Ömurlegur dagur

“Hvernig var í vinnunni elskan?” spurði eiginkonan.
“Þetta var einn versti dagur sem ég hef upplifað,” sagði eiginmaðurinn sem vann hjá Landgræðslunni.
“Ég flaug óvart á rafmagnslínu og sleit hana og var tekinn rosalega í gegn af yfirmanni mínum fyrir það. Svo var ég hundskammaður af Flugmálastjórn og hún Herdís tók af mér flugskírteinið tímabundið. Ég fór á pöbb núna seinnipartinn og ætlaði að drekkja sorgum mínum í bjórglasi. Mér var réttur volgur bjór og ég spurði eðlilega hvort ég gæti ekki fengið kaldan bjór?. Barþjónninn sagði: ”Þú verður að afsaka en einhver flugmannshálfviti sleit rafmagnslínu í morgun og rafmagnið er nýkomið á“”.


Veðrið á Íslandi:

15°C: Veðrið, svona eins og það gerist best á Íslandi. Fólkið á Spáni fer í kuldaúlpur og setur á sig þykka vettlinga. Íslendingar liggja í sólbaði.

10°C: Frakkar reyna af vanmætti að fá kyndinguna í gang. Íslendingar planta blómum í garðana sína.

5°C: Bílar á Ítalíu neita að fara í gang. Íslendingar fara að gamni sínu í bíltúr á Saab-druslunni.

0°C: Eimað vatn frýs í heiminum. Vatnið í Hvítá þykknar aðeins.

-5°C: Fólkið í Kaliforníu frýs næstum í hel. Íslendingarnir grilla í síðasta sinn áður en veturinn skellur á.

-10°C: Bretar byrja að kynda húsin sín. Íslendingar byrja að nota langerma boli.

-20°C: Götusalar byrja að flýja frá Mallorca. Íslendingar enda miðsumarshátíðina. Haustið er gengið í garð!

-30°C: Grikkir deyja úr kulda og hverfa af yfirborði jarðar. Íslendingar hætta að þurrka þvott úti.

-40°C: Íslendingar standa í biðröð við pylsuvagnana.

-50°C: Ísbirnir flykkjast burt frá norðurpólnum. Landhelgisgæslan frestar björgunaræfingum, bíður eftir alvöru vetrarveðri.

-60°C: Mývatn frýs. Íslendingar leigja sér spólu og halda sig inni við.

-70°C: Jólasveinninn heldur í suðurátt. Íslendingarnir verða pirraðir yfir því að geta ekki geymt brennivínið sitt úti. Landhelgisgæslan setur í gang björgunaræfingar.

-183°C: Örverur í mat lifa ekki af. Íslenskar kýr kvarta yfir handköldum bændum.

-273°C: Öll atóm staðnæmast vegna kulda! Íslendingar byrja að tala um að það sé nokkuð kalt úti.

-300°C: Helvíti frýs! Ísland vinnur Evróvisjón!