</u></b> <a href=”http://pub.alxnet.com/guestbook?id=2197398“ target=”_blank">hérna</a