hugi.is/visindi<br><br>

<p><a href="http://maggi.hamstur.is“><img src=”http://maggi.hamstur.is/banner.jpg“ border=”0" /></a><p

Ég vil helst fá:

1. Raun- og náttúruvísindaáhugamál undir Vísindi & fræði. Það er ekki of þröngt efni þannig að það deyr ekki út strax. Stærðfræðin ætti að geta verið þar þó hún sé strangt tiltekið hvorki raunvísindagrein (byggir ekki á tilraunum eða athugunum) né náttúruvísindagrein (fjallar ekki beint um náttúruna). En auk hennar væru þar eðlisfræði, efnafræði, stjörnufræði, líffræði, jarðfræði o.fl. - korkum yrði komið upp fyrir þessar greinar til að byrja með eftir því sem þurfa þykir.

2. Mann- og félagsvísindaáhugamál undir Vísindi & fræði. Það er ekki heldur of þröngt efni þannig að það ætti ekki að deyja út strax. En það liggur í sjálfu sér ekkert á þessu þar sem enginn hefur verið að masa um þetta. Undir þessu væru greinar á borð við félagsfræði, sálfræði, stjórnmálafræði, mannfræði, þjóðfræði o.fl. - og sama yrði upp á teningnum hér, byrjað á að láta kork nægja fyrir hverja grein.

3. Málvísindaáhugamál undir Vísindi & fræði. Ég segi málvísindi í stað tungumála, einfaldlega því það er víðtækara og meira til að tala um á því áhugamáli. Þar væri hægt að ræða um öll tungumálin og á öllum málunum - helstu tungumál fengju kork til að byrja með - en einnig þýðingar og málsögu, um félagslegar og sálfræðilegar hliðar tungumálanáms og máltöku barna o.s.frv.

4. Dulspekina burt! Og Ufo líka. Kannski mætti bara setja þau áhugamál undir nýjan yfirflokk sem héti “Andleg efni” eða eitthvað slíkt. Nú ef ekki það, þá bara undir Tilveruna.

5. Trúarbragðaáhugamál og það mætti líka fara undir “Andleg efni” (en annars Tilveruna). Ég vil ekki fá þetta áhugamál vegna þess að ég hafi einhvern áhuga á trúarbrögðum og guðfræði, heldur vegna þess að þá myndi maður losna við 90% af þeim greinum um guð sem sendar eru inn á heimspeki og þar með líka af Vísindum & fræðum.<br><br>____________________________________
Aut tace aut loquere meliora silentio.

taka eve út ekki ever :)