Ég vona að þetta komi almennilega út. Ég þurfti að minnka myndina og hún varð svolítið óskýr við það. Þetta er mynd sem ég teiknaði 2001 af hinum ellefu ára gamla Draco Malfoy í þeirri stöðu sem hann var í þegar þeir Harry hittust fyrst. Þá var verið að mæla hann svo hann fengi nú skólabúning sem passaði. Fötin sem hann er í eru óvenjuleg af því að ég ímyndaði mér að galdramenn gengu ekki í kyrtlum og skikkjum dags daglega en við vitum að þeir klæða sig ekki eins og Muggar. Svo má ekki gleyma því að þetta gerist árið 1991 og tískan hefur breyst mikið síðan þá.