Þetta á víst að vera sönn saga.

Fyrir nokkrum árum ákváðu nokkrir verkfæðingar hjá NASA að hanna sérstaka kjúklingafallbyssu svo þeir gætu prófað þol framrúðna á geimflaugum gegn fuglum á flugi. Eftir að þeir voru búnir að prófa græjuna þá fréttu nokkrir franskir verkfræðingar af þessari fallbyssu og fengu hana lánaða. Þeir ákváðu að prófa hana á hraðlest. Þeir skelltu fallbyssunni upp rétt hjá lestarteinunum og sendu hraðlestina af stað á hæsta mögulega hraða. Þegar þeir skutu af fallbyssunni þá mölvaðist framrúðan, kjúklingurinn hélt áfram í gegnum stjórnborðið, braut stólbakið á stólnum og festist loksins í veggnum aftast í stjórnklefanum. Frakkarnir urðu alveg miður sín og sendu fallbyssuna aftur til baka og spurðu NASA verkfræðingana hvað gæti hafa farið úrskeiðis. Nokkrum dögum seinna fengu frakkarnir bréf frá NASA og í því stóð tvö orð: Afþíðið kjúklinginn…