Kodak, ég gæti ekki hafa sagt það betur.

Þó að ég trúi á framhaldslíf, trúi ég ekki þeirri kenningu að ef við lifum eftir einhverri einni bók mun okkur verða borgið og þá erum við fullkomnar mannverur. Biblían er einfaldlega ofmetin. Hún er skrifuð af karlmönnum í (nánast)fornöld. Fólk var nú ekki með allt á hreinu, allan heiminn alveg útpældan og búið að fatta tilganginn með þessu öllu saman. Ég held að við eigum aldrei eftir að fatta það í þessum heimi. Því er fáranlegt að heiðra og virða fáfræðislegar reglur sem eiga ekkert skylt við nútímalíf. Þó að við sem lifum í nútímanum vitum vel að þess gerist ekki þörf að grýta manneskju í hel ef hún stelur brauði(eða hvað svo sem stendur í þessari bók), þó er það samt málið að ef fólk les í henni á hverjum degi kemst það ekki hjá því að öðlast þessa brengluðu hugsun þó að sú hugsun ráði ekki endilega deginum hjá því fólki. Auðvitað er margt í biblíunni sem er gott og gilt í dag, góðar reglur sem við mættum hafa í huga en að kristin trú geti ráðskast svona með okkur eins og raunin er það er fáránlegt. Eins og Ísland, það er kristið land, rétt? og við fáum enga völ, við erum einfaldlega kristin og það er ekkert með það. Við skírum, fermum og giftum allt í nafni heilags anda og allt það. En það er bara mörgu fólki nákvæmlega sama, þetta eru hefðir og hefðin sem slík höfðar til fólks en ekki það að það sé að gera einhvern samning við guð eða hvað sem er.
Ég er bara ekkert að fíla biblíuna og hugsunarganginn í kringum hana. Sjáið t.d. Omega sjónvarpsstöðina. Er þetta fólk ekki bara guðlastarar allt saman? Það tekur við launum eins og annað fólk en allt í guðsnafni, hallelúja. Það er vel stætt. Á hverjum degi er texti á skjánum þar sem er tilkynnt að verði tekið við framlögum í síma. Hvað er fólk að gefa peningana sína í? það er að borga launin hjá þessu fólki, sem fékk svo frábæra gróðahugmynd að stofna íslenska kristilega sjónvarpstöð, mikill markaður fyrir það á Íslandi, þarna situr það og talar um sjálft sig og hvað Guð er nú æði og svoleiðis, að ég tali nú ekki um frábæra trúbarorinn sem gólar kristnum söngvum í tíma og ótíma, það er nú reyndar hið besta skemmtilefni(lol). Nú síðan er sýnt frá útlenskri kristilegri sjónvarpstöð og þar getum við séð hinn glæsilega Benny hinn tala um kærleikann, en ég get sagt það í mínu tilviki að kærleikurinn sé ekki alveg að komast til skila þar sem ég er of upptekinn við að pæla í glæsilegu (ó)hárgreiðsluna hans. Nú tala ég náttúrulega bara af fordómum en ég varð bara að fá útrás fyrir allar þessar ókristilegu hugsanir sem brjótast inní ósiðgæðislega heilanum á mér. Takk fyrir.