-Maðurinn á bak við nickið verður einungis á tveggja vikna fresti héðan frá til þess að ég, undirrituð verði ekki uppiskroppa með ummræðuefni fyrir jól.

—

Hver er dramadrottningin Gulla369griz í raun og veru? Er hún eins skapstór og hún segist vera? Eða er hún í raun og veru ljúf eins og lamb?

Gulla er 12 ára yndismey sem verður 13 ára sama dag og Tom Felton en sá strákur leikur hinn lokkafagra Draco Malfoy. Gulla er í grunnskóla en auk þess heldur hún lífinu í fjórum yndislegum lömbum í sveitinni. Uppáhalds persónur hennar í bókunum um Harry Potter eru karlmennirnir í sögunni, Severus, Remus og Sirius en bókin sem er í uppáhaldi hjá henni er auðvitað Harry Potter og fanginn frá Azkaban. Gulla telur að framtíð Harrys og félaga eiga eftir að vera mjög spennandi en dauðinn eigi eftir að vaka yfir þeim félögum, þó segist hún ekki vera viss. Myndina telur Gulla vera hörmug og segir hún m.a. að það klúðrist alltaf. Undirrituð leyfir sér nú að hneykslast á þessu, þar sem þessar myndir eru nú hreint meistaraverk og óskarsverðlaunanna virði.

Í Persónuleikaprófi sem hún tók þátt í kom í ljós að persónuleiki hennar er einna líkastur persónuleika Harry Potters. Það þýðir að hún er hugrökk, umhyggjusöm og ævintýragjörn. Skap hennar getur reynst henni fjötur um fót því það vill stundum vera nokkuð þungt þó að lífsgleðin sé annars oftar við völdin. Gulla er einnig mikið fyrir að brjóta reglur. Hún Gulla okkar er almennilega greind og notar hæfileika sína vel, einnig er hún talinn góður leiðtogi. Þess má geta að Gulla var flokkuð í Gryffindor, sem ætti að passa vel við hana.

Gulla segist vera ein af þeim sem rífst við kennaranna, þvílík skömm. Hún telur sig vera mikla myrkraveru, líkar best við veturinn og fullt tungl. Gæti verið að hún sé önnur en hún þykist vera? Getur verið að þar sem henni líður best á kvöldin og á fullu tungli að Gulla gangi um sveitir vestfjarða og gefi ungum drengjum ástarseið?

Gullu, er illa við undirritaða, Ritu Skeeter, af einhverjum ástæðum og leyfir undirrituð sér að hneykslast á því. Undirrituð telur að illska hennar í garð Ritu sé vegna skandala sem hún kom upp um Harry Potter á fjórða árinu hans í Hogwarts. Telur undirrituð að hún sé eitthvað heit fyrir drengnum, en ef maður lítur á uppáhalds persónur hennar í sögunni sér maður að karlmennirnir standa uppi. Getur verið að Gull369griz sé í raun að brugga ástarseið fyrir þá? Það gæti verið, þar sem hún er á fullu í að “leika” sér með rúnir. Einnig eyðir hún hálfum og heilum deginum í það að ímynda sér sögur, hverskonar sögur treystir undirrituð sér ekki að geta sér til um.

Við skulum líta á nokkrar staðreyndir um Gullu369griz:

#Uppáhalds persónur hennar í bókunum eru karlmennirnir, Severus, Remus og Sirius.
#Henni er illa við Ritu Skeeter
#Persónuleikapróf fær það út að hún sé Harry Potter.
#Hún leikur sér með (ástar-)galdra(?)
#Henni líður best á fullu tungli.

Gull369griz er stórhættuleg ástsjúk manneskja, sem okkur ber öllum að vara okkur á. “Líður best á fullu tungli” Það er á almanna viti að ástin kviknar alltaf undir fullu tungli. Uppáhalds persónur Gullu369griz eru sjálfir karlmennirnir.

-Stelpur varið ykkur á gullu369griz- maður veit aldrei á hverju hún tekur upp á
-Karlmenn varið ykkur á gullu369griz- hún er ekki öll sem sýnist.


Rita Skeete