Ég og konan mín skelltum okkur á föstudag og laugardag (hún reyndar sunnudag líka en ég var of bólginn). Við fengum okkur bæði tattoo, ég eitt eftir Búra og hún eitt eftir JJ og eitt eftir einhvern sem ég bara ómögulega man nafnið á.

Ánægjan var mikil enda nóg að gerast en staðsetningin var afleit. Allt of lítið, allt of heitt og allt of mikið af sóðalegu liði á neðri hæðinni. Mér fannst til að mynda ekkert lekkert að kasta af mér vatni með tattúið bert og glænýtt við hliðina á manni sem angaði eins og róni! Það þarf án efa að skoða fyrir næsta ár..

Listamennirnir komu mér á óvart því ég var búinn að gúggla þessa nýju erlendu og fannst ekki mikið til þeirra koma. Þegar allt kom til alls þá voru þeir bara mjög færir og settu skemmtilegan blæ á hátíðina.

Annars bara takk fyrir mig og sjáumst að ári!

senda mynd? :O