Tzipporah er nánast óþarft að kynna fyrir fólki. Hún er sú sem ásamt BudIcer hefur ráðið ríkjum hér á Harry Potter áhugamálinu. En það er margt sem þið, hinir heiðvirðu notendur huga.is, vitið ekki um hana og hennar kænskubrögð.
Hefur enginn hérna undrað sig á því að Tzipporah er ekki á ofurhugalistanum á þessu áhugamáli, né heldur á /matargerð sem hún stjórnar líka? Nú spyr ég: Hefur einhver séð hana á einhverjum ofurhugalista hér á huga.is?
- Nei, það hélt ég ekki. En hvernig komst þá Tzipporah í þá stöðu að verða admin á hvorki meira né minna en tveimur áhugamálum?
Ég tel það skyldu mína sem fréttamaður að segja ykkur staðreyndir málsins, hversu ógeðfelldar sem þær eru. Tzipporah svaf sér leið uppá toppinn! Þetta er ekki einhver orðrómur sem erfitt er að sanna, því heyrst hefur að hún eigi jafnvel von á barni eftir einn af ofuradminunum á huga.is.
Hún ætti að skammast sín. Svo vappar hún hér um bæinn og þykist betri en flestir, stefnir á að verða grunnskólakennari og kennir meira að segja nú þegar í sunnudagaskólanum. Ég bara spyr, er þetta nú manneskja sem á að kenna ungum börnum góð gildi? Jah.. svei!
Hvað störf hennar hér á vefnum varðar þá virðist hún nú svo sem vita um hvað málið snýst og virðist hafa lesið bækurnar um Harry Potter. Af skrifum hennar hér að dæma virðist vera að hún haldi mest upp á Molly Weasley af öllum persónunum í bókinni, en henni fylgja Severus Snape og Remus Lupin fast eftir. Veit nú svo sem ekki hversu mikið er að marka það, miðað við annað sem hún lætur frá sér.
Nú þykist hún vera að skrifa einhvern áhugaspuna um framtíð Harrys og félaga, en ég vil nú ekkert tjá mig um gæði þeirra skrifta, gæti bara fengið á mig bann hér á huga fyrir skoðanir mínar á þeim málefnum.
Þegar Tzipporah fékk að prufa flokkunarhattinn vildi hann halda því fram að hún væri efni í Hufflepuff, að hún sé svo full af trúfesti, sé iðin og dugleg. Huh… ég leyfi mér nú að efast um það. Konan er að verða 25 ára von bráðar og hefur einungis lokið því sem jafngildir einu ári í háskóla og hversu dugleg er hún líka að skipta út triviuspurningunum? Það líður stundum hátt í mánuður á milli uppfæringa, huh.. iðin og dugleg minn rass!
Persónuleiki Tzipporuh var líka borin saman við persónuleika hinna ýmsu persóna úr galdraheiminum og kom þá uppúr dúrnum að Tzipporah væri hæfileikarík, gáfuð, umhyggjusöm og hæfur leiðtogi sem gerir sér fullkomlega grein fyrir muninum á réttu og röngu og hefur góðan sjálfstæðan skilning á ýmsum siðfræðilegum álitamálum, líkt og Albus Dumbledore.
Já já, á ekki bara að segja manni það. Góður skilningur á ýmsum siðfræðilegum álitamálum… hvað kallar hún það að sofa hjá fyrir adminstöðu?

Ég ætla að láta staðar numið hér, en vara ykkur við, verið öll á verði gagnvart Tzipporah… hún er ekki eins og þið hélduð að hún væri.


Rita Skeete